你地對皇后碼頭被清拆點睇?

飛車男．小強

唉, 其實我都唔知佢地保乜, 香港地少人多大家都知, 要發展當然就要將舊有既拆左再起, 唔係點發展到呢? 皇后碼頭除左個牌之外, 所有野都唔見突出, 除左而家呢次清拆事件都應該無咩聽過有咩歷史事件發生......
其實, 我唔太明, 佢地誓死保衛緊d 咩......個碼頭唔拆, 留o係度既究竟有無價值?
好多舊野都有回憶, 但你留得幾多?

特級豉油

件事都告一段落啦, 傾皇后不如傾下以後呢類古蹟應該點做, 再直接或間接反影比政府啦, 皇后碼頭乜都未落實時唔反對, 搞好晒如箭再弦先反對都無用啦
:)

yui-ling

:shy:我對皇后碼頭冇回憶,反而中環/灣仔/北角碼頭有DD!!
一句講晒: 往事只能回味!!!

WalkerMachine

原文章由 特級豉油 於 2-8-2007 12:22 PM 發表
再直接或間接反影比政府啦....

it just seems there is still no tunnel of communication between gov. and people, and by the end, everything end up with a useless manifestation which is a total waist of police force.

特級豉油

原文章由 飛車男．小強 於 2-8-2007 12:22 PM 發表
唉, 其實我都唔知佢地保乜, 香港地少人多大家都知, 要發展當然就要將舊有既拆左再起, 唔係點發展到呢? 皇后碼頭除左個牌之外, 所有野都唔見突出, 除左而家呢次清拆事件都應該無咩聽過有咩歷史事件發生......
其實 ...

佢地理據應該係要積極保留每一樣歷史、古蹟, 以皇后碼頭作底線, 並不是皇后碼頭有極高歷史見證或價值, 個人覺得意思係好,  但做法毫無理智可言, 結果都係乜都做唔到, 仲成為"傻瓜",  假如佢地理智地無絕食、清場行動自願宣報行動結束, 並有秩序自動離開, 再積極向第二個方向傾之後政府可以點做, 集會向市民宣傳, 爭取市民支持,  咁先係做d野嘛, 好似尋日咁同d毫無目標o既反叛青年唔覺有分別
:shy:

E.T.

原文章由 飛車男．小強 於 2-8-2007 12:22 發表
唉, 其實我都唔知佢地保乜, 香港地少人多大家都知, 要發展當然就要將舊有既拆左再起, 唔係點發展到呢? 皇后碼頭除左個牌之外, 所有野都唔見突出, 除左而家呢次清拆事件都應該無咩聽過有咩歷史事件發生......
其實 ...

咁你最好去認識一下佢有乜歷史事件發生過:)

原文章由 帥府雞絲大粉皮 於 2-8-2007 12:27 發表

我反對皇后碼頭清拆,  但我更反對班抽水友 :*

當初政府話要填海, 你就可以出黎講啦!　等到今日, 米已成炊先黎嘈, 托咩?! :ar:

其實當年咨詢時我記得已經有一班人出o黎話要保護維港(包括皇后碼頭)
不過我唔知而家係唔係同一班人:shy:
當然我都相信有其中一部份係而家先出o黎抽水啦
我一向覺得連天星都保唔到皇后碼頭更加無可能保到:die:

飛車男．小強

[quote]原文章由 E.T. 於 2-8-2007 12:31 PM 發表


咁你最好去認識一下佢有乜歷史事件發生過:)

咁究竟有咩歷史事件? 講黎聽下.....:?

K66

香港,而家有錢人起樓/炒股就搵到錢,香港環境同歷史變成點佢地係唔理O既,最好維港兩岸起晒豪宅,得佢地有海睇.窮人就風都冇滴吹下.
高官呢？在任時搞基建,搞鐵路,批俾D自己友建築商,退休後大筆長糧,再空降落D大公司做顧問.

而窮人呢,咪旅遊同零售服務LAW,愈來愈貴租,人工自然要減
最後人工自然要減,被乜都肯捱的大陸同胞做晒,最後又食肥左D地產建築.
但香港高官只係識搞事,唔識利用香港故有的文物,你睇下澳門點樣重建個舊港區！佢地學西班牙巴塞羅拿,部留原來建設,遊客係想來睇一個地方的歷史,唔係Shopping shopping……
呢點係香港比唔上架.
再多3,4年,我係老外都去澳門或者返大陸旅行.香港?咁大高樓大廈，有乜好睇！

想問,正反兩方,你地本來又關住過呢件事嗎？
如果佢地一直唔出聲,我估我地仲去緊MK買玩具,根本冇人會在TD討論呢件事!
連一個玩具網都有人發起討論,就知今次行動係有其作用.
有時,就算知道做左冇用,都要做,因為會引起社會討論同關住,出現"正反意見"都好,高官去"假親民"都好,有做,總好過乜都唔做,有人講,總好過冇人講,甚而好似大陸咁,唔到你講,唔講得.

漠不關心,最可怕.

[ 本文章最後由 K66 於 2-8-2007 12:45 PM 編輯 ]

E.T.

原文章由 K66 於 2-8-2007 12:43 發表
香港,而家有錢人起樓/炒股就搵到錢,香港環境同歷史變成點佢地係唔理O既,最好維港兩岸起晒豪宅,得佢地有海睇.窮人就風都冇滴吹下.
高官呢？在任時搞基建,搞鐵路,批俾D自己友建築商,退休後大筆長糧,再空降落D大公司 ...

我都要認我係一個漠不關心的人:cool:
直到上次天星事件我先去認識何謂「法定古蹟」、「一、二、三級歷史建築」

WalkerMachine

原文章由 K66 於 2-8-2007 12:43 PM 發表
連一個玩具網都有人發起討論,就知今次行動係有其作用...

bigbig u got ur point here, just  the 作用 end up to be a  negative one...
I think among people here, some do really care about 皇后碼頭.  And they just feel annoyed to see  good cause defensed by the wrong people :o

飛車男．小強

原文章由 帥府雞絲大粉皮 於 2-8-2007 12:42 PM 發表



"保護維港協會"丫嘛, 當時仲同政府打官司添! 當時我都捐助佢地少少 :shy:  

"保護維港協會" 比呢班 "寶肉抽水王" 先知先覺得多, 唔係同一班人 :!

o!? 咁....今次佢地(保護維港協會)無出黎或者發下言咁咩?!