警斥佔鐘區有人耕種損公物

shiufon

what 發表於 29-10-2014 12:53 PM
其實我好懷疑日日叫"我要真普選"口號班人知唔知咩叫"真普選", 點樣叫"真"? 點樣叫"假"? 公民提名嗎? 實際 ...

呢啲問題根本唔駛諗，你知我知中央係唔會比，而家中國係一黨專政，點會引入唔肯聽自己話，同日日鬧自己嘅人管治一個地方，唔通班大狀呀反對派會唔知？佢地會認為人民上街抗爭，政府就會妥協甚至屈服？重要呢種抗爭唔係個個人都認同嘅。

不過算啦，現實同事實永遠都係唔啱聽嘅∼

what

Code 發表於 29-10-2014 01:06 PM
都係唔敢回應我，果然五毛就愛呢套

師兄都幾好精力, 可以24小時不停自瀆, 佩服佩服, 5毛又有乜問題,多得你地5毛喺香港遍地開花, 搞到姜溶又破上次紀錄, 4日有9十幾萬5毛出嚟簽名, 而你地呢, 人少到要LAST MINUTE終止投票


http://www.sign4peacedemocracy.hk/index.php?r=index/detail&id=574
大簽名第四天17萬簽名 累計達98萬

來源：大聯盟時間：10月28日

「保普選反佔中」大聯盟發動的《還路於民 恢復秩序 維護法治》支持警方大簽名運動，已經進入第四日，共有179156人簽名，其中87639張街站簽名，以及91517人網上簽名，四天累計達980656人簽名。由於網站今日運作基本正常，所以，網上簽名人數激增。

鑒於近日街頭衝擊騷擾事件有所增加，為顧及工作人員安全和市民簽名行動順利進行，大聯盟於明天開始，將減少街站數目，有關街站更新資訊，請留意大聯盟 網站消息。

另外，由於有街站發生遺失簽名行動的物料，現公告如下：編號1897、1898號的街站印章，以及約200份白色空白簽名表格，以及一條街站橫額，於10月27日在港島東區遺失，自當日起，如有出現上述編號印章印記的簽名表格，均會作廢無效。如有市民拾獲上述物料或知情，請隨時與任何一個大聯盟街站的工作人員聯繫。大聯盟先此表示感激致謝。

大簽名10月28日收集的簽名數字：

網絡簽名數字：91517  人（截至28日晚7點）

                        （已剔除 896 個惡意簽名）

街站數字： 432  個

街站簽名數: 87639   張 （其中紅表347張）

全日總計數字：179156

大簽名四天收集簽名累計數字，統計如下：

網絡簽名數字：223975  人（截至28日晚7點）

街站簽名數:   756681  張 （其中紅表4226 張）

總計數字：980656

what

shiufon 發表於 29-10-2014 01:13 PM
呢啲問題根本唔駛諗，你知我知中央係唔會比，而家中國係一黨專政，點會引入唔肯聽自己話，同日日鬧 ...

簡單嚟講, 政棍要不斷制造失敗者, 產生挫敗感, 失敗者借投入反社會運動造成自己偉大的假象,  政棍需要吸納失敗者以增加自己話語權, 形成一個循環, 所以政棍同失敗者係共生體








這樣發展下去，香港社會的適應能力會下降，經濟增長能力會下降，年輕人向上流動的機會亦會減少，他們將很容易就成了反建制力量的生力軍。



C觀點 - 施永青
回歸後香港未能適應2014年10月29日

• 香港服務業發展怎能不配合內地需要？
  

• 
  

全部專欄 , C觀點, 回歸後香港未能適應



    

昨文介紹塔爾科特．帕森斯的社會結構功能範式——AGIL︰adaptation(適應)、Goal Attainment(達標)、Integration(整合)、Latency(維式)；由於篇幅關係，只籠統地接觸一下，今後會逐一結合香港的情況加以闡述。
回歸後，香港社會明顯出現不適應的情況，原因與上述四大功能的失調有密切的關係，今天先談經濟發展方面的情況。
帕森斯認為︰一個社會要長期生存並保持平衡，必須能在經濟發展上適應環境的變遷，善於利用周邊的資源，為社會的成員提供所需的商品與服務。
香港人向來以適應能力強而聞名，但回歸後卻適應能力大減，甚至有抗拒適應的跡象。原因是今次主權回歸，基本上是由外力造成的，而港人自發的內因不足，強摘的瓜不會甜。
香港人很多都是從內地來的難民，他們為了逃避中共政權才來到香港，怎會歡迎再度納入中共的管治。鄧小平深知港人的這種心態，才在策略上作出退卻，容許香港先行一國兩制，試圖平息香港人的抗拒情緒。
回歸後，中共容許香港可以繼續行資本主義，私有產權亦受到法律的保障，所以民心基本上得以穩定下來。急於移民的人漸少，已移民的亦逐漸重回香港生活。然而，香港人心中的憂慮——中共最終會以他們的一套治港，總是沒法放得下。社會上總有批人，以疑共、恐共、仇共的心態，對待中央政府與特區政府的政策；一些專與政府對着幹的言行，常被輿論視作有助於維護港人原有的生活方式與傳統價值。這種強烈的抗拒情緒，嚴重影響了港人客觀地觀察環境的能力，對時空轉變的適應能力因而下降。
改革開放後，中國的製造業發展神速，香港的製造業沒有條件與內地競爭，只好轉而發展服務業，主要是金融服務與專業服務，而服務的對象亦由歐美國家變成中國大陸。然而，香港就有一些人對這種轉變感到不舒服，甚至有所抗拒。
他們不想香港的上市公司中大陸公司愈來愈多；不想香港的金融政策遷就內地的需要。他們甚至認為應該恢復製造業，以減少對金融業的依賴。
他們怕內地人來港購物多了，商舖會不願做港人生意；港人不但買不到樓，連奶粉也買不到。他們認為做大陸生意的人會賣港媚共。不可信賴。
他們反對建高鐵，反對新界東北發展，反對機場擴建，原因都是因為擔心政府在配合大陸的需要，而非港人的需要。
然而，香港的服務業要發展，怎能不去配合內地的需要？其他國家都搶着想做大陸生意。香港卻因抗共情緒而沒法利用自己的有利環境。這樣發展下去，香港社會的適應能力會下降，經濟增長能力會下降，年輕人向上流動的機會亦會減少，他們將很容易就成了反建制力量的生力軍。

呢位美國隊長係典型失敗者人版

shiufon

what 發表於 29-10-2014 03:15 PM
簡單嚟講, 政棍要不斷制造失敗者, 產生挫敗感, 失敗者借投入反社會運動造成自己偉大的假象,  政 ...

咁講啦，我唔覺得大部份佔中嘅都係失敗者，有唔少係睇到政府所為，憑住良心而行出嚟，理念上係高尚嘅。但理念高尚同行徑高尚從來都係兩回事，更加唔好將唔讚同自己嘅人，就打為冇良心、為咗有飯食就出賣自己就得喇，畢竟佔中本身就係一個可圈可點嘅行為。你覺得正義在你方，但好多人覺得你只係阻街，正義呀真理呀大是大非呀，唔係自己話係就係，要社會大部份人認同先得㗎。

shiufon

what 發表於 29-10-2014 03:15 PM
簡單嚟講, 政棍要不斷制造失敗者, 產生挫敗感, 失敗者借投入反社會運動造成自己偉大的假象,  政 ...

不過話時話，反對派多數係社會上嘅失敗者呢個又係事實，雖然我都覺政府就佔中上係處理得好差，但其他政策上我唔覺得有太大問題，香港重係一個好好住嘅地方，低稅制，自由度高，背向內地重有大把機會。將所有責任歸咎政府施政失誤，搵唔到食就賴人地同你搶，一啲唔反省世界係不進則退，你唔努力實比你超越你，全部都係社會嘅錯人地嘅錯，自己一啲責任都冇，呢一類人咪最仇世，最痛恨人地嘅成功囉。

重有啲人成日誇大其詞，又比人強姦又比人餵屎你食，人生觀灰到咁，就算俾龍蝦你食都話係屎嚟㗎喇。

Code

what 發表於 29-10-2014 02:56 PM
師兄都幾好精力, 可以24小時不停自瀆, 佩服佩服, 5毛又有乜問題,多得你地5毛喺香港遍地開花, 搞到 ...

依然回避問題，講自瀆真是唔夠你來，五毛當無問題，
我係街見到狗都唔會覺得有問題，喜歡咪撚化下佢，
姐係好似撚化你咁囉


Btw上次簽名都柒出國際啦，重拎來自瀆？

shiufon

shiufon 發表於 29-10-2014 03:51 PM
不過話時話，反對派多數係社會上嘅失敗者呢個又係事實，雖然我都覺政府就佔中上係處理得好差，但其 ...

唔駛勞氣，每一個政策都必然有得益者同失利者，可能我咁啱係獲利果一群，咪唔覺得有問題囉。就好似佔中班同學唔喺旺角返工，佢地都可能覺得其他人冇得返工冇問題架，只係觀點興角度嘅問題唧∼

shiufon

每一個社會都有人成功有人失敗，政府政策只係輔助，最終要靠個人努力，香港在我而言重係一個公平嘅地方，一個人唔發奮，日日怨呢樣怨果樣，又唔諗下自己冇料，要人地改政策嚟遷就你，呢種人去到邊都唔會成功啦。

大個仔喇，阿媽都照顧唔到你一世，想政府比個烏托邦你住咩，現實啲啦，改晒而家啲政策，咪一樣大把失利者投訴，有人贏就必然有人輸，加油做贏果個重好啦，日日怨天怨地，成個世界欠咗你果啲咪一世都係失敗者囉。

Tachikoma

shiufon 發表於 29-10-2014 03:37 PM
咁講啦，我唔覺得大部份佔中嘅都係失敗者，有唔少係睇到政府所為，憑住良心而行出嚟，理念上 ...

鬼唔知唔係自己話係就係咩  但原來正義呀真理呀大是大非呀，要社會大部份人認同先得㗎?咁太陽伯伯真係錯得好緊要囉  佢應該聽從以前大部份人既想法  圍住地(半)球轉啦嘛
以後一個人是否該被法庭判罪  不如叫法官攪埋公投啦{:1_208:}

shiufon

Tachikoma 發表於 29-10-2014 06:31 PM
鬼唔知唔係自己話係就係咩  但原來正義呀真理呀大是大非呀，要社會大部份人認同先得㗎?咁太陽伯伯 ...

重駛問？正義呀真理呀大是大非呢啲當然係要社會上大眾認同先至係，唔通自己話係就係？唔通你一出世就分辯到是非黑白？咪一樣由家長、老師同社會上嘅人教你，話你知邊啲係啱邊啲係唔啱，你認為一個三歲細路從來冇人同佢講打人係唔啱，剩係睇住個太陽伯伯佢就會明，呢啲廢話重需要講？

Tachikoma

shiufon 發表於 29-10-2014 06:40 PM
重駛問？正義呀真理呀大是大非呢啲當然係要社會上大眾認同先至係，唔通自己話係就係？唔通你一出世 ...

重死撐  我同意唔係自己話係就係喎  但係亦唔係人地(任何人仕  或多人或少人)話你知邊D係啱就係啱架嘛  你自己會思考  會分辨  會用各種方法求真架嘛  唔通  你無呢D能力嘅{:1_236:}咁唔怪之得你要靠人多了:38:

shiufon

Tachikoma 發表於 29-10-2014 07:05 PM
重死撐  我同意唔係自己話係就係喎  但係亦唔係人地(任何人仕  或多人或少人)話你知邊D係啱就係 ...

你鍾意吹，就陪你吹一陣，道德呀真理呀正義呀，全部都係由人定架。一啲食狗肉嘅國家，小朋友從小到大聽屋企人話食狗肉冇問題，佢咪覺得冇問題囉，就好似香港人日日吃牛肉，都覺得食牛肉冇問題。人地日日話俾你聽冇真普選你就要食屎，你咪覺得自己喺度食屎囉。

所謂嘅自己思考、分辦、各種方法求真全部都係建基於社會認同嘅道德觀點上，係讀書時由其他人告訴你同教你㗎，唔係瞓醒就會有把聲響你耳邊講：「阿邊個邊個，你咁做係唔啱。。。」
如果你認為經過自己思考、分辨、會用各種方法求真，就可以將一件自己認為正確嘅事變成真理，而唔駛理人地（任何人仕  或多人或少人）嘅感受，咁唔怪得知你冇得輸啦，你係大晒，你就係正義呀嘛，咁同自己話係就係有乜分別呀？


不過師兄唔駛回嘞，你我程度相差太遠都冇乜好討論（你高我低啦），返去玩你嘅タチコマ啦∼:43:

Tachikoma

shiufon 發表於 29-10-2014 07:22 PM
你鍾意吹，就陪你吹一陣，道德呀真理呀正義呀，全部都係由人定架。一啲食狗肉嘅國家，小朋友 ...

咁你咪又錯囉  乜野人覺得乜野食得唔食得  不過係佢地自己既決定  並唔係「真理」黎架  當然你在一些食某種肉類係犯法既地方會被控诉  亦唔代表食唔食得某種肉既規則就係正義同真理架

我真係唔知「所謂嘅自己思考、分辦、用各種方法求真全部都係建基於社會認同嘅道德觀點上」喎
乜一個字係點讀點寫  「係建基於社會認同嘅道德觀點上」架?日心說都係?
鬼唔知有人教咩  但唔係有人教你點做係真理係正義就一定係架嘛  你重覆多幾次都無用架  太陽伯伯個例子就正正係話你知唔係囉  否則  你同我都重好可能以為自己活喺一個太陽圍住轉既地(半)球上呀  咁簡單都唔明

又「去玩你嘅タチコマ」?  得啦  唔駛重覆表現你鬧人都要鬧得鬼鬼鼠鼠既性格喎  大家睇倒架啦:73:

Code

陰公，原來一個政府定立政策只係輔助⋯⋯⋯⋯
難怪好多人無樓住，唔係樓價貴，唔係你係夾心階層，唔係唔夠公屋，原來係因為個人問題。

難怪好多長者生活配套不足，唔係社會設施唔好，唔係老人院唔夠，原來係因為你老。

難怪生育率低，唔係因為工時長，唔係因為開支大，係因為你唔努力，
因為你唔努力，所以政府唔係鼓勵生育，改善工時問題，而係引入大量新移民，
因為係你唔努力。

難怪就業率低，唔係要鼓勵就業，相反係你唔發奮，所以要輸入外勞⋯⋯結論又係香港人唔努力。


衣生住行樣樣問題都係個人唔努力，
結果貧者愈貧，富者愈富。咁政府做左咩？ 唔知呀，輔助姐。

離地離到咁遠，真是無咩好講，做咁既大人？不如做翻小朋友好過。企到高一高做一個既得利益者，然後食住花生同人講理性，真是佩服。難怪689話無可能向窮人傾斜政策，因為係你唔努力，唔關政府事，
哈哈

shiufon

咁講大家可能會好反感，但個人而言係事實。

政府當然只係輔助，講真句，人生係你嘅，就算你阿爸阿媽都只係輔助你，唔通要佢地養你一世？更唔好講無親無故嘅官員。

一個二世祖要靠父蔭，你會睇佢唔起。一個正常人有手有腳，要靠政府制定適合佢嘅政策（係適合佢，可能好多人唔適合）先可以得到生活最基本所需，點解可以怪晒其他人？

香港有幾多人真係冇得食，冇屋住？洗碗都過萬呀哥仔，批評政府政策有問題之前，點解唔諗下身邊果個新移民落嚟兩年，廣東話都未講得正，但人工高過你？人地一日做十二個鐘，你肯唔肯先？引入大量新移民，新移民條件全部差過你，同一人工老闆都肯定請你唔請佢，點解你會輸俾佢？除咗你本身唔努力，重有乜嘢可以解釋？

有邊一個國家可以做到全民皆富？有邊一個領袖可以制定全部人滿足嘅政策？

好多人話離地，其實只係佢地唔肯腳踏實地，要政府改政革，要政府俾飯佢食，俾屋佢住，個個都話白手興家最令人佩服，但問政府攞呢樣攞果樣，怨政府唔俾呢樣唔俾果樣果啲人，有冇諗過要白手興家先？梗係冇，政府啲政策都唔睇我，興條毛咩？

唔好問個社會欠咗你啲乜，先問你貢獻咗啲乜嘢俾社會。

不過算啦，我知實會俾人鬧，話我涼薄。失敗者，永遠有好多借口去掩飾自己嘅失敗，如果唔係佢點會咁失敗。