轉貼: 睇過關於佔中最到肉既文章

O_biscuit

本地理性父母，海外愛港人仕，安穩活著市民，你有勇氣把這篇文章看完嗎?

【轉自 Fong Si Hang】
政見不同，大家可以選擇唔講，或可以選擇聆聽對方，表述自己，知多一個睇法，唔係要別人認同你嘅睇法。大前提係，互相尊重彼此睇法。
冷嘲熱諷，喊打喊殺，語言偽術，唔係尊重，係搵交嗌，冷血，無知，刻毒。
因為政見不同而覺得對方抵死，想對方死，唔係一個理智嘅做法。但我見，好多支持警察嘅人會希望警察打死班行街示威學生，市民。而呢啲人大部份都係成年人。
其實我好想知道認為示威，抗爭，佔中係搞事嘅人，佢地講嘅原因有咩理據。
阻你搵食？你係咪搵好多？香港呢幾年，搵錢越多就洗得越多，但生活質素下降。住屋、物價，你自己睇。
阻你啲仔女返學？你知唔知返學唔係只係識字同考試。
現實啲講，你有無擔心你嘅仔女將來讀書有成，可能搵5萬一個月，但都係買唔到樓？你擔唔擔心你嘅仔女讀書有成，但要靠送禮，關系，甚至出賣肉體嚟升職？(大陸係咁，銀行，大學教授都係咁)
如果你覺得只要你俾飯佢食，俾書佢讀，佢自然會生活得好，咁，我除左欣賞你嘅天真同單純，都唔知講咩。你都可以繼續鬧爆學生搞事，who cares。知道你質素去到邊，基因係遺傳嘅。
by the way,"大學之道，在明明道。在親民，在止於善"
唔明自己查，不解釋，我唔係教書先生。(大學唔係依架嘅大學)
on the other hand,有人話啲老師罷教唔啱。
"師者。傳道、授業、解惑也"
阻你搭車返工？咁地鐵日日壞車阻你唔阻？你咪又係繼續俾佢加價繼續搭。
搞亂社會？回歸而來，教育政策朝令夕改，越來越多直資，學費越來越貴，亂唔亂？
市建起樓，奇則過長江，貴過私人樓(市建係以市價七成收購舊樓重建)，亂唔亂？
發展局長陳茂波，搞劏房，屯地，醉駕，證據確鑿但不被起訴或調查，不用下台，亂唔亂？
同樣潛建，唐唐要上身，梁振英無事，重要講大話，亂唔亂？
如果你覺得以上都無問題，唔亂得過上街示威，咁，ok。都係個句，明白你咩人。
民主係亞洲人社會一向都係一個傳說。
對中國而言，從來只聞樓梯響。
我理解有啲人唔覺得要有民主，認為民主不能當飯吃，不能當錢買樓，不能挽救經濟危機。
但民主，令政府要對人民負責。
係民主嘅基制之下，漠視人民生計，漠視人民訴求、貪污腐敗、講大話、用人唯親等等嘅政府，都要負上政治責任，落台，或整個政黨收皮。
所以馬英九領導嘅國民黨，應該好快會收皮。
"水能載舟，亦能覆舟"就係我地孟子先生用八個字概括左民主基制，有得簡，先至係老闆，而政府係人民納稅所養，人民，係老闆。政府，天生應該對人民負責，否則，叫極權。
而經濟危機，全球性，係必然性。有生必有死；有經濟就有經濟危機；結婚就有機會離婚。同一道理。
點解一人一票，有得選，都唔袋住先？
新加坡一人一票，但市民甚至唔敢係公眾場合討論政府；
北韓，一人一票，選來選去，只有姓金家族，次次都無對手下勝出。
我唔知咁樣選，選嚟做乜，浪費紙張好唔環保。
提名需要過半提名委員會通過，個會就得1200人，而呢1200號稱來自各界人民。我真心好想知，邊個代表我？識你老鼠。
而點樣過半數提名同有得簡？即係一個人可以提名幾個人？提名港姐都唔得啦。你又呃我未瞓醒。
我唔會袋舊屎係身，如果你會，我佩服你，真英雄。
有好多人話：無用架，中共唔會俾你簡，你地真係白痴。
我想問，咁孫中山係咪白痴？
反抗，唔順從，示威就代表搞事，擾亂社會，暴徒。
咁反清復明、太平天國個班人，一定係失敗嘅人渣。
孫中山就實係魔鬼，辛亥革命係學生攞槍打清兵。
咁點解孫先生係國父(大陸人都係咁叫架)、黃花崗72烈士點解有紀念碑？
(唔明自己查)
如果無辛亥革命，你可能仲扎緊腳，或者梳緊辮。
唔好因為華人二千年帝制種植入血嘅奴性令你覺得無選擇，咁樣，好唔理性。
前教育局長李國章話罷課無用，又叫學生返去讀下歷史。我唔知佢讀個本歷史書同我地讀嘅係咪係兩個太陽系。
但我知道，一次大戰之後，中國身為戰勝國，民國徐世昌政府係巴黎和議上簽署賣國於日本&#22021;<二十一條>賣國條約之後。北京大學生衝上簽約代表屋企，燒佢數簿，打佢老味，政府當然扣捕。
跟住，引發54運動。全國罷課罷市支援北京學生。結果，總統徐世昌辭職，簽約代表辭職，國民政府無係巴黎和約上簽名。
當年中國，4億人，超過9成係文盲。
佢地都要搵食，都要生活，都希望仔女有書好好讀。
讀書，唔係識字咁簡單。
再有人話，就算梁振英落台，咁點？你班人，搞完事，想點？下一步點？香港會變成點？邊個做特首好？
我唔知，我相信無人會知，話自己知個個，你都唔好信。佢一係就係上帝；一係就係風水師，仲要係陳&#22021;風水師。
學運，唔係你想象咁容易，唔返學，坐係街玩。
班學生比返學更辛苦，早晚留守，開會，係現場安排同運送物資、派水派食物，收集垃圾，叫人冷靜。廣播最新消息。
佢地&#22021;所謂輪更，係沖涼，&#30611;兩三個鐘，但電話group chat不斷響。佢地除左已有被捕&#22021;準備，犧牲前途，仲要服侍我地呢&#21874;人。
同學們爭取&#22021;，唔係自己&#22021;利益，係香港&#22021;將來。
我自問20歲&#22021;時候仲一舊飯。
我地為拍片交功課都會嘈交。
但呢班學生，來自中學同大學，唔同學校，合作做一件無利益，有損失&#22021;事。
你話，係咪好唔理性？
有人話，去示威&#22021;人收左錢，五百蚊一個。
你有無證據？定記錯係反佔中？反佔中派錢派禮品叫人遊行，就證據確鑿。但我想問，有無人有證據去7.1遊行，7.2靜坐，同今次學運&#22021;人有錢收？
如果有，唔該話我知，我要追數。
好老實，我每日&#22021;人工都唔只呢個數。
支援學生，唔係因為好得閒，食飽無&#22050;事。要返工，再去支援，又熱，又焗，企幾個鐘，又或者坐地下，有可能被捕，受傷，返屋企仲要照顧&#21874;狗，睇住事態發展，擔心學生有事，辛苦過我開24個鐘頭工。收二千一日都唔值。
外國傳媒俾左個名叫"雨傘革命"，我定性為學運。佔中又好，學運也好，都係一個名詞，唔好因為你對三子或者民主黨反感，而抹殺學生&#22021;付出。
你覺得學生收左錢，黃之峰收左錢，示威收左錢，有著數。呢個係你&#22021;睇法，係你&#22021;價值觀，因為你唔相信有人會唔收錢又付出。
咁，紅十字會一定係賣血。無國界醫生一定係賣器官。
這樣的人生好可悲，因為，你除左錢，什麼也沒有。
學生從來無敵視警察，敵視警察&#22021;係政府。
我認同警察變左磨心，因為佢地係29/9已經正式被政府出賣。羅范講左，劃清界線。
警察係公僕，警察制服代表保護市民，維持公義。警察做左乜，大家有目共睹。
什麼是公義？向手無寸鐵&#22021;市民衝擊，用盾牌壓？然後噴胡椒噴霧？放催淚彈？
有警察寫文話俾人踢，我想問，你地立於盾牌之後(盾牌是全身咁長)、鐵馬之後，除非係黃飛鴻反生，否則，真心唔知點踢得到。
無錯，紀律部隊要服從命令，但你如果仲係一個人，你應該有良心。
8964屠殺學生&#22021;，係從外地調派&#22021;軍人，因為北京軍隊唔肯。唔好再話你迫於無奈，唔成立。
用左兩個半小時寫呢篇文，唔係因為我好得閒，係因為，不吐不快，係因為理性，係因為，香港係我屋企。

起級3g

支不支特佔中也一定睇!:$

hk小文

"搞亂社會？回歸而來，教育政策朝令夕改，越來越多直資，學費越來越貴，亂唔亂？
市建起樓，奇則過長江，貴過私人樓(市建係以市價七成收購舊樓重建)，亂唔亂？
發展局長陳茂波，搞&#21135;房，屯地，醉駕，證據確鑿但不被起訴或調查，不用下台，亂唔亂？
同樣潛建，唐唐要上身，梁振英無事，重要講大話，亂唔亂？
如果你覺得以上都無問題"


呢類人真係梗有一個係左近，有問題出聲就即是"怨",怨就即是你有問題，只懂埋怨，不肯捱不肯搏。

zxcvbn

好感動:handshake:

waihow

很發人深省的一編文章,
睇完之後的感想是很高興香港有一班熱衷愛護香港的學生及本來給人很市儈的市民行了出來,
用和平、理性、耐心想去同擁有絕對公權力政府談話, 但一個無能的特首及一眾高官,
不但沒有任何正面回應反而不斷自說自話, 這就是現在政府的手法,
學生有無限的可能性, 從他們選擇出來那一刻開始, 他們的未來劃多劃小正在改變
市民最基本的需要是有一份工, 一個家, 平穩生活及一個人人平等的法治社會
希望政府內部還有人可以企出來說一些人話, 權力, 金錢他們都可以輕易由偏幫、偏聽、偏見取得
但名聲是其他人給他們評價的, 真的希望他/她們問一問自己個良心, 出賣香港的榮華富貴受唔受得落

hk小文

近日去餐廳聽得最多的理論:

1. 學生係被人的用, 你睇當年 64, 柴玲, 吾爾開希.....如果真係有認真睇件事，應該好清楚，佔中三友和泛民班老餅，一早已被架空唔存在，28 號晚叫人走都無人啋佢地，件事可以去到今天的地步，警方絕對應記一功，因為一早拉左劉慧卿班友，不用阻頭阻勢!! 另外我好奇怪，那些人會怪柴玲, 吾爾開希，但又不會怪下令開鎗那個人。


2. 689 唔做邊個做，同一條問題，他們當年亦應問過董生唔做邊個做。

44超音魔球

1.討厭一個無恥既政府 . 更討厭一個利用學生同市民做盾牌既威脅政府既活動 ,

2.就算有真普選 , 公民提名 , 最大得益者都係垃圾會個班政棍

hk小文

44超音魔球 發表於 2-10-2014 06:28 PM
1.討厭一個無恥既政府 . 更討厭一個利用學生同市民做盾牌既威脅政府既活動 ,

2.就算有真普選 , 公民提 ...

無真普選，只會繼續有無恥既政府，如果一個政府需要向市民交代，會做得出無恥的行為嗎？班官夠膽咁樣講大話？

44超音魔球

hk小文 發表於 2-10-2014 07:20 PM
無真普選，只會繼續有無恥既政府，如果一個政府需要向市民交代，會做得出無恥的行為嗎？班官夠膽咁樣講大 ...

所謂受肯定既特首 , 其實咪係班政棍肯定既人選 ,

好似依家咁 , 好多民生問題都係班政棍拉布攪出黎所以行唔到 ,

班9官講大話係無恥 , 但係班政棍所作所為都唔見係為民請命 ,

好似依幾日咁既情況 , 頭幾日有無見班政棍出黎做過D咩 , 到後期見689龜縮就出黎抽水 , 講埋D不負責任既野 , 好似真係想攪到有傷亡出現先開心

hk小文

44超音魔球 發表於 2-10-2014 09:17 PM
所謂受肯定既特首 , 其實咪係班政棍肯定既人選 ,

好似依家咁 , 好多民生問題都係班政棍拉布攪出黎所 ...

如果真係有認真睇件事，應該好清楚，佔中三友和泛民班老餅，一早已被架空唔存在，28 號晚叫人走都無人啋佢地，件事可以去到今天的地步，警方絕對應記一功，因為一早拉左劉慧卿班友，不用阻頭阻勢!!

44超音魔球

hk小文 發表於 2-10-2014 09:22 PM
如果真係有認真睇件事，應該好清楚，佔中三友和泛民班老餅，一早已被架空唔存在，28 號晚叫人走都無人啋 ...

因為開頭係人都知佔中依個係個鑊黎 , 邊個會行出認 ,

驅散示威者個晚 , 學民同學聯都覺得玩大左 , 搵藉口閃人免得俾佔中3子騎打劫 ,

點知都係D催淚彈累事&#25731;起左民憤 , 先會令咁多左人上街

如果無催淚彈 , 一定唔會攪到依個殘局 ,

就好似依話要包圍警察總部同政總咁 , 好明顯係想迫警方放多次催淚彈博市民同情 , 令佔中可以持續多一段時間 , 但佢地有無諗過危險性 , 最危險唔係D催淚彈 , 係混亂時人踩人

水水的基地

其實我硬係唔明，口口聲聲話政棍搞事，咁建制派又有咩建樹，，領匯上市。起高鐵？？

起級3g

建制派=政棍:x:$

起級3g

其實網上有許多似是而非的言論:oh:
令一些信心和了解唔究的人動&#25671;:o

hk小文

44超音魔球 發表於 2-10-2014 10:08 PM
因為開頭係人都知佔中依個係個鑊黎 , 邊個會行出認 ,

驅散示威者個晚 , 學民同學聯都覺得玩大左 , 搵 ...

http://youtu.be/N-nWNw8kG9A

推介你聽下劉細良個分析。