HG 1/144 Kampfer Amazing

nkr

2020小弟第1件作品 - HG 1/144 驚異京寶梵

其實喺2018 年10月開盒，11月已經做好無縫同噴咗主色。
大家無睇錯，係噴油，用雙星噴罐（屋企既剩餘物資要清）。
家有妻小，噴油都要半夜匿喺厠所開行抽氣扇進行...最頂癮係當晚俾工人姐姐問做乜咁臭...我諗屋企噴油可一不可再，所以有得噴油的朋友請好好珍惜機會:67:

噴咗主體同武器包，但係成個配搭好奇怪。
結果99%酒精侍候，將武器配件洗晒d 色佢，而呢個決定亦都令到件作品到2020年既今天先完成。


今次肩部裝甲做咗輕微分件，方便上色（黃色零件係凹咗入去既）。


4套武器箱，我拎咗2套去浸酒精，一浸就浸咗好幾個月，好似浸蛇酒咁。
其實真係唔多想再去面對呢個爛攤子，結果係中途又走咗去砌其他好做順利既。
2019 既Turn A TurnX同埋重裝渣古都係咁應運而生，呵呵～～
最終鼓起勇氣，首先用牙擦擦走洗淨2套武器箱，再擺底幾個月後心情平復再續前緣。{:1_201:}

時光飛逝，嚟到2019聖誕同新年檔期，有閒情再開檀作法。
先上槍鐵色，再上銀色，然後上金屬紫，埋尾上埋深淺灰色。
食咗好幾云串燒。


構思上，我想造出光暗對比分明又帶有閃閃令既點綴。
一路思想掙札緊到底配紅色金色定橙色好，最終因為手頭上有金屬紫既油性油而選擇咗佢。。

為咗令紫色既發色更好，先打一層銀色先。


當然有細部需要做遮蓋。再買一次教訓，多凹凸坑紋既地方千忻咪用遮蓋液。
一來封唔實，二來有排摵，怕怕。
下次記得一係用膠紙，一係出界地衣補色，快靚正。
留意武器箱，因為造得唔好既關係，中間條紫色我又再刮走重上槍鐵色。:47:


摵晒d膠紙後，發現好多地方漏色。
手殘，唯有補色。
埋尾為槍槍瞄準鏡同眼睛上金屬綠色，貼埋自護個軍徽，完成了！！！
真係幾經波折...

nkr

簡單玩吓雙槍雙炮姿勢，長槍手槍同刀刀都唔玩lu:45:








拎埋幾年前完成既京寶梵，同埋最近隻重裝渣古合照留念先。




見到呢對黑媽媽雙機，激起再造一隻暗黑色系既單眼機。
睇番自己既山積，相信將會製作暗黑勇士，到時組隊參加隊際高達對戰先。

多謝觀看。:64:

pHil

好靚。

C hing 會唔會考慮買水簾抽氣箱，屋企噴就會變冇咩味

weiwei

pHil 發表於 7-1-2020 10:37 AM
好靚。

C hing 會唔會考慮買水簾抽氣箱，屋企噴就會變冇咩味

家有大小，土地原本已經係問題，有時間砌模型更加係機會難得，再要買個抽氣箱就簡直係奢侈！
我好明白樓主心情，因為我都係咁(小弟阿囡三歲半)，難得有少少時間砌，海關又會話點解搞啲咁架野唔陪阿囡，又話啲鉗呀、

weiwei

點解回覆個系統都可以爛成咁，出唔哂D字？

nkr

噴油這些機會，我諗都不屬於老公同老豆的。
所以一向都只會手掃上色，今次既黑色係例外，可一不可再。
(黑色以外既部份都係手掃的！）

小弟屋企後樓梯係密封式冇窗開，所以不了。

有次同個模型舖老板傾計，佢都開始介紹d 無乜味既油漆俾d爸爸客，俾多個機會爸爸喺屋企重拾雄風。

時間就真係...我都只能夠等11點後先可以開工到1-2點挨眼瞓做。
仲要朝行晚拆，所以每次只係夠上一隻色，哈哈真犯賤{:1_214:}

這是愛呀！！！

nkr

weiwei 發表於 7-1-2020 02:02 PM
點解回覆個系統都可以爛成咁，出唔哂D字？

個系統唔想師兄你咁多嘮騷，等你可以正面D開心D呀{:1_208:}

我d 相用唔同電腦有d睇到有d睇唔到，都唔知係TD事定google 問題。
無視就好

flash

能完成就很勵害了。金屬紫色不知道是不是照片關係顏色偏暗及淡。不過還是要支持一下