黑三一

robotkelvin

這家廠出過唔少機械人模型，我相信最好賣係黑三一，賣完就無再見過，其他都係插水清貨收場，當年唔捨得買新世紀合金，就買這模型，不過都要等減價。
部件好似手辦，同笨大的電腦件完全兩回事，好重手工雕琢感覺，特別係披風做得好靚。膠好厚好硬，補夾口磨餐死，直砌只係改短條頸，執執個斧頭，基本上色，唔滲線扮超合金玩具。


-->黑三一個水桶腰過粗過幼都唔好睇，我覺得佢肥瘦適中。


-->身材比例靚，只係頭細咗啲，不過總好過Bandai的大頭幼腰。


-->披風上的細緻紋理做得好靚，線條有柔軟感。


-->活動能力有限，加上曾經斷腳，唔敢再扭了。


-->黑三一高大靚仔。


-->Getter 3 氣勢一啲都唔輸蝕。


-->竟然高過新世紀合金......


-->牛咁大個盒其實只有三個版件。


-->上級者向…..意思係大量膠水和打磨啫！


-->簡單資料，包括原型師名字。


-->說明書黑白，一紙兩面，無插圖係咁多。


-->廿幾年前......八折咗都好貴呀！

Vince

2百幾蚊 .... 而家買隻 Robot魂 都唔得 :$

eddiem249

三一出得最靚既模型，係super minipla

Lau

我覺得頭太細...