HT 日日都係 等等等....

sunnyfatb

大家討論吓{:1_226:}{:1_226:}
http://toysdaily.com/discuz/thread-221636-1-1.html

Bat

呢期等緊war machine單日單

mj23

唔知大家有無試過以下經歷？

約一個朋友交收，約七點佢八點先到，約八點佢九點先到…
雖然佢最後都有出 ...
wayinc 發表於 7-3-2014 12:38 PM

作為消費者唯有可以做既唔好俾佢賺到自己錢, 明知佢係咁衰又改唔到, 就只可以係咁做 , 有好多我都skip咗, 唔一定係時間問題先咁做, HT, EB, bandai都一樣有. 冇話唔買唔得. 同理,如果呢啲咁麻煩既朋友點都係遲到, 就唔好再約, 冇話冇咗邊個唔得.

格仔餅

Ht係一間公司，有商業登記，雖然有法律管制，
但同賣樓,賣會籍一樣，買家在落定時已經成受了風險，
佢執左，d單即變廢紙, 手上越多訂單，風險就越大。
我就從未試過買eb 同bandai野要落訂，重要等成年。
做生意誠信好緊要，開訂要講明派貨日，派唔到就要道歉，理應陪常，但至少都要電話通知講清楚下次派貨日,
訂金比左佢，吹佢又怕佢整得差，呢d唔係大人諗野方法，佢開得公司我就可以批評佢，佢無得唔做我生意，我玩玩具唔代表幼稚，要佢知道問題，唔係有問題就放棄唔買。

akiaki

Ht係一間公司，有商業登記，雖然有法律管制，
但同賣樓,賣會籍一樣，買家在落定時已經成受了風險，
佢執左 ...
格仔餅 發表於 9-3-2014 12:44 AM

無錯呀! 風險又要受，有時又貨不對版。
做生意有誠信點好吧!

anakin360

強者對弱者立出的'不平等條約'...

marcusfok5

就好似war machine mark ii咁 隨機話雙數日拎先 隨機派就一早講到明 我覺得冇問題  但係點解佢可以派哂所有單數日但係到雙數日就要逐日派 派完一日要等成個幾禮拜先有得再拎

特級豉油

Ht係一間公司，有商業登記，雖然有法律管制，
但同賣樓,賣會籍一樣，買家在落定時已經成受了風險，
佢執左 ...
格仔餅 發表於 9-3-2014 12:44 AM

..........
看完真係唔覺係成熟表現，人地遊戲規則早就訂下，你只是參與者，只可選擇玩與唔玩，我唔信買部ps3同winnining，玩家可以跟自己喜好自由設定開發商訂下玩法同規則，你可以的話請教我winning eleven，44人vs其他玩家11人喇唔該！仲要全球玩家只有我馮射必入，搞掂請你飲茶。

我真係唔明，多年來咁多膠post都係同hottoys有關，咁唔滿意點解要幫襯呢？又要馬兒好又要馬兒不吃草，乜都要你著數哂，不如叫佢請你做ceo好無？記住執粒要負責任呀，呀！唔好意思，唔記得自我中心嘅人係唔會負責任

chshting

..........
看完真係唔覺係成熟表現，人地遊戲規則早就訂下，你只是參與者，只可選擇玩與唔玩，我唔 ...
特級豉油 發表於 9-3-2014 09:59 AM

單就以上情況以言，依家玩家只係睇咗HT出個辦或者官圖，接受隻figure，
然後畀錢落訂等HT當初講明的日子收貨，有咩問題﹖
而你舉個winning遊戲44人打11人嘅例子十分有問題，第一，
上面討論緊派貨問題嘅玩家，唔係投訴隻figure在內容上嘅改動如追加配件，
唔構成如你咁講「跟自己喜好自由設定開發商訂下玩法同規則」；
第二，同大家講預定幾時派貨嘅係HT自己，我地睇左派貨時間接受先作出初步交易訂貨，
HT係有責任履行收訂之後嘅責任依據佢自己當初定出嘅「遊戲規則」到期就出貨。
假如因為參與咗交易馬兒好又要馬兒不吃草，而所有風險自己承擔嘅話，
你訂咗PS4同winning遲到2046年都唔出貨，甚至返工做嘢老闆拖糧，
你係咪都只能怪你入得人地公司就畀老闆拖糧﹖打工受僱於人都可以追討權益，
何況交易買賣，你賺我錢、我買你貨，一買一賣大家地位平等﹖

Toys_fan

其實HT已經準時過以前，覺得佢成日遲既都好可能係剛入坑既人

adidas

年經變月經，就來變日經

個個人有唔同思維同思考方向，點可能有統一結論？
HT係獨市夾衰格，睇留言其實大家都揀左自己買定唔買，有咩好拗？
只係一味夾硬要人認同自己果套，同HT做法有咩分別？

chshting

其實HT已經準時過以前，覺得佢成日遲既都好可能係剛入坑既人
Toys_fan 發表於 9-3-2014 12:42 PM

係﹖我由MMS14隻Superman Returns玩到依家MMS2XX，
我就覺得依家HT出貨時間平均耐咗，以前戲上前一兩個月開訂，等出碟時間就有得玩，
依家就款款都預計要一年出貨。
不過最重點係HT成日唔跟預計派貨，有啲款早出成半年，有啲款拖下幾個月，拖下又幾個月。

特級豉油

人地從無講實幾時岀貨呀大佬，有同你講幾年幾月幾日咩？有你仲上網日嘈夜嘈？比意見？喺度講有咩用，人地會去td睇咩？人地會睇你咩？你會知佢地有人睇咩？又話人乜乜物物但又照比錢訂，訂完又話人乜乜物物，人地又老馮做你生意？你邊位呀？你用幾多億美元比生意人地做呀？咁擔心人地質素你做咩訂做乜要買？咪睇啱現貨至買囉，無現貨買？未發生點知呀？擔心會無現貨？咁點呀？焗訂？邊個焗你訂焗你買呀？又邊個迫你買迫你訂hottoys貨品，呢個世界得佢有嘢賣？

由頭到尾都係自己比問題自己，有人迫你買？係就向政府呻訴呀！有人犯法迫你「簽不平等條約」，告佢啦贏硬喎你，要hottoys賠一千幾百萬再捐岀去吖嘛！取貨時有違反當初對你承諾，咪告佢囉，你咁具體講岀佢問題，你又一定贏硬喎，駛乜勞氣呢？搵定律師電話，hottoys派一隻告一隻，我睇佢喺閣下「識深較道」之下，仲識唔識營運間公司！

仲有！我唔愛hottoys！我唔係打手，我係教訓啲糞青！比果一千幾百就當自己大哂？辛苦儲返來就存返銀行啦，有息收㗎，買ht又無保障又無終身保養又易氧化又沾塵又唔著燈又勞氣又要等仲要比人吋仲要唔啱自己心水... 但又走去訂走去比人吋喎，訂完又再罵，罵完又訂，訂完又罵......WA∼！真係唔寫個服字都唔得咯，連自己完全不合邏輯嘅偉論仲好意思當真理四圍宣揚！可悲！

如果你認為我同hottoys有任何關連，就約我去律師樓親手交律師信比我啦！不如告我吖，我可能係專玩你嘅ceo呢 XD

「識深較道」睇唔睇得明？我都與時並進㗎，網上最新語言文化剛剛學的XD

anakin360

講一句...ching你地講十句...唔好咁勞氣好嗎???:(:o:(

keithwu516

其實而家商品說明條例立法後，如完成品同樣版相差太大，係可以告得入，另外，HT所訂立的一個月提貨限期條款，同佢出貨延期而不作通知，此兩事項如在其他直銷作業，一早已俾人告到甩褲兼罰款，只是HT係賣玩具，大家都想玩樂開心，所以到而家咪只係在TD嘈，但從未有人告HT攞refund同申請賠償囉。
我而家已跳船了，已戒甩9成HT癮。世界甘多好野玩，HT絕非唯一。我係ironman 死士，但IM3 只訂左兩隻甘多，理鬼去幾時出貨，總知like就訂，吾like玩其他。再吾係上y拍套現。