倫敦巴黎旅行遊覽動漫店分享

jeffloh

大家好,
小弟5月底時到了倫敦巴黎遊玩, 當中大部份時間都係行景點的多, 不過都有幸有時間去睇下外國的漫畫玩具店係點的, 依家簡單分享一下. 當然我唔係當地每一間漫畫店都有去, 所以我只能介紹我有去過的~ XD

倫敦我一共是去了2間, 分別係 Orbital Comics 同埋 Forbidden Planet, 2間都在附近, 大約是20分鐘左右的路程, 如果坐tube都好近~

Orbital Comics


位置:


在Leicester Square站下車, 行1分鐘都唔洗就到~
入面主要是賣漫畫為主, 仲有figure, tee shirt精品等, figure都幾齊, 不過售價比香港會貴d (主要是因為英國的VAT是20%吧)

第2間是Forbidden Plant, 倫敦店應該是全英國最大的分店 (總店?), 入面有2層, 地面果層主要係figure類, 而地底就漫畫多. forbidden plant都有Hottoys, sideshow等賣, 同樣售價都係比香港貴 (其實香港買野真係好平嫁~)


另外forbidden planet位置上都幾近大英博物館, 睇完展品可以去睇玩具~

如果真接坐tube就在tottenham court road站落, 一出去應該會望見對面馬路旁一個好大的金色雕像(在劇院門口)

我上次就同我一個當地的朋友去完orbital 再去forbidden planet的, 慢慢行買埋野飲都係用o左20分鐘左右.

仲有一間我無時間去的叫做megacity comics, 地點在Camden Town站附近,


其他大型百貨公司, 斗斗城果d我都唔介紹了, 大家可以去佢地website睇唔同分店的地址~


去法國巴黎時其實主要都係旅遊, 本身無預計會見到漫畫店, 不過有日行完聖母院之後去食野, 行路去時竟然比我見到一條"漫畫街", 成條街都有3,4間漫畫店, 基本上行到果條街就無可能見唔到的了, 加上大家賣差不多同一樣的東西因此我唔太詳細介紹了~

地點: 在聖母院(Notre Dame Cathedral) 旁有條河, 河旁邊有一賣舊書的"街檔", 過埋馬路就可以開始行啦~


在cafe旁行, 行多幾步就向右邊行~



呢條街名應該叫 Rue Dante, 左右2旁都有幾間漫畫店
其中一間有影低相叫 pulp comics

我見有d 舊款figure都平過香港少少, 不過由於無興趣就無買到手. 如果用DCC, Marvel Legends計的話大約是20~22euro一隻.
行完呢條街就會見到大馬路 Bd Saint-Germain, 過埋馬路就係另一間比較大間的Album Comics, 呢間比較多d野睇同figure賣, 而且佢display o左好多野出來, 應該一眼就望到~


當然仲可以去下百貨公司, 例如老佛爺等, 佢地d售價比漫畫店貴, 不過好處是可以退稅 (記得要填表, 法國好似退10.5%)

以上係小弟的簡單分享, 多謝收看~~

ChrisLamXYZ

就咁睇外表，真係唔似賣漫畫:DD我大鄉喱少去外國><

香港最著數就係方便同有得選擇，一個地點已經幾間店俾你選擇; 旺區就更多:71:外國而家最方便可能都係網購，淨計油錢同時間可能都同網購差不多價錢^^

jeffloh

就咁睇外表，真係唔似賣漫畫我大鄉喱少去外國><

香港最著數就係方便同有得選擇，一個地點已經幾間店俾 ...
ChrisLamXYZ 發表於 8-6-2014 12:31 PM

香港買玩具真係好方便, 最起碼唔洗開成個鐘車先去到. 而且價錢都好抵, 所以去外國都好少刻意去買玩具, 就算睇都係睇下有無d"絕版/舊款"玩具, 或者香港無果d~始終去得外國如果只行玩具店會有點浪費, 我就會行o左d主要景點有時間先去~

ice-mocha

謝Jeff大回覆，我下次可以等老婆shopping&#22021;時候，自己走去行下。

其實去外國都唔會特登去買玩具，一來d盒鬼死咁大，二來香港買玩具真係又快又平

Assassin

未去都支持下先 :$

jeffloh

謝Jeff大回覆，我下次可以等老婆shopping&#22021;時候，自己走去行下。

其實去外國都唔會特登去買玩具， ...
ice-mocha 發表於 8-6-2014 04:10 PM

我都係咁話, 枝grapnel gun我都怕海關以為我走私軍火, 所以專登hand carry嫁~

另外可能外國地方大d, 見佢店舖擺野的方式都係好整齊, 基本上一望就知你想搵的野係邊. 連漫畫都係一本本睇到個封面咁display晒出來, 唔洗邊搵哈哈~ forbidden planet真係都幾大下, 如果慢慢睇可以睇超過一小時呢~ 我自己就行o左唔夠半個鐘, 買完野就閃.

我自己去旅行都唔太買玩具, 除非是香港搵o左好耐都無或者當地先有的東西啦~ 去得旅行都係去食下玩下多, 只睇玩具香港都有啦~

BatIron

Ｖｅｒｙ　ｎｉｃｅ　ｓｈａｒｅ！　Ｂｅａｕｔｉｆｕｌ　ｖｉｅｗｓ∼∼{:2_268:}