SHF Civil War - Iron Man Mark 46!!!

_alcatraz_ · 發表於 1-7-2016 01:54:28

本帖最後由 _alcatraz_ 於 1-7-2016 01:52 AM 編輯

今次bandai 終於將mark 46 既配色調番深色左，令整體顏色效果更加似電影設定。小弟特別鐘意今次既頭盔，比例同線條刻畫都比以往出色，頭盔整體感覺更立體，更有層次，抵讚!{:1_377:}
上色方面，雖然深紅色令盔甲整體感覺更有金屬感，但個人認為mark 46既QC比mark 45遜色左少少，不知是否批次問題，定係小弟臭手{:1_372:}，揀貨揀左4、5盒先揀到好貨。揀果陣見到有啲貨有少量缺色，或顏色分佈不均既問題。

關節繼續為玩家帶黎唔錯既可動性。腰部雖然比較鬆，但轉動及屈曲幅度非常不錯；手肘及膝蓋繼續使用兩節關節，令屈曲度繼續保持高水平；雙腿可以往下拉，球型關節可以令大腿屈曲幅度大增；腳掌繼續使用金屬物料製造，以增加站立穩定性，但今次足踝關節有點緊，令擺pose既時候需要花多少少功夫；另外，個人認為肩甲係比例上偏大，如果細少少效果更佳。

配件繼續冇乜新意:ar:小弟一直好欣賞當年mark 6 可以更換既背甲部件，希望日後bandai可以比番多少少心機落配件度啦~

整體黎講，除左上色比mark 45遜色左少少之外，QC係唔錯既，而且3百幾蚊既價錢黎講，絕對值得入手!!!:74:

p.s. 有一點個人覺得有啲可惜，呢隻mark 46既盔甲係參照最初概念圖倒模既，所以同最後電影設定有所出入(e.g. 胸口反應爐及腰部位置)

評論完畢!!!去相!!!