警斥佔鐘區有人耕種損公物

what

吓,咁都得:oh:繼偷電後黃.巾.賊.又一杰作

shiufon

Code 發表於 30-10-2014 11:31 AM
貧窮線唔係單一只住屋或者收入，所以跌入呢條線唔會單單因為你有無一個家，
另外你自己都講左9年免費教 ...

見師兄你舉例子，我亦舉返啲例子，我唔係做就業輔導，唔係接觸好多搵唔到嘢做嘅人，但我身邊真係一個失業嘅人都冇。有個細姪女，新移民，嚟咗幾年，賣手袋試過賣衫試過，全部都係自己嫌悶唔做，最近想搵返嘢做，去周大福見即請，唔識英文，廣東話都唔係講得好都請，可想而知零售業幾咁唔夠人用，你話新移民搶咗機會，唔通你認為一個土生土長，識基本英文普通話嘅香港人去見，佢會歧視你唔請？

另一個姪仔，送外賣，覺得冇前途做咗幾個月冇做，離職時萬二，後來事頭請唔到人出萬四請返佢，貪佢夠勤力。我阿叔地盤佬，年紀大唔想日日曬，去遊艇會做都即刻搵到工。我細妹懶過條蛇，以前上淘寶團購啲小飾物放阿虎賣，都搵到餐食，而家自己每個星期上廣州批發攞貨賣。我所講嘅機會就係呢啲。喺東京、喺新加坡你唔會搭兩個鐘頭車就去到一個物價比本土平一截嘅地方，與其日日反大陸，不如諗下大陸有乜可以幫到自己，唔係靠人幫，係自己幫自己。

我明白呢啲可能係個別例子，但唔覺得香港係政客講到嘅水深火熱，冇真普選就大家攬住一齊死。

至於樓價，呢個真係一個大問題，但我唔認為政府大力介入，起多啲公樓就可以解決問題，八萬五唔係未試過，樓市係香港命脈，牽一髮動全身，雙辣招都有人出嚟抗議，呢個世界永遠係有人歡喜有人愁。要保障市民居所，但同時唔好令樓市大跌，再有人因為負資產跳樓死都係責任之一。起多啲樓，打壓地產霸權係咪就係解決方法我唔識，好多嘢唔係一加一等於二。

以前都講過，我唔係覺得政府冇問題，但世界上邊一個政府係冇問題，不如你舉個例話我知？

最後提到內地工，我意思唔係去內地發展，而係做一啲要經常往返內地嘅香港工。呢類工搭車時間長，唔係好多人願意做，請你嘅機會相對上亦高咗。

講咁多，如果大家都仍然覺得外賣仔到死果一日都係外賣仔，阿sale妹賣一世金冇出頭，香港唔住得人，我真係無咩好講。

知道自己有幾多斤両，過相稱嘅生活，知足常樂，呢啲就係成功；冇料扮四條，辛苦工唔做又要買私樓，成個世界欠咗你，呢啲咪失敗囉。

shiufon

what 發表於 31-10-2014 11:11 AM
句句精警字字珠璣, 感謝SHIUFON兄打出一大篇文, 我呢個月都好有感受但真係太忙只做CDROM, 我都想講呢個世 ...

事實永遠係唔啱聽嘅，我知實會有人話我單單打打，好冷血。

但我想話俾果啲熱血公民聽，明知方法唔可行重推啲學生出去俾人打，你地呢啲先係真正嘅冷血。

北京真係唔好去呀，稚子無辜，我唔想睇見任何一位學生俾人拉，去北京參觀故宮無所謂，去北京做故人就無謂喇。

shiufon

Tachikoma 發表於 30-10-2014 09:13 PM
「我用食動物嚟比喻「道德」同「正義」，係想話無論「真理」又好，「道德」同「正義」又好，都係 ...

哈，見到Tachikoma兄嘅回應真好，Code兄話絕筆，幾驚連你不屑回應，你知喇，講得正興奮，一個人唱獨腳戲好悶㗎嘛。

首先請你唔好誤會，我唔只一次講過我係支持學生嘅，至於係抱住點嘅心態去支持我諗唔重要，支持就係支持，唔需要搞得太複雜。

咁既然係支持，點解又講啲冷言冷語？我只係認為，呢一件並唔係大家所講嘅「大是大非」，而係「可圈可點」，包括黃絲、藍絲同警察都各有自己嘅「真理」「道德」同「正義」，所謂各有各立場，無必要將任何一方定性為「邪惡」而已。

至於用「解放奴隸」嚟形容今次嘅事，我覺得如上次所講，係「誇大其詞」。我唔係共產黨員，唔需要為中央護航，國內重有好多不公、貪污、藏穢係事實，但就香港而言，我唔覺得政府係「罪大惡極」，更加唔認為任何一個香港人係過住「奴隸」生活。

如果你覺得冇真普選就係「奴隸」，或者香港未能提供一個全民安居樂業，大部份財富傾倒向一邊就係「奴隸生活」嘅話，我諗全世界70億人，至少有九成係過住「奴隸生活」，要等上帝去解放。

「爭取普選」同「解放奴隸」喺理念上都係好嘅，你去街邊問十個人，我諗九個都答支持爭取普選，冇幾個人質疑學生嘅理念，反佔中者唔認同嘅，係佢地用嘅方法而己。

簡單咁講，如果當年解放奴隸嘅唔係美國總統林肯，而係一班冇權冇力嘅學生，用嘅方法係脅持部份黑人嘅性命同財產（奴隸應該冇財產啦），你認為會唔會成功？真係解放到，定累死更多人？

好心做壞事係經常有嘅事，憑住良心做嘅事唔一定方法正確，呢個係我呢幾日講嘅重點。有勇無謀，死衝爛衝，用唔經過思考同研究可行嘅方法去抗爭，個敵人喺北京你去覇旺角，幾個細路攞住支水槍去打老虎，我認為用「義和團」嚟形容更適合囉。

我可以幾肯定咁講，如果今次用嘅方法係更實際，更令人覺得能打動甚至改變中央，支持嘅一定多好多，講真香港邊個唔驚共產黨？我都驚呀，但對住一個咁嘅政權，唔係用呢啲根本無力嘅方法就可以得到勝利㗎嘛，我知你有理想有熱誠，但唔實際呢，拉架木筏出嚟話帶香港人橫渡太平洋，幾多人敢上船先？唔敢上就話我阻住你申張正義，好，我認我貪生怕死。

不過尋日聽學聯話上北京搵領導人對話，嗱，咁就有吉士喇，雖然我諗冇邊個學生嘅老豆老母會俾個仔去，邊個家庭想一別就二十年？

簽署中英聯合聲明時大陸重係一窮二白，鄧伯伯想留人，梗係俾晒好處你啦，五十年不變，冇問題，普選特首，冇問題。去過大陸開廠嘅都知，引你入局幾咁多優惠，免稅免水免電費，而家形勢逆轉，嘿嘿，拖你埋牆打都重得呀。

呢個就係我地嘅祖國，你唔好諗住強迫佢，更加唔好諗住感動佢。講啲乜嘢少咗港企國內就損失幾多GDP嚟大佢，下面班國民搵少幾多，有冇得食，上面班阿爺係唔會在乎架，佢地在乎嘅只係自己嘅權力有冇被動搖。你要搞革命？同你反枱都似。

果日睇電視訪問，有學生哥話我地有民意喺手，中央一定驚。我想話俾佢聽你地啲所謂談判嘅「籌碼」連雞毛都稱唔上，中國而家連美國都唔驚，驚你班毛都未出齊嘅小朋友？定係你認為聯合國會大仁大義幫你手強迫中央屈服？真係話你天真驚你嬲。

一陣激得阿爺嬲嬲地，收返五十年不變直接管治，乜Q面書google全部封晒你，出入要攞通行證，報紙新聞全部要經過和諧，稅率稅制全部跟國內，我地又奈得佢乜嘢何？到時就真係成個香港所有人一齊多謝你地。

唔好以為佢做唔出，以前啲人夠話東莞冇可能冇黃色事業，而家就一野殺晒你。今時今日中國強勢，係乜都做得出。你諗住落佢面，佢可以剝咗你層皮。

所以我話今次爭取真普選，即使以萬份一嘅機會爭取到，結果係好係壞完全係「靠估」，選出嚟嘅人係咪真係咁理想係靠估，而之後佢同中央合作得好唔好又係靠估，中央擺明唔妥佢，出啲鬼馬難為佢，咪即係難為香港人。香港始終係中國一部份，佢要玩殘你，話咁易。

呢個就係現實，你改變唔到佢，亦都避唔到佢，趕唔到佢走，一係就你走。

我知好多香港人好痛恨呢個政權，但事實我地的確係俾呢個政權統治緊，你一係妥協，一係離開，我諗唔到有其他出路。

》無中國香港未必掂既言論  才是「靠估」

係嘅，的確係靠估，同大陸反面，以後佢唔賣啲好貴嘅東江水俾我地，所有貨物唔經香港碼頭，中港運輸全部截龍，所有香港人往返內地要攞簽証，輸出香港嘅食材要配給，香港人唔可以喺內地經營生意或設廠，已經設廠嘅港資全部加50%懲罰性額外稅，所有港商產品全部唔可以喺國內銷售。

你地不吃人間煙火，梗冇事架，好多人要死之嘛，為公義而犧牲，有價值啦。

咁中國都有損失？我都話咗，阿爺係唔會在乎㗎，呢頭引你俾幾十億投資酒店，果頭將成個市打成死城，佢做得出架。

警察濫用暴力，一場咁大型嘅活動，牽涉咁多人，當中有人控制唔住，甚至有害群之馬一啲都唔出奇，拉埋一邊打果七個都受到處罰，我又唔信真係所有示威者都咁和平，一啲武力都冇用過，衝突少不免，總之唔好將個別事件大量抹黑就得喇。

》唔信你咪問下D俾差人拉過既人係咪個個都俾人打過囉  我可以好肯定咁話你知  唔係!

OK，咁你去問下啲示威者，係咪個個都俾差人打過囉  我可以好肯定咁話你知  唔係!

但係喺部份傳媒口中，而家全部變晒勾結黑社會嘅魔警，你認為又公平咩？

「良好嘅教育、醫療、法治同基本嘅社會福利」我滿意，當然唔代表個個人都滿意，「滿意」係一種好主觀嘅感覺，無一個人可以代表其他人。唔滿意嘅人可以講出唔滿意嘅地方喎，唔俾書你個仔讀？公立醫院唔俾你睇街症，定係俾人打劫去報案警察唔啋你？

你是旦講得出一樣嘅，咪大家再討論果啲係咪屬於「貪得無厭既人」囉。

至於講買樓嘅，問政府之前，不如先返屋企問自己爸爸媽媽，點解佢地唔買俾你，而要政府幫你買？

不過我發覺同你和Code兄吹水真係好有意思，感覺好有得着，要衷心咁多謝你地。

shiufon

roystoy 發表於 30-10-2014 04:00 PM
Shiufon 大大，首先我無爬文，但多日見你 在不理想氣氛下， 仍客觀 言之有物 說出自己論點，真是 佩服 & 支 ...

多謝支持:)吹水唧，氣氛點樣冇所謂嘅，嚟得呢度都係玩具友，意見合唔合都好，一律視為朋友啦∼

問付出多少我有提到，理念上我係支持學生，但當睇到佢地叫689下台，還我真普選嘅時候，真係想問香港政府免費供書教學咁多年，借埋錢俾你讀大學，欠咗你地啲乜？你地又貢獻咗啲乜？點表達意見都好，做乜要整啲醜化畫像？做乜要改圖？連最基本人與人嘅尊重都唔識，學乜人講訴求？

shiufon

啱啱講個外賣姪仔，老豆街市賣菜，順便執紙皮幫補，阿媽做茶樓，三個人屈喺月租6000蚊嘅劏房，夾埋搵差唔多四萬，儉用啲，每個月重儲到萬幾兩萬，諗住捱幾年，香港樓市有轉機就可能夠首期，一直貴落去就返鄉下買層樓，個仔都冇諗住高攀到港女，打算娶返同鄉。你可以話又係蝗蟲襲港，但人地真係好勤力，好正面，冇攞著數，一手一腳靠自己。佢地冇犧牲咩？三個人屈喺一間房，可能連夫妻生活都冇，但佢地有未來，有希望，比班日鬧夜鬧不事生產嘅人唔知高尚幾多倍。

唔好覺得啲咁嘅生活係地獄，幾十年前好多香港人都係咁樣被養大，你唔係高級過大陸人好多。工都唔去搵學人講享受，講社交。

香港人要咁做一定得，重一定好過佢地，點解機會俾咗人？真係單純引入大量內地人咁簡單？明知有競爭，明知有對手，重唔識發奮，重坐喺度乞，想邊啲人睇得起佢？

幾位師兄成日話我離地，實際上呢度接觸得最多窮人嘅可能就係我，盲字唔識個嘅有，廣東話直頭冇人聽得明嘅都有，但全部都搵到食，唔好話俾我知香港人帶頭歧視香港人，新移民搵到工你搵唔到。

講兩口子8.9千一個月，我想知點解讀咁多年書，連最低工資都攞唔到？係咪要自己反省一下？搵啲成人課程進修，或者學啲技能，而唔係坐喺度等政府皇恩浩蕩去打救你。

啲人成日話而家政府輸入大量蝗蟲，根本香港回歸前都從來無中斷過輸入新移民，你阿爸我阿爺都曾經係新移民，講呢啲作為自己失敗借口嘅人真係好廢，輸俾條件差自己一大截嘅對手，將自己嘅失敗歸咎為政府嘅失敗，容許我失禮講一句，你真係好冇用。

what

shiufon 發表於 30-10-2014 11:52 AM
我唔係冷嘲熱諷，而係講事實，香港有免費教育，即使係差學校嘅老師都總算係克守識責，起跑線上相對 ...

算啦, 有失敗者注定係失敗者, 因為一開波已經相信自己係失敗者

shiufon

冬暖夏涼小恐龍 發表於 30-10-2014 06:52 AM
承擔責任嘅在我而言係成功 .佢無wo!!

我都話，我都覺得政府對今次事件處理手法好差，但即使係咁，我唔認為要完全怪喺一個人身上，亦唔相信所有事由一個人操控。

大家立場唔同，對立嘅，梗係認為對方罪大惡極。你都識講，學生點解明知犯法都上街，因為佢地冇其他路揀，同樣地，我可以理解坐689個位，佢有好多嘢都係冇得揀。講到明話事唔係佢，迫死佢都冇用㗎，個個都知呢個道理，但又個個都將矛頭指向佢，擺明就係求其搵個人祭旗，上面果班唔敢得罪，咪搵個一定唔會反抗嗰囉。呢啲隨時可以全身而退嘅民主英雄唔怕做呀。

呢啲嘢，明就明，唔明就講多一百次都唔明，認為世界唔係黑就白，冇其他顏色嘅朋友點都唔會聽得入耳。

what

shiufon 發表於 29-10-2014 01:13 PM
呢啲問題根本唔駛諗，你知我知中央係唔會比，而家中國係一黨專政，點會引入唔肯聽自己話，同日日鬧 ...

簡單嚟講, 政棍要不斷制造失敗者, 產生挫敗感, 失敗者借投入反社會運動造成自己偉大的假象,  政棍需要吸納失敗者以增加自己話語權, 形成一個循環, 所以政棍同失敗者係共生體








這樣發展下去，香港社會的適應能力會下降，經濟增長能力會下降，年輕人向上流動的機會亦會減少，他們將很容易就成了反建制力量的生力軍。



C觀點 - 施永青
回歸後香港未能適應2014年10月29日

• 香港服務業發展怎能不配合內地需要？
  

• 
  

全部專欄 , C觀點, 回歸後香港未能適應



    

昨文介紹塔爾科特．帕森斯的社會結構功能範式——AGIL︰adaptation(適應)、Goal Attainment(達標)、Integration(整合)、Latency(維式)；由於篇幅關係，只籠統地接觸一下，今後會逐一結合香港的情況加以闡述。
回歸後，香港社會明顯出現不適應的情況，原因與上述四大功能的失調有密切的關係，今天先談經濟發展方面的情況。
帕森斯認為︰一個社會要長期生存並保持平衡，必須能在經濟發展上適應環境的變遷，善於利用周邊的資源，為社會的成員提供所需的商品與服務。
香港人向來以適應能力強而聞名，但回歸後卻適應能力大減，甚至有抗拒適應的跡象。原因是今次主權回歸，基本上是由外力造成的，而港人自發的內因不足，強摘的瓜不會甜。
香港人很多都是從內地來的難民，他們為了逃避中共政權才來到香港，怎會歡迎再度納入中共的管治。鄧小平深知港人的這種心態，才在策略上作出退卻，容許香港先行一國兩制，試圖平息香港人的抗拒情緒。
回歸後，中共容許香港可以繼續行資本主義，私有產權亦受到法律的保障，所以民心基本上得以穩定下來。急於移民的人漸少，已移民的亦逐漸重回香港生活。然而，香港人心中的憂慮——中共最終會以他們的一套治港，總是沒法放得下。社會上總有批人，以疑共、恐共、仇共的心態，對待中央政府與特區政府的政策；一些專與政府對着幹的言行，常被輿論視作有助於維護港人原有的生活方式與傳統價值。這種強烈的抗拒情緒，嚴重影響了港人客觀地觀察環境的能力，對時空轉變的適應能力因而下降。
改革開放後，中國的製造業發展神速，香港的製造業沒有條件與內地競爭，只好轉而發展服務業，主要是金融服務與專業服務，而服務的對象亦由歐美國家變成中國大陸。然而，香港就有一些人對這種轉變感到不舒服，甚至有所抗拒。
他們不想香港的上市公司中大陸公司愈來愈多；不想香港的金融政策遷就內地的需要。他們甚至認為應該恢復製造業，以減少對金融業的依賴。
他們怕內地人來港購物多了，商舖會不願做港人生意；港人不但買不到樓，連奶粉也買不到。他們認為做大陸生意的人會賣港媚共。不可信賴。
他們反對建高鐵，反對新界東北發展，反對機場擴建，原因都是因為擔心政府在配合大陸的需要，而非港人的需要。
然而，香港的服務業要發展，怎能不去配合內地的需要？其他國家都搶着想做大陸生意。香港卻因抗共情緒而沒法利用自己的有利環境。這樣發展下去，香港社會的適應能力會下降，經濟增長能力會下降，年輕人向上流動的機會亦會減少，他們將很容易就成了反建制力量的生力軍。

呢位美國隊長係典型失敗者人版

what

gazza1211 發表於 31-10-2014 12:13 PM
“故宮vs故人”，講得好~~~~

仲有我見有人講: 叫人用多啲腦思考做楝樑, 唔好諗埋一邊做橫樑

冬暖夏涼小恐龍

【有片】根本周融所謂嘅「反佔中」就完全信唔過，樣樣嘢都得把口。叫佢收聲先啦，簽名都要造假！周融同蔣麗芸一樣都係得把口，最叻亂發爛渣，簡直智障！
數字都話比佢地知一個可以簽N次, C朗..咩名都受! 仲有一班係老人院有腦退化症既公公婆婆...真係辛苦晒!

what

偷水偷電偷手機 佔鐘已非「烏托邦」

• 
  [backcolor=rgba(0, 0, 0, 0.701961)]查看相片
  太陽報 - 金鐘有佔領人士透露，佔領區內的偷竊問題愈見嚴重。
  
  

相關內容

• [backcolor=rgba(0, 0, 0, 0.701961)]查看相片
  之前被示威者撬開偷電的電燈柱，昨晨已被還原。
  
  

【太陽報專訊】【本報訊】被佔領人士形容為「烏托邦」的金鐘佔領區，繼被揭有人非法偷水偷電後，原來該區的偷竊潮亦愈來愈嚴重。此外，昨晨有十多名青年雲集政務司司長林鄭月娥位於山頂的官邸外，疑似想「快閃」堵路或佔領官邸出入口，附近屋苑保安發現後報警，有關人士在警方到場前已全部逃去。政務司司長辦公室發言人證實事件，但因未對官邸造成任何影響，故未有就事件報警，事發時司長並不在官邸內。

帳篷掩飾更惹火

本報日前揭發金鐘佔領區有人擅自撬開區內消防喉的鐵箱偷水，以及盜用區內燈柱與安全島指示燈的電源自用，到昨晨有關消防鐵箱及電燈柱的鐵門及柱蓋已被人還原，但安全島指示燈電源仍然遭人盜用。警方批評佔領人士非法截取電源，並以帳篷或雜物作掩飾，構成潛在漏電及火警危機，又警告如有一支燈柱因非法截電出問題，可能令同一群組內的五、六十支燈柱熄滅，勸喻示威者勿再非法截電，警方會依法調查。

有佔領人士及佔中義工透露，除非法偷水偷電，區內的偷竊問題亦愈見嚴重，包括手機、平板電腦及其他私人物品，但大部分受害人都選擇私下解決，例如在捉到偷竊者時，透過群眾施壓要求對方歸還物品及離開佔領區，以免驚動警方到場引起混亂。

冬暖夏涼小恐龍

全國政協常委會下午在北京召開會議，消息人士指出，會上有一個議題是討論「免除田北俊的全國政協職位」，預料該議題將獲通過。

政界瘋傳，田少免職的消息。網上報紙《巴士的報》報道，全國政協消息人士指，政協常委會下午討論這個議程，估計田少將不能保住政協的職位。

田北俊上周高調表示，行政長官梁振英應考慮辭職解決目前的困局。報道稱，北京早已預料田少會重演2003年一幕，在陣前倒戈，反攻特首。

冬暖夏涼小恐龍

what 你 D所為新聞!!次次都是舊聞!!好心你收皮啦!!下次記得拿20年前出來!!:70:

冬暖夏涼小恐龍

比D真新鮮新聞你!!


【now新聞台】佔領運動一個月，反佔中旗幟再度高舉，發動第二次的全港簽名運動。

不過，北京記掛的，是本港富豪有否對反佔中發聲。

《新華社》周末發表英文文章，指香港富豪拒絕就佔領亂局表態，更點名批評長實主席李嘉誠、

恒基主席李兆基、嘉里主席郭鶴年和九倉主席吳光正。

我們聽聞北京的不滿已非一朝一夕，《新華社》的文章提及，上月由政協副主席董建華率領的

工商界訪京團，獲國家主席習近平接見時呼籲要團結，批評為何只有董建華願意出來表明反對佔領行動。

有勤力的與會者翻查筆記，習近平當時是說，在國家主權安全及香港長期發展穩定的重大問題上，

要「講原則、顧大局」，堅決反對違反基本法及香港法律的行為。聽下來似乎是老調，

但這番說話是在記者拍攝的時間後，閉門會面時說的，有政界高人質疑，是否暗示與會者有人未顧全大局﹖

當日在會上有八人發言，包括新華社批評的四名富豪，只有李兆基批評佔中是自毀長城，

令香港失去優勢，其他人都沒有批評佔中，而一連兩天的行程期間，

亦只有李兆基一人會見記者批評佔中。

富豪團會見習近平當日，亦是學聯罷課的首日，據聞，

北京期望富豪會趁此機會「SHOUT AT THEM」，但這一幕並沒有出現，令北京甚為不滿。

除此之外，佔中啟動之後，我們聽聞，有人要求在佔領區附近有商鋪的企業申請禁制令，

但最終沒人響應，只能聚集的士司及小巴司機入稟，威力大大減少，令北京更加不滿。

這篇引發風波的《新華社》英文文章，不夠一日就被刪除，新華社改發中文稿，

記載富豪的反佔中言論，點名的富豪較英文版本更多。有政界中人估計，

北京對富豪是有兩條路線，亦人覺得北京只是「彈弓手」。這批地產商始終是商界領袖，

要北京開聲要求他們批評佔中，的確令場面「無癮」。

what

冬暖夏涼小恐龍 發表於 29-10-2014 07:12 AM
比D真新鮮新聞你!!

已經係上星期新聞叫新鮮, 真係幾新鮮.....


旺角現場 10月29日

請問呢件白社會係支持佔中定反佔中呢?




派符?邪教?

cartoon

上網搵料不如親身去佔領區行下啦.....D料又新鮮仲不含味精.....唔駛吓吓大驚小怪...吓吓????咁咁...

gazza1211

冬暖夏涼小恐龍 發表於 29-10-2014 07:09 AM
what 你 D所為新聞!!次次都是舊聞!!好心你收皮啦!!下次記得拿20年前出來!!

你嗰篇都係幾天前的舊聞啊。

Code

黃巾賊，
藍絲狗，
五毛what。



五毛what到今日都未肯答我 經佢驗證過既。

中大美國中心 同 封email到底係邊:(

what

Code 發表於 29-10-2014 10:59 AM
黃巾賊，
藍絲狗，
五毛what。

唔知你有無聽過一都市傳說: 話人五毛的等於自認係"廢青", 以前我唔明, 而家我信了:DD

shiufon

what 發表於 29-10-2014 11:22 AM
唔知你有無聽過一都市傳說: 話人五毛的等於自認係"廢青", 以前我唔明, 而家我信了

每個人心裡都有一把尺，唔需要衡量其他人點睇自己嘅，自己知道唔係咪得囉∼

你有你貼，佢有佢貼，百花齊放咪重好:)貼果個開心，睇果個重開心{:1_377:}

冬暖夏涼小恐龍

消防視察「佔旺」關公像

http://inews.stheadline.com/inews-content.php?cat=a&nid=905257

   旺角佔領區其中一個著名地標「關公像祭壇」，連日來均有人前往上香，消防及警方下午再派人到場視察。
      
      7名消防及警方代表，下午再到旺角山東街對開的彌敦道佔領區，視察佔領者放置的關公像，逗留10多分鐘後離開。
      
      消防處署理高級消防區長鄭瑞安表示，現場是高危地方，不同意見人士容易發生衝突推撞，擔心現場一旦發生火警，消防車難以短時間內到達救火，對附近樓宇及示威者構成危險，會繼續同佔領者溝通，希望他們移除關公像及附近物品。
      
      集會人士連續多日於彌敦道及山東街交界，設置了一座約2米高的神枱，擺放關公像，枱上放置香爐，不時有市民上香。
      
              

冬暖夏涼小恐龍

http://www.epochtimes.com/b5/14/10/24/n4279495.htm
傘下與事 香港人的「小確幸」
「小確幸」是近年來廣泛流傳於兩岸三地年輕世代的用語，出自日本小說家村上春樹隨筆，意指「微小而確實的幸福」。歷經二十餘天的「雨傘運動」，香港傘下的人與事，交織一樁樁溫暖的故事，或許這就是在分裂和中共強勢態度下──港人的小確幸。
過去對政治冷感的女售貨員說：「因為這次事件觸發我去瞭解更多關於香港的事。」
16歲的中學生說：「今天是我十六歲生日，我想將生日願望送給香港，希望有一個民主的社會。」
物理系二年級大學生說：「記得自己在金鐘被警察包圍時，很緊張很累。然後有大量市民出現聲援並作出反包圍，那一刻真的很感動。」
藉網路之便，這些真摯的留言廣泛流傳於各種社交軟體，被爭相轉發，無論你在香港、臺灣或是有15小時之差的洛杉磯都可以看見。香港市民期望和平的每一臉孔是如此赤誠，儘管政局與香港前途不一定是滿懷光明。
高齡89歲的黃伯說：「支持學生，支持真普選。」以耄耋之齡，不拒強權站出來的還有今年81歲、早已退休的何婆婆：「我日日都出來。面對不公，不出來抗爭我良心過意唔去。我覺得應該多點人出來。」
香港雨傘運動下的人與事，悄悄喚醒港人失去的價值，年輕的歷史老師說：「感覺香港不一樣了，在這裡很有人情味。認識到很多不同的人，包括一些守在前線的所謂的MK仔也會互相幫助。這緊密的人情是很珍貴的。」
所謂的MK仔是指在旺角（Mong Kok）地區出沒的部份年青人，他們追求潮流物品，出沒於旺角的格仔店、卡拉OK與戲院；MK文化即旺角文化，新興世代的MK仔以崇尚名牌或穿著特殊服飾為特色，整體而言，他們多半被認為冷酷或是特立獨行，但在這次運動中卻使香港年輕人洗鍊、變化，MK仔亦互相扶持。香港年輕世代的民主思維更趨成熟與圓融，25歲的平面設計師說：「在這裡感覺香港人雖然怕死，但卻很團結，好有愛。」
上世紀的經典名曲《獅子山下》再次傳唱，「放開彼此心中矛盾，理想一起去追。同舟人，誓相隨。無畏更無懼」。翻開香港史，「獅子山」象徵香港奮鬥刻苦的一代人，他們同舟共濟的團結精神，正是現在灰暗時期安定人心的力量。
歷史記憶與今日雨傘運動不屈不撓的態度相呼應，獅子山上垂掛黃底黑字醒目「我要真普選」巨型條幅更顯意義深遠。
撇開紛擾與是非，香港人，在傘下找到自己的小確幸。
中六的學生Christy說：「很多香港小朋友都嬌生慣養，在家連窗都不會抹，但竟在這裡會幫手洗地。香港人好溫暖好可愛，有時睡醒身邊會多了份早餐。」這份價值和情感，無論運動結果，都已銘刻、沉澱於香港人心中，追求普世價值，歷久彌新。◇

http://hkm.appledaily.com/一detail.php?issue=20141029&guid=53071677&category_guid=10829391&category=instant

what

冬暖夏涼小恐龍 發表於 29-10-2014 11:57 AM
http://hkm.appledaily.com/一detail.php?issue=20141029&guid=53071677&category_guid=10829391&category= ...

其實我好懷疑日日叫"我要真普選"口號班人知唔知咩叫"真普選", 點樣叫"真"? 點樣叫"假"? 公民提名嗎? 實際點實行? 當1%(7萬人)推一人, 又點一次過核實 7 萬人身份? 到核實身份時會唔會話啊婆係低質素蛇齋餅粽唔算數? 人點分高質素低質素?仲有唔好話最後有50人出閘, 就當10人出閘互相辯論點辯? 叫市民點揀點記點比較? 仲有有公民提名就肯定唔會有爛橙一號,爛橙二號, 爛橙三號? 而家香港想從政有啲乜人? 當中有邊個當選可以解決而家香港嘅問題,有無諗過? 班人其實除咗叫口號仲有無一個詳細計劃如果要真普選實際點去行? 上星期睇周永康上去講清講楚明顯無囉, 只識空口講白話叫人點支持?......SORRY, 佢連點解要"堵塞人民的馬路"都未講得通囉!!



公民提名 必不可少？
29/10/2014

佔領人士常強調「公民提名」，它真如想像般好嗎？

「佔中」者一直提倡「公民提名，必不可少」，認為人大框架之下的普選行政長官並非「真普選」、真民主，表明會堅持到底，究竟公民提名有幾好？
所謂「公民提名」，是指候選人須獲指定數量的登記選民提名，才可成為正式候選人，制度看似公平公正，人人皆可提名、被提名。但就我們所見，「公民提名」主要見於政治經濟較落後地區；在已發展地區，即使有「公民提名」，只在選舉制度中起輔助作用，並不常用。
佔中人士揭示了今時有八個正在實施包括「公民提名」元素的「總統制國家」，有31個「半總統制」國家。香港科技大學經濟學系教授雷鼎鳴早前撰文指出，這八個「總統制國家」都是社會政治經濟較落後，亦不是我們想像中般民主。
雷鼎鳴教授文中提到的八個行「總統制」，設有公民提名的國家如下：
1.畿內亞比紹：位處西非，以走私毒品聞名，2012年還發生過政變，人均收入世界排名為214；
2.馬里：位處西非的內陸國家，貪污盛行，愛滋橫行，人均收入世界排名為221；
3.加納：位於非洲西部，歷史上經歷多次政變，人均收入世界排名為173；
4.贊比亞：位於中非，過去曾有政黨共同質疑選舉結果，人均收入世界排名為196；
5.安哥拉：位於非洲西南部，曾經歷27年內戰，人均收入世界排名為147；
6.塔吉克：中亞國家之一，現任總統從1992年掌權至今，起碼到2020年才會退位，貿赤達GDP的34.8％；餘下兩國為南韓及智利。
上文提到的有公民提名的國家，除了南韓及智利不屬窮國之外，餘下六國都是罪惡頻生，貪污腐化盛行。要香港直接跟它們相比的意義不大，我們且看看南韓的例子。
南韓總統選舉採取全民直接選舉制度，即由全國範圍內的平等、直接和無記名投票產生，所有年滿19歲以上的南韓公民可參與投票，當地合資格選民人數約4,000萬。
總統由南韓公民一人一票選出，但如何可以成為候選人？方法有二：一、由政黨推薦，須附政黨推薦書、本人同意書及5,000萬韓圜（約37萬港元）保證金；二、就是所謂的「公民提名」，無黨無派別人士要有5,000人以上，7,000人以下的選出推薦書及一億韓圜（約74萬港元）保證金才可入閘。看看南韓上一屆總統選舉，勝出的現任總統朴槿惠屬新國家黨；落敗的參選人文在寅則屬民主統合黨，並無候選人由「公民提名」跑出來競選總統。
即使有公民提名，總統選舉都是由政黨提名為主體，以公民提名成功當選的例子少之又少。既然如此，何苦堅持？有「公民提名」是否代表民主程度會提升？是否達至民主的唯一法門？只要看佔中派所提出的八個有公民提名國家的經濟和民主表現，我們有保留。
（本欄逢周一至五刊登）

http://www.skypost.hk/newsDetail/headline?headline=%E5%85%AC%E6%B0%91%E6%8F%90%E5%90%8D%20%E5%BF%85%E4%B8%8D%E5%8F%AF%E5%B0%91%EF%BC%9F

Code

what 發表於 29-10-2014 11:22 AM
唔知你有無聽過一都市傳說: 話人五毛的等於自認係"廢青", 以前我唔明, 而家我信了

都係唔敢回應我，果然五毛就愛呢套:)