魔術師的玩具2020

Garycharm

2021年新年新開始，大家好！！！
大家去年過得怎樣？大家都說2020年過得很差，
不過老實講，我倒過得頂順利，很多目標都達到了，
就講我說了多年的減少買玩玩具，
過去一年，因為收入大減，我終於做到了！
當要數每年最愛玩具，看看舊年成績...我去年所買的玩具，原來不過幾十隻，要揀也容易得多。
真係好似香港電影金像獎頒獎禮咁，全年得幾套港產片，
邊個贏邊個輸都冇乜懸念。

說起來，困擾我多年的肥胖問題，因為要節衣縮食加上心理質素，在2020年已得到改善；
又因為有勤洗手、戴口罩、少出街，病痛也少了，醫療費用也省了不少！

好喇，開心o野講住咁多先，
我o地講玩具。

看吧，看吧，無論日子怎麼過，我o地都要玩玩具！！！！！



GX-91 Getter 2,3

每次出三一玩具，真三一又好、新三一又好、帝王三一又好，都有人講話想有埋 getter 2,3。
不過當真係出二（例如當年新世紀合金）、三號，就有一排變死貨。

例如呢盒 GX-91，睇住佢出，睇住佢跌，見者傷心。
（好在近排已經唔多見，算賣得到）
呢套三一造型真係好靚，尤其三號，果種合金感覺，拎上手真係好幸福。
為人詬病的履帶問題...我個人唔太執著，
一來就算真係俾履帶你，都好難「轆」住玩，二來依家我玩得放心。






GX-90 超力 F.A.

我們玩具迷當然希望超合金可以又合體又高可動，
不過面對現實，合體和高可動真係好難並存，
強如當年合金魂 Gunbuster 號稱超可動，都係加了肩關節、強化腳關節而已。

要撫慰心靈，F.A. 真係一個唔錯o既權宜選擇。
呢隻超力，真係好適合 F.A. 。
有型有款。
話說回來，又真係唔係隻隻o岩做，
例如傳說巨神，真係點擺都唔順眼。






5 ProStudio 金剛小寶貝

小寶貝產品不多，本品由推出宣傳開始我已經留意，
去到後來，忽然變了外觀-------
與其說魔改，不如說 Lego 化，我頂你隔甩底，玩具迷一百歲唔死都有新聞！

實物拎上手，真心，感覺靚過睇相，Lego 感唔算礙眼。
所有關節好順，擺姿勢一步到位，好好玩。
我相信可能就係要開位遷就關節，先至搞到外型咁奇怪。

惟一不滿係頸長o左少少，如果加一個伸縮關節就好喇！




Hi Metal L-gaim MK 1

終於推出 1/100 合金 L-gaim！
終於推出 1/100 合金 L-gaim！
終於推出 1/100 合金 L-gaim！
重要o既要講三次，情意結我唔多講，你明就明。

玩具要有關節都有了，大部份經典姿勢都擺得出。
L-gaim的魅力在於簡約線條之下，在關節位流露出機械感，
這方面 Hi Metal 都做到了。
小腿散熱蓋用上「真正」仿油壓，唔再係魂spec 果種掛羊頭。
我惟一稍覺不足係頭部不能揭開，
未能像當年 1/100 模型所展現的經典內構。





King Art 金剛飛天鑽

先要鬧o既係竟然冇附有「飛天鑽」，擺明留一手，我頂你隔甩底！

之前KA萬能俠 評價並不理想，去到宇宙飛龍金剛先奠定優質玩具地位，這隻Jeeg ，我也是考慮了好一陣才訂....畢竟，人馬合一真係好高難度，佢老哥仲要玩拆甲！

比較家中幾隻拆甲玩具，例如 Bandai DX 萬能俠、AT 鐵人28，呢隻 K.A. 算好穩陣....講穿o左其實好簡單，佢只係磁力拆甲之外加一兩粒小插樁，成件事就唔同晒。
馬腳關節亦好，輕易擺出雙腳企之餘，亦夠力保持平穩。

說美中不足----當人馬合一，接合樁太短，未夠穩陣。
此外，人馬連接位沒有關節，人上身不能前傾，擺pose會有限制。
最後-------係個人猜測-----就係馬腳足踝，如果我冇睇/估錯，足踝內（非外露關節）連接係靠一顆比較硬的軟膠，假以時日，當這顆膠收縮變硬，就有機會發軟蹄。



DX超合金 VF-1S

當經歷過 Yamato 一堆1/60 收集地獄，我對 Bandai 的1/48 系列實在提不起勁。
只係睇準佢出福卡機，我先至一炮中出。

整體平凡中見驚喜，
因為比例大了，好多以前1/60感覺纖幼的地方都變得穩固了----雖然仍然感覺易爛。
變形好流暢，我睇一次說明書已經可以變來變去，好好玩。

人形比例好，不過要穿崩的地方仍然穿崩----有點懷念當年Y記（還是後來的A記）所附有的遮醜配件。
作為菜迷玩迷，冇買錯。






Evolution Toy 天地雙龍

除了大膠類，天地雙龍的玩具一直好少，
玩具迷都引頸以待，就是早幾年Fourze 的偽雙龍也會叫大家興奮了好一陣。

我也一直在等雙龍，
如果SHF 肯出當然好，不過看SHF 的電腦奇俠個死樣，就算佢肯出，我都唔敢期待。
記得早兩年有兩間廠同時公佈出雙龍 action figure，一間是 ET，另一間就不記得了（action toy？）。
我對ET當然大有戒心，所以一直等另一間。不過等了又一等，似乎都係唔駛等，還是入一對ET 先好了，反正又不太貴。

這是2019年底的產品，我今年才入手。
本品除了手腳比較幼、關節礙眼和比較鬆之外，整體問題不大。
最大優點係那一身所散發出的昭和味，真係好有回憶。





GX-59R金毛獅王

乜都唔駛講，玩盒！
係屣錢係屣地方，
情意結o既o野，老婆敢囉囌都即開拖！





CCToys 天元突破

為o左佢，我特登翻睇一次卡通天元。
玩上手，所有o野都唔錯，
夠大夠實淨、活動能力合格，
雖然o係我心中，真係唔及當年 Konami 合金簡約高可動討好。
不過呢隻有一個無敵優點-----夠平！

如果你冇 Konami 合金，呢隻必入。
如果你有 Konami合金，呢隻都不妨一入。






叮噹情景

全紙板製，優點係夠平。
勉強可配 SHF ，當一放叮噹大雄入去，嘩！不得了，
D回憶直情湧出o黎！！！！





SHF Marvel & DC

2020年我買得最多其實係美漫 figure ，
單係SHF 已經佔了三分一。
今年的 SHF 真的出得不錯....除了幾隻衰得特別離譜之外，算喇，果D 唔好提。
同大家睇幾隻我比較鍾意o既。















Marvel Legends

玩美漫點少得 ML，
今年的 ML 維持水準，
一隻 Sugar man 一隻 Venompool 就在平凡中見驚喜，
另外，忽然出一隻大大隻的 Toxin 亦令我玩得開心----嘩，背脊果D鬚真係不得了，好似山口式果D佛像咁，
而且仲平得多、襟玩得多。

ML 套 Logan & professor X ，面相唔錯，
至於身形可動性甚麼的，都係麻麻地。
真係睇完套戲為o左買佢個盒咁啦~~~



















McFarlane

本來已經對蝙蝠俠有Ｄ意興欄珊，忽然有　McFarlane　加入混戰，仲要價錢相宜，隻隻幾靚。
新推出果堆batman who laughs　直頭犯規，對呢個漫畫系列，真係「唔睇都買下」！











新年新希望，祝大家
金槍不倒、
無堅不摧、
玩具長玩長有，

最重要係，身體有限、言論可以被限，但係信念永遠不死　：


祝絕大部份ｏ既香港人心願，早日達成！！！！！

nela

睇引言就笑中有涙，感同身受⋯⋯

C兄回顧中我只有2隻（1S同超力)

今年大家揸柚

Gundam6j

新年快樂.
祝師兄2021年都繼續安然度過.
師兄既相都係一如以往咁毒.
師兄有入Marvel legends 咁有無玩Star Wars black series,
今年都有d亮點幾吸引.

wwwkcc

隻小寶貝我係幾鍾意嘅,但入唔到我5大因冇金屬感同埋我中咗sad,兩個盾合唔埋:(

Douglas.M.Saint

祝絕大部份ｏ既香港人心願，早日達成！！！！！:$

wwwkcc

你知佢係靠兩個位迫實,但我就差少少迫唔實,一郁就鬆返開,所以我兩邊都加咗AA等佢迫返實啲

Garycharm

wwwkcc 發表於 4-1-2021 01:09 PM
你知佢係靠兩個位迫實,但我就差少少迫唔實,一郁就鬆返開,所以我兩邊都加咗AA等佢迫返實啲 ...

自己簡單搞到就好啦。

我果隻相反，一合埋就好難分開。果次幾乎嚇死我。

toysraven

新年快樂，多謝師兄的新年總結！上年我都無乜心機買玩具，得CCTOYS天元，千記終極超獸同幾隻HT星戰。希望今年大家都可以繼續開開心心玩玩具！

Gundam@EFSF

仲係咁有心有力!  BTW, 請問仲有冇maintain個blog?

robotkelvin

好有heart的分享，GX-91最正，我覺佢個價好硬淨，我估笨大都唔敢整咁多貨。

我都好耐無買玩具了......

Dick.Po

件件優質，張張頂級！:handshake:

Garycharm

Dick.Po 發表於 4-1-2021 11:02 PM
件件優質，張張頂級！

你讚我影相？我驚我受唔起。:60:

講開影相，喂，呢排好悶，你班版主大人搵啲野搞下吖～
好耐冇搞攝影比賽，去 r 贊助搞個比賽大家高興下。

玩具Joe

能夠睇到魔術師兄既年度分享實在係賞心樂事，縱使環境如何，依然豁達，玩具要繼續玩，最多玩少D姐！嘻嘻！

csquare

好耐無見McFarlane有新作，估唔到師兄仲有留意呢間公司

csquare

csquare 發表於 5-1-2021 03:13 PM
好耐無見McFarlane有新作，估唔到師兄仲有留意呢間公司

NECA 太多出品，真係忽略咗呢間公司，多謝師兄提醒