《C+偵探》有少少劇情透露

路人丙

片    名：C+偵探
導    演：彭順
編    劇：彭順 彭柏成
主    演：郭富城 廖啟智 黃德斌 劉兆銘
                黎耀祥 成奎安 商天娥 谷祖琳
類    型：動作/懸疑


亞探(郭富城 飾)是生於泰國的華裔，自幼因雙親失蹤而孤苦零丁，他一直嚮往能夠成為一名警察，但是因為雙眼高度近視而未被錄取，最終迫於生計而成為一名私家偵探。為了謀生，在唐人街處理一些男女糾分、雞鳴狗盜之類的小案子。而一樁看似尋常的“尋人案件”卻將他的“無聊”生活打亂。原本以為是簡單的男女私情糾紛，但是亞探越調查發現事情越複雜，正當千頭萬緒無從下手之際，知情人又開始一個個的神秘死亡，兇手的殺人手法極為詭異，毫無線索可尋，亞探面臨到他職業生涯以來最大的挑戰……



[ 本文章最後由 路人丙 於 27-9-2007 01:10 PM 編輯 ]

路人丙

到今時今日丙叔依然未放棄港產片,
繼續入場睇,因為港產片仍然俾到我驚喜.
昨日入場睇哩套野,城城由頭擔到尾,但出奇咁冇廁所位.
由一開始已諗到戲內既故事係咩,
但一路睇,個發展又開始將觀眾帶離個原點,
個結尾好鬼異,但確實係一開始諗到既野.

電影類型評為動作/懸疑,
但丙叔要加多個...........動作/懸疑/驚嚇
:DD:DD

汝無名

我都睇左, 係因為恨睇廖啟智, 其實故事好簡單, 但都幾緊張, 可以一看.

PowerMan

我反而好耐冇睇港產片,但係尋日假期下,無心插柳之下都睇左呢套戲.

套戲節奏比起一般既懸疑片明快,正合我杯茶.
基本上做完每一段故事之後都可以猜想到下一步大約既劇情,不過咁先似返偵探,慢慢解開謎團,呢一點其實唔錯,有.
結局,都係意料之內,亦離不開彭氏既拿手好戲,但自從鬼眼之後,呢種結果已經驚喜唔大.

老實講,成套電影做得最好係智叔,戲內既佢比人感覺冷靜,成熟,勇敢,笑位亦做得非常好.
另外就係谷袓琳,雖然短短數分鐘,但係一個字,"正".
仲有大傻,見佢可以走上走落,真係有D感動.

不過有D問題唔太解釋到:
1)每當阿探出現案發現場或者進行調查,阿澤都會有意無意咁出現,究竟係佢同阿探心有靈犀,定本身同事件都有關連?
2)慧心屋企門口既牙籤屈左,係有人入過去,定係?

文筆唔好,見諒.

路人丙

原文章由 PowerMan 於 27/9/2007 11:29 AM 發表
1)每當阿探出現案發現場或者進行調查,阿澤都會有意無意咁出現,究竟係佢同阿探心有靈犀,定本身同事件都有關連?
2)慧心屋企門口既牙籤屈左,係有人入過去,定係?

仲有一個問題,點解明個老婆(小雪)要收起一封信?

睇完之後諗左一陣,
假設智叔真係一個好警察,所有佢既野就可以連貫到.
首先佢後期察覺到件事真係好大鑊,
所以後期既調查先有佢份(開頭佢冇查過),
佢叫過阿探唔好再多事,亦曾搵過雙眼人(雄).

而明個老婆(小雪),則知道明個戶口有好多錢,
所以先收起封銀行信,佢未必知件事,但肯定貪錢.

(朋友d文章好好呀,大家明咪得咯)
:):)

PowerMan

原文章由 路人丙 於 27-9-2007 01:09 PM 發表

仲有一個問題,點解明個老婆(小雪)要收起一封信?

睇完之後諗左一陣,
假設智叔真係一個好警察,所有佢既野就可以連貫到.
首先佢後期察覺到件事真係好大鑊,
所以後期既調查先有佢份(開頭佢冇查過),
佢叫過阿 ...

又咁講,小雪話佢老公留左一筆錢比佢\,佢真係貪錢的話無必要隱瞞D咩,錢都已經係手.除非佢係幫凶,但真係的話,按戲路佢一定死梗.
啦!問題又出現啦,小雪都講左之前差人問過野,阿澤亦提過,咁阿澤有冇必要再搵小雪?就算佢真係估到阿探會係度,萬一唔係度又點搞呢??真係心有靈犀??

另外雙眼人,如果真係阿澤打過比佢,從佢地既對話中知佢\地一定相識,但係最後佢被捕一刻,佢地又好似互不認識??

好迷~

路人丙

原文章由 PowerMan 於 27/9/2007 02:51 PM 發表
又咁講,小雪話佢老公留左一筆錢比佢\\,佢真係貪錢的話無必要隱瞞D咩,錢都已經係手.除非佢係幫凶,但真係的話,按戲路佢一定死梗.
啦!問題又出現啦,小雪都講左之前差人問過野,阿澤亦提過,咁阿澤有冇必要再搵小雪?就算佢真係估到阿探會係度,萬一唔係度又點搞呢??真係心有靈犀??
另外雙眼人,如果真係阿澤打過比佢,從佢地既對話中知佢\\地一定相識,但係最後佢被捕一刻,佢地又好似互不認識??
好迷~

係喎~~~~"
首先我想搞清楚先..
阿探去搵雄時,雄係同澤傾緊電話果呵??

另我諗小雪係想單野以自殺結案,
如果筆錢曝光,(因明自殺動機係爭人錢)
警方可能會再查,到時筆錢可能會冇左.......

愈扯愈遠
:shy::shy:

PowerMan

原文章由 路人丙 於 27-9-2007 03:01 PM 發表

係喎~~~~"
首先我想搞清楚先..
阿探去搵雄時,雄係同澤傾緊電話果呵??

另我諗小雪係想單野以自殺結案,
如果筆錢曝光,(因明自殺動機係爭人錢)
警方可能會再查,到時筆錢可能會冇左.......

愈扯愈遠 ...

有呀,佢第一句已經講左個名,如果真想用阿雄呢次電話通訊黎帶出佢係雙眼人,咁同一套電影裡面用兩個一樣既名未免有D畫蛇添足.

如果小雪真係照你咁講,咁佢想隱瞞一D野都有原因.....講開又講,小雪殘左好多.

飛車男．小強

原文章由 路人丙 於 27-9-2007 03:01 PM 發表

係喎~~~~"
首先我想搞清楚先..
阿探去搵雄時,雄係同澤傾緊電話果呵??

另我諗小雪係想單野以自殺結案,
如果筆錢曝光,(因明自殺動機係爭人錢)
警方可能會再查,到時筆錢可能會冇左.......

愈扯愈遠 ...

我覺得果野係導演特登點我地, 電話果個叫阿譯je, 無人話果個就等如同一個阿譯, 可能係杜汶譯呢....:p
其實套野好似特登令觀眾以為廖啟智有份, 但似乎最後佢都只係個好警察同埋阿探既死擋....

不過, 我都有度唔明.....阿雄係兇手, 照佢講之前搞阿探既都係佢\, 但點解阿探伏佢果時唔搵機會做低埋佢\, 好似至少有兩次機會? 咁咪無手尾law.....

PowerMan

原文章由 飛車男．小強 於 27-9-2007 03:37 PM 發表


我覺得果野係導演特登點我地, 電話果個叫阿譯je, 無人話果個就等如同一個阿譯, 可能係杜汶譯呢....:p
其實套野好似特登令觀眾以為廖啟智有份, 但似乎最後佢都只係個好警察同埋阿探既死擋....

不過, 我都有 ...

阿澤唔係幫凶其實好明顯,如果唔係既佢一唔會比料阿探.但問題處係一個不斷叫阿探唔好再查既普通警察,點解經常係D有可疑既地點出現?佢用多一D警力調查的話一定事半功倍.

另外阿雄應該想警告佢姐,佢本身已經都撞鬼(例如比慧心追),野多隻唔化算啦.

路人丙

最搞鬼係有解釋點解大傻成日嘔...

PowerMan

諗諗下其實係慧心搵人幫佢查至係,唔係大傻點無啦啦會比咁大疊錢出黎搵自己斬個果人呢.

飛車男．小強

原文章由 路人丙 於 27-9-2007 04:09 PM 發表
最搞鬼係有解釋點解大傻成日嘔...

呢樣簡單d wor, 其實佢嘔親都係因為見到心姐個鬼樣, 因為一見到就諗起斬佢果野所以就嘔

飛車男．小強

原文章由 PowerMan 於 27-9-2007 04:02 PM 發表


阿澤唔係幫凶其實好明顯,如果唔係既佢一唔會比料阿探.但問題處係一個不斷叫阿探唔好再查既普通警察,點解經常係D有可疑既地點出現?佢用多一D警力調查的話一定事半功倍.

另外阿雄應該想警告佢姐,佢本身已經都 ...

可能都係佢自己講, 佢太了解阿探會去番果d 地方搵野掛.....
阿探越查越危險, 加上佢既偵探頭腦初初真係差到爆, 做朋友既叫佢唔好查都o岩ge, 唔係真係死左唔知咩事....

whitebase

我今晚都睇咗. 套戲唔錯wor !! 結局好正, 原來唔係動作/懸疑 咁簡單


仲有我好鍾意故事開始時那首泰文歌. 好想搵隻碟.