沒有圖片的感想: 第一次買聖衣神話...

熱狗OO

無圖齋文, 純感想

小弟係睇晒聖鬥士主軸動畫的(即星矢去到哈廸斯篇及天界篇), 一集不漏
其實我都幾鍾意星矢, 細個都有買下星矢模型, 但就無買過聖衣神話(我至今都覺得好彩無入坑)
不過因為自己都鍾意星矢關係, 聖衣神話D POST我都睇左九成, 都幾好笑及令我知價

我就一向玩高達既, 有關高達的乜野產品新LINE都試,
早日瑞華行開倉, 見光牙只是150元, 即買來試下, BANDAI的機械人玩得多了, 就試試BANDAI的人偶技術
(我同各位一樣, 都唔鍾意OMEGA, OMEGA我前後睇左3集ONLY, 包括首尾兩集)

之前都知光牙的面相出奇的造得好, 開盒沒有失望, 的確幾神似! 我女友都覺得好靚仔
從你們過往的吐糟POST中我清楚知道光牙係神似過好多聖衣神話甚至EX!

玩素體, 可動性OK既, 但D BALL JOINT位感覺似玩得多會斷, 尤其皮膚色果D

上甲了, 先要"肢解"個素體, 呢下我覺得個過程是有D變態, 人黎個喎...
照說明書上甲, 對於玩開高達的我都有些少O咀, 但都易過METAL BUILD上D架生既...
但D水晶就似乎好易甩, 如當玩得玩得多應該好易唔見

上半身同手都幾穩陣, 但手掌果個較位看來好易斷, 換得手多就要小心了
腳的甲就真係要吐糟, 大比同小腿齋塞入, 無扣位鎖死的! 上上落落唔知幾多下先實, 郁兩野又會跌下來, 唔係隻隻都係咁掛? 出到光牙都幾十隻架喇喎, 咁兒戲既?

好, 上完甲, 真係幾靚仔! 造型一流, 燈射住盔甲的反光亦很有金屬感!
對於外形我實在沒有投訴, 呢百五蚊超值(外型論)

但問題一分鐘不到便出現了! 隻腳根本無力既! 自然的開始THE下來
基本上, 佢企得到, 完全係靠腳版果舊鐵的剛性去支撐! 上左甲後對素體的下盤太重了吧?  
擺下POSE喇, 唉, 上半身都可以, 隻腳, 大比小比又跌甲了, 又唔夠力, 根本好難先擺到一個能靠自己企既POSE囉, 老實說絕對唔似ROBOT魂或者HG咁玩得咁爽囉~
唔怪之得我出街睇D聖衣神話展示通常條腰都有舊透明膠圈稱住喇  

由拆盒玩到依家玩左45分鐘, 遲D先玩聖衣型態喇, 叫做了解左星矢產品
我覺得可以進步的空間實在太多了, 外型BANDAI解決了, 但玩唔到囉
EX全部都腰過幼及大胸問題, 我知架, 但EX唔會跌到百五蚊吧? 所以我唔會試了
不知EX的可玩度改善了幾多? 但EX的面相嘛... 好多都唔夠光牙似囉... 我有睇報告架XD

所以呢, 我覺得各位儲開星矢的, 像高達般面對2.0, 3.0吧
如果出到又玩得又睇得的星矢產品, 我到時先考慮入坑喇XD

多謝收看到呢度

狂四郎

所有神話共同點係容易跌、易甩甲、樣唔似！

老文

我得番一隻雙子神話...當紀念吓神話算了.....唔係唔好玩.但又要顧及好多保養同金錢上的問題...最後都放棄了:80:

yugi

第三素體問題笨大一直都無正視因為佢要局人買支架

toylover

我都係會睇星矢, 但一隻神話都冇買過

我覺得星矢玩具冇乜好玩, 買其中一兩款又冇意思, 買晒又唔係隻隻鍾意兼阻地方

星矢角色我比較鍾意紫龍, 另外因為我係天秤座, 所以又鍾意天秤, 剛好是最勁又最多武器最多嘢玩, 而又係紫龍師傅.... 但咁多年都冇動力買.... 星矢玩具只買了復刻版天秤座, 因為細個時沒有, 想買來睇下各種武器係點

denniskwong

神話一向係買黎擺唔係玩.
如果要可玩性高, shf先係出路, 而且面相方面, 拉打已經可以好好, 所以唔擔心
係睇 bandai 幾時踩埋落去.

kyostanley

方便d的解決辦法就係係2腳板底貼少量blue tack佢地先唔會做一字馬

Douglas.M.Saint

Add marks and I also love this kind of sharing as well. :)

mushroom

係要鐘意套作品多過玩具本身, 至會入。

薜安

套戲……一流

玩具……九流

欣賞劇情……賺錢

玩具入坑……嘥錢

{:1_203:}

toylover

作品... 一般啦... 主要係童年回憶

鑊鑊都係蟻咁弱, 比人打到就死, 但又點都唔會死.... 跟住諗諗下嘢就爆 seed, 一嘢就 KO 大佬, 仲要即時精神返晒

同埋我覺得佢的畫功都好肉酸下

(利申: 我會睇星矢, 唔係對佢有偏見, 只是講事實)

yugi

作品... 一般啦... 主要係童年回憶

鑊鑊都係蟻咁弱, 比人打到就死, 但又點都唔會死.... 跟住諗諗下&#220 ...
toylover 發表於 5-6-2014 05:32 PM

仲要即時精神返晒

我一直吐糟緊:x呢頭比人打到起唔翻身但爆完seed乜事都無跑去下一個敵人度:x