|
本帖最後由 gazza1211 於 21-5-2016 07:42 PM 編輯
好一段時間沒寫報告了。。。雖然呢一年多工作太忙，又流行post FB的即食文化。但一有時間，我還是想詳細dd寫玩具玩後感的。Lego人仔細細，但只要細心看，絕對有其可觀賞性的。
四月初爲馬騮們的雜物大掃除，發現幾年來買下的lego玩具像垃圾一樣散落家裏各個角落，於是的起心肝把lego人仔們都回收整理好（其他散件冇得搞了）。把自己放了抽幾年的minifigures series人仔的梯級企架，換上了馬騮們的lego人仔。
自己則另買了一個能放200隻人仔的貼牆企架放舊物。。。。。。買過櫃的人都知道，新櫃很多時間都會極速被填滿，這次就因美國隊長3的毒害而多買一大堆heroes，再加埋嗰套Disney。
先說Disney呢set，個價因爲很多人想要而飛天一兩天，我差d就用9魚買了。。。多等幾天已經平兩三舊。講番lego玩具本身，實物拿上手後，冇未出之前所想像的高質。我自己唔喜歡兩隻Mouse的死魚眼，而自己喜歡的超人特工隊嗰樣都唔得。。。。。。剩下的，自己比較喜歡【愛麗絲】的樣子和粉藍色裙子、【海女巫】的章魚腳、【船長】件衫金邊好看、【黑魔后】嗰套兩件頭衫、而【Stitch】和【妙妙貓】本來就是小動物，用上Q 版身形Lego人仔，不損其可愛造型。
呢轉買了3件DC的角色，其中【Batgirl】心口蝙蝠圖案和皮帶用金色，靚！而【Supergirl】用上跟其他DC角色不同的布質披肩，好！另外，兩個囡囡上身圖案都加上腰身。【Green Lantern】冇咩特別，手痕買埋而已。
美國隊長3的上映，刺激到我也襯熱鬧買美式Hero。12吋就冇錢買冇位放，咪買lego咯，仲可以齊人d添~~
先買回Avengers2和Ironman3的一些人物：大Hulk我就有了，咪買冇咩特別的平款的Polybag【Hulk】。之前嗰款細 Hulk仲炒到兩三魚，一樣是冇特色，唔明。Polybag【Patriot】頭盔上色的確是比普通IM好一點點，加埋嗰個所謂腳print，都是一樣“物以罕爲貴”吧。。。【Black Widow】還可以，尤物lego囡囡都係修腰好睇；【Hawkeye】只是配角色我也冇什麼多說。
【QuickSilver】件衫很特別，印上暗銀色網衫，唔同角度燈光有不同效果。角色設定“唯快不破”霸道討好，加上瓜了，以後unlikely再有新產品，可能因此爆炒吧。買得快銀，冇理由唔買埋妹妹【Scarlet Witch】。女巫冇咩特別，不過，身上有修腰圖案，好看d咯。當然買得兩兄妹咯，肯定買埋【 Visison】啦。幻視隻綠色唔係太似，心口d花紋唔知似乜。但金黃色真布質披肩醒目。
【Captain】原祖嗰款頭太小，這款不戴頭盔換回頭髮，比例上好看一點（唔明 why唔出一款像下面的星爵一樣，可着脫戴頭盔的隊長）；基友【冬兵】，特別之處，在於銀色手臂和紅色星星圖案；【Agent13】囡囡也有買，有腰圖案，but冇胸；【Falcon】電影形象應該是瘦面的，可能把頭髮脫下會自然d；【黑豹】在電影裏非常好打搶鏡，可能因此提升對其需求和售價吧。身體和頭部銀色花紋好看、仔細，睇真d眼睛是微黃色的。
| 
發表於 21-5-2016 19:38:10
樓主
發表於 21-5-2016 19:55:28
