【對社會有害無益的人】

takeshi · 發表於 27-10-2014 14:11:36

本帖最後由 takeshi 於 27-10-2014 02:13 PM 編輯

王維基
【對社會有害無益的人】

幾十年來，相信香港人也是首次因為政見不同，而導致家庭和朋友之間出現分歧。我認為這是好事，既然雙方擁有不同意見，就必須學習和諧共處。但是，有三類人我卻非常討厭，原因並非因為我們的政見不同。因為每個人對事情的取向，以及重視程度也不同，就簡單如各人對生果有不同喜好一樣。

最令人討厭的人，第一種莫過於不斷製造謠言的人，沒經過求證，甚或明明可能知道是謠言仍要散播，以支持自己的觀點，這類人不是無知便是無恥。

第二類人，自己不肯犧牲卻在旁取笑犧牲的人，甚至扮作看透世事，說學生不成熟、被人利用，取笑別人是馬前卒。這類人非常令人討厭，中國能脫離日本侵略，也全靠「馬前卒」為人民犧牲。自己沒有理想，只着眼利益，卻在旁指指點點，在沒有證據支持的情況下說三道四，說別人是被人操縱，這種人的道德最差。

第三種人看見目前的情況，內心不舒服，所以只希望盡快平息，卻沒有理解過事件背後的始末。他們不管用甚麼方法、不管原則，只希望以簡單方法盡快解決。

這三種人，對社會只有害無益。

扮作看透世事,，說學生不成熟、被人利用，取笑別人是馬前卒。在沒有證據支持的情況下說三道四，說別人是被人操縱，這種人的道德最差<---我見最多係呢種人.....

Tachikoma · 發表於 29-10-2014 00:32:31

shiufon 發表於 28-10-2014 09:06 PM
OK，我都話囉，如果你認為真係要贏到盡，斷章取義，連每一個字都要同你講嘢嘅人都反駁你唔到 ...

駁我唔倒  係你個人問題  駁倒既慌你會唔駁落去咩  駛乜喺到屈人斷章取義  屈人係為要得到人生嘅滿足咁下流呢?
我生活已經好忙架啦  喺度做「cd-rom」都做左好多年  唔係大是大非當前  鬼得閒理你咩
你邊位呀  嬴你會滿足?乜而家D人興咁樣抬舉你自己既咩?:38:
你係真唔阻至好呀  我又真係好多野未得閒玩  幾乎連「只開盒check件」既時間都無呀  唔該哂:77:

shiufon · 發表於 27-10-2014 17:16:48

咁客觀啲咁睇，反佔中嘅好多係受影響嘅人，你唔可以否認佢地嘅想法。

即係話如果只係七一遊行，行一日就完，咁俾人笑，我認為可以用呢段文嚟形容，但喺影響到其他人嘅日常生活，而學生所爭取嘅喺一般人心裡未必咁重要，亦肯定爭取唔到，咁唔可以將反對嘅人定為道德最差。

leo0079 · 發表於 28-10-2014 09:55:43

shiufon 發表於 28-10-2014 07:25 AM
我用包容兩個字，係因為我唔相信今次運動可以改變中央政策，我唔相信學生所謂嘅「牌」係有用或者係 ...

shiufon兄，算啦！你講再多都無用，呢個討論區已經成為某部分人的主題公園，佢地見到其它人發表不同意見就會不斷質疑，搞到你自己整個人都唔好受，自討沒趣又何苦呢。如果你唔去回复佢地主題，距地主題就無人會回复，只要你一有回复，幾十個回复輪住來爆你，而且仲一面倒，實在可怕。

shiufon · 發表於 27-10-2014 23:34:44

本帖最後由 shiufon 於 27-10-2014 11:38 PM 編輯

Code 發表於 27-10-2014 10:00 PM
先唔講你內容，其實真是好怕你呢種人，
先係口持理性，然後面對質疑就起唒剛，
自己落閘屈人話自己係五 ...

開頭我係唔支持嘅，我覺得根本唔會佔得成，後來做到咗，重咁長時間，係真心佩服。記得28號果晚放完催淚彈，大家好激動，落到街有學生（冇著校服，但從年紀睇應該係）拖著一箱箱水去搭地鐵，我諗係睇完電視自發去，當時好感動，香港重有咁多因為睇唔過眼願意企出嚟嘅人。之後我妹有幫手派水，我個仔十七歲，連續幾晚去金鐘企，可能佔中對自己生活影響唔係太大，我重可以保持包容心態去支持，但唔可以因為咁，而抹殺真係好受影響果啲人嘅諗法，更唔應該抹黑佢地。

shiufon · 發表於 28-10-2014 07:25:59

Tachikoma 發表於 28-10-2014 02:31 AM
「可能佔中對自己生活影響唔係太大，我重可以保持包容心態去支持」

我用包容兩個字，係因為我唔相信今次運動可以改變中央政策，我唔相信學生所謂嘅「牌」係有用或者係可用作談判籌碼，能夠「強迫」甚至係「感動」到人大改變佢地嘅決定。支持運動純粹係支持佢地嘅勇氣同理念，而唔係「讚同」或認為「呢個係一個可行嘅方法」。

認同理念同讚同方法係兩回事，無須因為認同一樣嘢，就盲目讚同用嘅方法係OK。

當然呢個只係我個人睇法，可能正如你所講，最終成功都未定，我只係好「主觀」咁認為唔會成功，到我可以享受佢地為我地爭取嘅成果，我講多謝都嚟唔切添。但現階段，我依然係認為唔會成功，亦唔認同做法。

shiufon · 發表於 27-10-2014 21:57:33

冬暖夏涼小恐龍發表於 27-10-2014 09:46 PM
小小質疑!!你吾落場看看!!??請到場張開你的A,B,C眼看過清楚!!不要坐井觀天 .躲在電腦後做個無狗用鍵盤戰士! ...

邊個話我冇去睇過？我公司係彌敦道，日日都去，我有捐過水，我個仔有去過金鐘企，我妹有幫手派水，你憑乜嘢話我躲在電腦後？我敬重學生，但睇唔起你地呢啲一言堂，唔啱聽就鬧人，連小小異議都聽唔入耳，自己嘅正義就係真理，要贏晒，一步都唔退得，一句說話都唔可以冒犯。冇問題嘅，我理解你呢種人嘅品性，您地嘅民主就係咁嘅一回事。

takeshi · 發表於 27-10-2014 17:42:17

本帖最後由 takeshi 於 27-10-2014 05:56 PM 編輯

hk小文發表於 27-10-2014 05:29 PM
第一種形容當下警察，保安局，建制派，特首都不為過。

保安局及警方已經信用破產!!!呢種破產..對某代人..有排10年8年都未必recover到，香港係28/9後已經進入另一時代，但我見有D我識ge人仍在呃自己逃避緊...見到吾logic、無sense、吾合理事、大話當無野....為左所謂"正常"社會(我吾覺依架個社會有幾"正常")，吾想變，降低自已的智慧去迎合謊言...

冬暖夏涼小恐龍 · 發表於 27-10-2014 21:46:50

小小質疑!!你吾落場看看!!??請到場張開你的A,B,C眼看過清楚!!不要坐井觀天 .躲在電腦後做個無狗用鍵盤戰士!!!

hk小文 · 發表於 29-10-2014 08:51:16

takeshi 發表於 28-10-2014 11:13 PM
班人就係以為自己目空一切，似為自己食salt多過班後生食米ge叔/伯/嬸人....

你班叔/伯兩句傾吾掂就打 ...

田少呢 d, 有頭有面有錢有背景，講句自己想講既野，都落得如斯下場，強國？俾你去到火星都無用！

juwan · 發表於 27-10-2014 16:21:48

仲有在沒有證據支持的情況下說說學生收$3000入佔中, 而自己就收$300去參加反佔中大遊行.:what::what:

冬暖夏涼小恐龍 · 發表於 27-10-2014 17:24:18

本帖最後由冬暖夏涼小恐龍於 30-10-2014 12:43 AM 編輯

媽媽的心聲

http://www.passiontimes.hk/article/10-26-2014/19405

hk小文 · 發表於 27-10-2014 17:29:01

本帖最後由 hk小文於 27-10-2014 05:37 PM 編輯

第一種形容當下警察，保安局，建制派，特首都不為過。

【16點45分消息】保安局及警方出席立法會保安事務委員會會議，其間播放多個佔領區網上短片和圖片，以證明佔領者暴力行為，其中一幅警車被毀爛的網上圖片，早前被網民質疑「造假」，認為玻璃倒影中行人衫袖特徵不一致；但亦有人指出當日的確有警車爛窗，原因不明。

查都唔查就當真擺上立法會，根本搏無人跟進就算！但你有無尊重自己堂堂"保安局"？以後點信你呢？

takeshi · 發表於 27-10-2014 17:33:39

本帖最後由 takeshi 於 27-10-2014 05:36 PM 編輯

shiufon 發表於 27-10-2014 05:16 PM
咁客觀啲咁睇，反佔中嘅好多係受影響嘅人，你唔可以否認佢地嘅想法。

即係話如 ...

以我理解

佢ge意思係--自己不肯犧牲卻在旁取笑犧牲的人

而你ge意思係講緊--理性反對的，文中不是指這類人呢....:64:

Tachikoma · 發表於 27-10-2014 20:30:20

本帖最後由 Tachikoma 於 27-10-2014 08:31 PM 編輯

shiufon 發表於 27-10-2014 05:16 PM
咁客觀啲咁睇，反佔中嘅好多係受影響嘅人，你唔可以否認佢地嘅想法。

即係話如 ...

咁客觀?!:38:啲咁睇，
「將所有收受利益行動既指控  証據等等視為虛構  又忽略被誤導誇大甚至偽造訊息煸動者」,反佔中又「真係好似」好多係受影響嘅人，你唔可以否認佢地嘅想法嘅。

另外想請教呢位久唔久就喜歡把「理性」「客觀」掛於口邊既師兄  你係點樣「肯定爭取唔到」嘅呢?

仲有  你所指既「一般人」其實係咪應該用「有些人」來形容會適當D及较為貼近事實呢?難道學生唔係「一般人」?參與運動人仕又唔係「一般人」?

shiufon · 發表於 27-10-2014 21:32:37

Tachikoma 發表於 27-10-2014 08:30 PM
咁客觀?!啲咁睇，
「將所有收受利益行動既指控証據等等視為虛構又忽略被誤導誇大甚至偽造 ...

呢位師兄，您真心認為受佔中影響而企出嚟嘅人，唔及「將所有收受利益行動既指控証據等等視為虛構又忽略被誤導誇大甚至偽造訊息煸動者」多？反佔中又唔係受影響嘅人，而全部都係收咗錢嘅人？被佔旺角、銅鑼灣而冇車返屋企、做唔到生意全部都係假嘅，根本冇人受影響。總之唔支持呢次運動嘅，一律係收錢、五毛同唔肯犧牲嘅人？

好，咁基本上冇乜嘢可以討論落去。我唔應該發表任何意見，因為我根本冇資格，唔得記咗民主係神聖嘅，連小小質疑、表達意見都唔可以。對唔住，我錯，抱歉令您感到不快。

我無意喺字眼上同師兄琢磨，如果您認為將任何一個字修改會令您舒服啲嘅話，我樂意隨時修改。

Code · 發表於 27-10-2014 22:00:53

本帖最後由 Code 於 27-10-2014 10:07 PM 編輯

shiufon 發表於 27-10-2014 09:32 PM
呢位師兄，您真心認為受佔中影響而企出嚟嘅人，唔及「將所有收受利益行動既指控証據等等視 ...

先唔講你內容，其實真是好怕你呢種人，
先係口持理性，然後面對質疑就起唒剛，
自己落閘屈人話自己係五毛，再乘機加罪於”民主”，
根本你自己先係”有你講無人講果種人”。

至於反佔中，我絕對相信有唔少人受影響，我有唔少朋友係正西洋菜街開工，我聽唔少，
我自己呢個月亦調左去旺角翻工，識左唔少行業既人，亦有唔少人因為無巴士而煩惱。但我建議你得閒不防落旺角了解下，果種了解係真是聽佢地講佢地理據，唔係睇下就算，我可以講好多所謂反佔中者都絕非受影響既人，反而花生友先係最多。

比多個例子你，申請禁制令果班潮聯小巴係無一架會經佔領區，根本無影響。

shiufon · 發表於 27-10-2014 22:13:56

Code 發表於 27-10-2014 10:00 PM
先唔講你內容，其實真是好怕你呢種人，
先係口持理性，然後面對質疑就起唒剛，
自己落閘屈人話自己係五 ...

不如你睇翻晒所有留言，係邊個起晒剛先？我只係講咗句「唔可以否認受影響嘅人嘅想法」，冇針對任何人或說話，點解就要整個冷笑嘅表情？

你都識講，真係有唔少人受影響，呢個係事實，佢地有冇企出嚟反佔中係另一回事，用「其實企出嚟嘅好大部份都係收咗錢」，你唔認為係抹黑嘅一種咩？

我無意同呢道任何一位師兄罵戰，我唔識你，你亦唔識我，無謂為咗唔識嘅人勞氣，有乜冒犯嘅對唔住，我認錯。sorry~

shiufon · 發表於 27-10-2014 22:23:23

Code 發表於 27-10-2014 10:00 PM
先唔講你內容，其實真是好怕你呢種人，
先係口持理性，然後面對質疑就起唒剛，
自己落閘屈人話自己係五 ...

你可以睇翻我留言，根本從呢個運動一開始我就支持，直到而家都冇改變，重為香港有市民願意企出嚟驕傲。

冬暖夏涼小恐龍 · 發表於 27-10-2014 22:51:31

本帖最後由冬暖夏涼小恐龍於 28-10-2014 07:15 AM 編輯

SORRY冇車返屋企、做唔到生意全部都係假嘅，但点解吾問反原因何在!!

(一男子因數看不到!!小動作看不到!!比強姦点解要反抗!!)
今日新聞!!http://www.macauhp.com/news.php?act=content&conid=26303
在伊朗，一名女子因反抗性侵而自衛殺人，但卻被判死刑。賈巴里19歲時遭性侵，因自衛而殺死施襲者薩爾邦迪，被判死刑，薩爾邦迪的家人稱，如賈巴里想活命，必須向他們道歉並更改證詞。
據報道，2007年時任伊朗情報部前僱員薩爾邦迪，僱用年僅19歲的室內設計師賈巴里為其重新設計辦公室；隨後薩爾邦迪帶賈巴里來到其住處，企圖強姦。賈巴里出於自衛，刺傷薩爾邦迪的肩膀並逃走，隨後還為薩爾邦迪叫了救護車，但薩爾邦迪不治身亡。

將於日內被處決

賈巴里被控蓄意謀殺，在嚴酷的審訊下而認罪。據報道，現年26歲的賈巴里將會於數日內被處決。
根據伊朗法律，薩爾邦迪的家人是唯一能夠寬恕賈巴里，使其免於死刑的人。然而薩爾邦迪26歲的兒子稱，要他們這麼做，除非賈巴里更改供詞，向他們道歉，並供出同謀。
據薩爾邦迪的兒子稱，刺殺事件發生時，還有另一名男子也在現場。

伊朗女子自衛殺人被判死刑

■賈巴里2008年在法庭上自辯。

將於日內被處決
賈巴里被控蓄意謀殺，在嚴酷的審訊下而認罪。據報道，現年26歲的賈巴里將會於數日內被處決。
根據伊朗法律，薩爾邦迪的家人是唯一能夠寬恕賈巴里，使其免於死刑的人。然而薩爾邦迪26歲的兒子稱，要他們這麼做，除非賈巴里更改供詞，向他們道歉，並供出同謀。
據薩爾邦迪的兒子稱，刺殺事件發生時，還有另一名男子也在現場。
伊朗女子自衛殺人被判死刑

		自動登錄	找回密碼
密碼			註冊

[分享討論] 【對社會有害無益的人】

點評

點評