2019年4月 SHF 真骨彫 幪面超人 KIVA 月騎 Kiva Form (官圖P2)

大家掃

THOUTHER 發表於 28-4-2019 02:20 PM
如果日本本土同台灣果邊都出現炒風，應該就真係B社出得貨少，但如果淨係香港呢邊炒得起，應該就係香港代理 ...

台日都炒. B記雖然特別關照小日本本土貨量都搞到咁, 好明顯市場策略轉咗減少固定生產量, 直接提高定價平衡番生產成本. 即係唔需要擔心賺少咗. 順手製造話題, 亦令下游批發門市唔洗囤太多貨, 熱門貨唧牙膏銷售法(MB初號機真係有好多人咁天真可愛信佢係幾個月就再生產?)又可安心推倉底死貨俾下游食. 咁做反而可以唔洗做咁多舊貨註銷. B記產品多週期又短, 所以唔需要好似大米生果咁逐步取消飢餓營銷策略, 就算小日本國民嘈到上5大日報頭版, 短期都唔可能會改變B記現時針對即食社交媒體市場既玩法.

P.S. 打了一大段分析, TD整個食字下刪晒8成內容, 不重打了:blame:

THOUTHER

大家掃 發表於 28-4-2019 02:58 PM
台日都炒. B記雖然特別關照小日本本土貨量都搞到咁, 好明顯市場策略轉咗減少固定生產量, 直接提高定價平衡 ...

「減少固定生產量, 直接提高定價平衡番生產成本」呢個正正就係魂限的玩法，如果B社咁驚囤貨，點解唔索性將旗下所有產品都轉做魂限？一來B社可以賺到盡，二來唔使囤貨，三來確保大部份貨都去得到真正玩家手上，何樂而不為？宜家神話Line已經近乎係呢種玩法(新模only)，何苦要事先大量生產，之後再逐少將D貨唧出去？唔通存倉唔駛成本？
清舊貨死貨所有玩具生產商都要面對呢個問題，真係無聽過佢地要用「飢餓營銷」來賺錢，可能真係小弟孤陋寡聞卦？
好奇一問，今次呢隻真骨彫KIVA真係台日都炒咁勁？

c.ryo

W900 發表於 28-4-2019 02:39 PM
唔使估,今天(28號)有朋友在秋葉原,有幸見到一盒,就係電氣街出口對面,黃色那棟會館4樓,賣15980日元,很無言.. ...

日本昨日正日出貨，都有人正價有折扣入到，受歡迎SHF即日斷又唔奇，日本本土人應該大都晨早訂咗，之前隻大媽日本都好快斷但香港仲有大把貨。但日本好多時唔會只派一轉貨…
另外radio會館有一手又有二手店，啲二手店對象係遊客，價通常都比auction癲…

buddylee

港版出貨，開始回落九字頭，遲下會有八頭，無急住入， 可喜可賀

大家掃

THOUTHER 發表於 28-4-2019 04:21 PM
「減少固定生產量, 直接提高定價平衡番生產成本」呢個正正就係魂限的玩法，如果B社咁驚囤貨，點解唔索性 ...

好問題, 依家我都寧可B記用魂限方式自己賺晒但按足量出貨, 而唔係玩唧牙膏玩謝晒中同下游.

如果夾硬俾個理由仲要放通販模式去做, 就係現時成個經濟模式唔容許B記作為歷史猶久既生產商, 好似生果/TESLA咁自己包辦晒上中下游生意. 始終要留個市場俾現存既批發零售生存, 尤其是手拎住長約既大批發, 雙方個關係唔係咁容易取消. 而家個玩法, 對大批發影響有限, 但對再下幾層就影響大好多. 不過作為生產商, 只要市場受落, 理得底層既點死? 現時政治社福法治同理, 元首級別既有邊幾個除了把口外第一層諗既係市民?

c.ryo

今日有人係日本仲見到正價Kiva, Thanos, 連之前斷貨嘅經期大媽都番咗貨，減出貨量之說應該唔成立:o

THOUTHER

大家掃 發表於 28-4-2019 08:33 PM
好問題, 依家我都寧可B記用魂限方式自己賺晒但按足量出貨, 而唔係玩唧牙膏玩謝晒中同下游.

如果夾硬俾個 ...

如果全部用哂魂限方式買賣唔係唔好，但大前提係佢個訂購網站可以有效防止炒家用bot程式搶訂，好似港魂果個訂購網站真係算X數罷啦，上年會場限定果隻MB突擊自由，呢度好多師兄對住個Mon奮戰幾個鐘都搶唔到，如果可以Block到bot程式，咁魂限販售似乎真係最公平的方式！
小弟最同意師兄呢句「作為生產商, 只要市場受落, 理得底層既點死?」只要D貨賣得哂，B社就萬事大吉，至於D貨賣咗俾邊個，真係關人隱士，玩咗咁耐玩具，小弟對B社真係有呢種感覺。

大家掃

c.ryo 發表於 28-4-2019 08:40 PM
今日有人係日本仲見到正價Kiva, Thanos, 連之前斷貨嘅經期大媽都番咗貨，減出貨量之說應該唔成立 ...

>>>連之前斷貨嘅經期大媽都番咗貨

呢個咪就係唧牙膏出貨法, 亦都有可能係船期問題


>>>>今日有人係日本仲見到正價Kiva, Thanos

呢個觀察係持續咁由前日(部份偏遠地區係早發貨, 偷步發售)到今日都見到? 有觀察住賣完後有店員持續有貨補? 店舖位置係大街? 係大舖? 如果只係幾個個別結果見到, 就等同每次有炒貨一定有人出個晒命POST話自己唔洗衝唔洗搶, 自己無興趣但老闆送住咁用正價賣俾佢既個別情況一樣.

我一樣可以同你講, 我有朋友成個禮拜在東京, 未見過有唔係炒價既MB EVA, 大波連同KIVA

c.ryo

呢兩日見佢地都係喺日本啲大型連鎖店買到，貨量就應該係唔多，始終第一水有好多訂單貨，不過再番貨大媽就應該堅係多貨

MB EVA我自己月頭係日本都未見過正價，但我番黎之後日本係有番過貨，今個月本地都有番日版貨，麥花臣個show亦有人賣2200，所以完全不見得日本有減貨量

Y.I.N

其實講真最重要玩家唔好支持(罷買)炒價，而家商人就係眼見香港人大把錢買玩具，6K一隻鐵甲人MK50都搶住買，一隻KIVA $1480都夠膽標出黎

有人買黎炒上炒，有人真係大把錢唔志在，而我相信呢度好多人都好似我咁，差KIVA就一家團聚，亦都唔係無錢買

但係一隻定價$5XX既玩具要$9xx以上先買到，仲要係通販，我就點都吞唔落淡氣...

今日向炒價低頭,以後都唔會再有定價

nobita16

大家掃 發表於 28-4-2019 10:17 PM
>>>連之前斷貨嘅經期大媽都番咗貨

呢個咪就係唧牙膏出貨法, 亦都有可能係船期問題

你講到自己好似全程响日本mon到實咁, 有冇咁多陰謀論呀?

buddylee

深水埗某點今曰賣$630，買咗過千的人有無肉赤？？唔急的朋友真係可以再等下，一定跌落7xx, 到時一定要入貨啦

newnov

buddylee 發表於 29-4-2019 04:10 PM
深水埗某點今曰賣$630，買咗過千的人有無肉赤？？唔急的朋友真係可以再等下，一定跌落7xx, 到時一定要入貨 ...

其實我估到時平到五百樓下都係無人會買，
有 D 唔鍾意比人玩既玩家就係唔買呢隻，
有 D 係根本唔太鍾意隻玩具既玩家，
有 D 係見到新產品先有興趣買既玩家。

hongwohse1

buddylee 發表於 29-4-2019 04:10 PM
深水埗某點今曰賣$630，買咗過千的人有無肉赤？？唔急的朋友真係可以再等下，一定跌落7xx, 到時一定要入貨 ...

昨日$980入了....肉赤

00_GUNDAM

bunnyyau 發表於 27-4-2019 10:01 PM
笨大出貨少，才是近期熱門瘋狂熱炒既主因。
笨大/睡橫行唔會再玩「囤貨」呢招。

ching講得對, 以前有人話等插先入, 會被人小攪到舖頭生存唔到,
而家有人高追, 又被人鬧縱容店舖助長炒風, 真係公你嬴字我輸{:1_203:}