本帖最後由 mj23 於 13-10-2016 06:05 PM 編輯
真係認真討論冇話唔得. 不過就鬧都要鬧得合理啲.
好似大武士當時出, 有人鬧要換頭,隻手唔係咁變形。 咁個頭可以點機械人就細頭， 同一個係貨車時個頭就變大？
手同個貨櫃而家就係做以前做唔到既, 一樣係俾人插.
咁又有冇ver 2?
宇宙大帝呢?
兩腳藍黃機械人都係似六神, 收得曬手同頭. 咁主體對腳掌呢? 一樣屈起後面, 想靚啲就拆件.
而六神合體收得到手腳，如果有真心玩, 研究兩隻本身既設定，就知根本套用唔到落百獸王。
 
點解？ 你睇嚇六神啲機械人仔，佢可以藏曬啲手頭入身， 係因為啲手同頭特別細同短， 個身同啲手好唔啱比例，個身大好多又厚，足夠容納啲手同頭。 而百獸王既手腳獅子，呢個version啲獅子手腳仲長咗, 尤其黃藍，每隻既前,左右腳中間既空位點收得起啲腳？個位仲窄過兩隻腳.
想收得到, 一係就加大個身，一係好似６神做短, 窄啲手腳。
但咁啲獅子改到好似６神咁短手既比例你ok唔ok先?
你試下改返啲六神機械人仔手腳啱比例, 睇下會唔會收得起?
而百獸王黃藍獅子既後腳如果要收得入個身，就要同黑獅兩隻後腳爭空位。
同六神唔同，六神主體肥仔對腳因為本身設定長方形,入面可以做空心都得，藍黑機械人就仍然夠位收埋手腳唔會同肥仔互相爭太多位。 百獸王黑獅腳係實心， 直插入黃藍體內， 點用六神既方法?
體內收蓋要用再拉出，可能得，參巧金毛既黑底褲，但細細條都用咗唔少位，而百獸王４隻腳都要加, 又夠唔夠位? 唔好唔記得一加就要4隻獅子都要做得到.
要唔見手腳唔係完全唔得, 一係改形狀, 一係拆件, 一係加啲蓋遮醜, 但又會唔係而家呢個樣, 可動性? 合體後可動已經唔算高. 加蓋可能又肥咗,而家都已經俾人話肥.
金毛隻獅子都係相似情況, 成隻主角機械插入獅子內, 咁獅子體內邊有位收腳?
或者改得超複雜啲, 但貴多多, 2千有d人都卻步, 再貴呢? 而家一隻robot魂, SR, SHF爛鬼膠都可以收你幾舊, 合金魂條line唔死, 出得唔太差都已經偷笑.
真係咁乞人憎就留下隻囉.
|
樓主: stonekeung01
[複製鏈接]
發表於 13-10-2016 12:35:52
