當年我玩[玩具],現在[玩具]玩我

小堅

hkh1993 發表於 1-6-2015 03:40 PM
我現在買反尼又唔開盒
我都唔知自己當佢係藝術品定係玩具
我覺得自己變左為買而買

其實都係，唔係話想買返黎炒...
只係屋企真係冇咁多位dispaly...
但係為左齊人都係買左先...
因為計拉打黎講，好多都係魂限...
過左唔買真係未必買得返...

好在我淨係儲龍騎同埋RX呢D...
叫做好少少，我隻獸帝開完盒合左一次體影左相就入返原盒到冇再拎出黎...
我見朋友真係儲齊晒，但九成都未開過盒...
最後都係成SET咁放返出去...

我都有玩開模型，買個時真係好鍾意，但又冇時間砌...
買下買下愈買愈多，愈多就愈唔想砌...
呢D其實都係病態黎...

beckham

我都幾唔鍾意訂玩具，限定除外啦，
早三四年，都仲可以等隻野出左，睇下玩評，ok就出去買，價錢唔會升太快

而家，除非隻野評價差，唔係都唔好諗住原價買到，
咩鬼玩具都要訂，通販都要搶訂

好似神獅子咁，我想訂架，訂都唔比你訂，食硬炒價啦！
真係似比人玩緊多

toylover

hkh1993 發表於 1-6-2015 03:40 PM
我現在買反尼又唔開盒
我都唔知自己當佢係藝術品定係玩具
我覺得自己變左為買而買

咁明顯係唔再鍾意玩玩具啦 :blame:

我雖然唔會再好似十歲以下那時咁玩玩具, 拎住件玩具飛來飛去
但.... 就算到現在, 我買咗玩具, 都會好興奮, 一買咗就想第一時間搭車返屋企拆來玩一次, 不過, 因為而家的玩具下下接近過千, 所以我都唔係好捨得玩, 通常玩完一次就會放入 display 櫃, 但頭一個禮拜仲會一有時間就望下, 拎出來摸下變下型

你呢種買完連盒都唔開的, 不如慳返唔好買, 一年可以慳唔少錢

killerkat

我都同師兄一樣  見到人話唔開盒都會無名火起xD

wilson3a10

當年我玩ironman, 現在ironman玩我 {:1_206:}

taken

我九成掉盒再放出嚟玩，仲會粗扭。如果舊左有ver 2出就送舊嗰D俾人。

玩具要粗玩先得反正人死左都帶唔到落棺材啦係咪!

Open and play.

司馬易

玩具…………

細個…………7幾年，就係無處不在

少少 1 個屋邨 3 間(書局)

已經唔知有幾多(真正 大和子民，親手製造嘅玩具)

電腦還是(綠色點陣)嘅70年代…………

一個(吉利市 玩具部)過萬呎，已經多嘢過 街旺~


可能再過不久將來，( 玩具 )兩個字

將會從 字典消失 :oh:

lewisli

I give up , simply cannot post what I have written....

lewisli

心態唔同。
以前玩玩具，唔理平貴唔理QC，電視播就扭話要買，然後一係和其他小朋友鬥撞, 一係自己幻想情景超人打怪獸。玩嫌咗求其擺入箱唔見咗就算。除非好鐘意，否則爛咗唔緊要，一來唔知價，二來電視播第二套卡通，之前的都擺埋一邊。
現在玩玩具，知價錢會計較，講QC驚易爛白化，再唔會自己幻想劇情超人打怪獸，更加唔會同其他人用玩具鬥撞，多數只會變形、擺pose影相，然後更要揾位擺搵位收藏，或是放在面積有限的display櫃。要求多咗，珍惜多咗，而且玩具整體價錢真係貴咗（有些更貴咗好多）。
好難再好似細嗰咁玩玩具玩得毫無顧慮。

司馬易

今日先喺~街旺  聽到有人提到……

有個玩具同好~ 走咗……羽化飛昇 :die:

留低一大堆珍愛嘅玩具
儲咗10幾20年都唔只……


抱憾終生~大部分未開封……就……:o

好彩佢有個朋友  有情有義:! 又知道價

幫佢家人 放上網拍

如果唔係分分鐘 ~ 幾K比人收晒D珍藏……

所以……有得玩時，盡情玩啦:DD

正如揸住10層樓，一粒塵都帶唔走 :oh:

傀儡師

細個玩玩具係會攞住來幻想下卡通情節, 變形出招, 一日變10幾次, 配件換來換去等

大個玩玩具係擺POST,影相, 入櫃, 變形1,2次, 評測下等

我有D聖衣神話裝左一次後就入櫃, 聖衣形態都未裝過

絕對係! 阿媽話我細個個陣一個玩具可以尼埋自己玩兩, 三個鐘, 現在放左工己經累死, 如果仲要攞住來幻想下卡通情節, 一定腦殘.  另外, 現在d玩具咁貴, 真係唔可以好似以前咁玩. 之前高追隻ironman VII, 外形真係好靚, 不過一攞上手輕飄飄, 加上咁個價錢, 真係唔可以放心玩. 唉.............

Garycharm

認真，如果玩具令你咁多煩惱，不如唔好玩。

建立下其他嗜好啦。

gazza1211

唔同年代玩唔同嘢：玩玩具、玩手機、玩相機、玩運動、玩影音、玩車、玩女、玩細路、玩旅遊、玩股票、玩樓、玩飛機遊艇。。。。。。玩咩都好，最緊要開心，俾咗錢最緊要落手玩番夠本。

sonicking

One more thing people should realize.  A lot of the "toys" we discuss here are for age 15+.  They are certainly different kind of toys from those you played when you were in primary school, since you were under 10 when you were in primary school!  

老實人

玩玩具既人真係保留到童真一面∼不竟我依家比人話咁大個人重玩玩具！不過內心世界既野只有玩玩具既人先知