請教有關DX12 batman

布魯士

樓主先別慌,我試過係hottoys門市拎過一次係雙膠紙的,拎時都沒為意,返到屋企想開時先見到,都幾覺下,我當時都 ...
fruitswai9 發表於 23-2-2014 16:43

    agree{:1_197:}

fishnchips

回復 15# fruitswai9


   同意，最緊要隻figure 無事

弄內洋太

:(買HOTTOYS野唔即時CHECK件等如踩鋼線,好老實講近年HOTTOYS的質量有所下降,返到屋企好多時都唔會開來玩，但我攞貨時一定要即場望一下先心安理得,仲有HOTTOYS野保養期有限，過左保養期先發現問題就真係神仙都難救，你知啦依家HOTTOYS係一間大公司，好多野都揸正來做，我就試過買時無即刻CHECK，拿到返屋企擺埋一邊，足足等左差不多半年先開來玩，點知發現“中左獎”有問題於是拿埋張單去換，但佢睇左一下之後回應話因為過左太耐所以無零件無得換了，所以如果林住買完全未開過盒就百分百安全既兄弟請醒一醒~~~~~!

fruitswai9

所以我要後追的話一定先睇賣家個信譽， 沒100%的我一定不光顧，因為心想奶左野既話你比佢黑評都沒用啦，反正佢本身就比人黑評過，多你一個黑評唔多啦，佢已經可以好懶皮，咬佢咩。另外我一定唔會買全新未開過盒的，年幾兩年前既野，盒都沒開過黎check,有缺件爛件邊個陪比我？仲有件野長年不見天日，係盒入面化左都沒人知啦。要買我只會買信譽有100%，講明有check件 齊件的。所謂全新未開盒的？88你條尾啦

tony2013

回復 19# fruitswai9

但係問題好多買家唔想件貨比人拎過上手，加上好多人開左盒玩過2手話只check過件
當佢真係全新，有可能佢有2盒都係開左盒全新，d配件比佢左換右換...
所以1盒全新未開封既價錢點都貴過開左盒check過件

fishnchips

回復 19# fruitswai9


    如果有電子零件或機關複雜的figure，例如ironman，最好係開盒check，怕燈唔著。如果係全新的普通人物figure，風險不大，因為好似開戰batman腳踝粉碎、DX11腳軟等結構問題，無分新舊，隻隻都係咁。

jeffloh

假設 seller真係無開過, "雙膠紙"其實係更好. 因為任何產品一般出貨之前, distributor/中間商都會派人去驗貨, 驗過OK先俾出貨. 咁驗當然無可能100%, 所以會抽驗. 而驗完會點做? 再貼返膠紙上去lor, 所以正路應該是更好的, 因為有專人驗過無問題~

不過問心一句, 如果會開盒來玩, 當然係交收時check過先比錢, 無謂一張膠紙令自己心卦卦嘛~

ricky246

如果件貨無早事...d件又靚仔.......單雙膠紙 同 係唔係全新..都唔重要啦......個人認為~

特級豉油

唔買都買咗，無事就算啦！

Y拍買係無保障，hottoys買有十四日比你慢慢返去驗屍咁驗，y拍無論幾好正評，無開盒有誰知真係無問題？可以原本有事，可以賣家存放不良引至有事，即場開盒check？比你開就一定先付全數，有問題九成洒你，唔比check你就要賭大細了，買價又高又無保障，真係咁值得博？

再講hottoys都係請人做包裝，除hottoys員工外，你估係咪無人識呢？真係要博佢一博就要預咗中sad 貨，至少無事個心都會舒服啲

hulk123

對的. Y拍買無開盒既野根本沒有人知道件貨有冇問題. 要有預左中sad貨既覺悟.

audiokids

1) 未開盒 => 全新 => 無得 check 件, 有機會中 sad.
2) 已開盒 => 有可能係全新, 但又有機會二手扮全新 => 可以 check 件, 中 sad 機會相對比較低.

1 定 2, 各有利弊, 自己決定啦.

fishnchips

其實樓主開左未？反正已經俾左錢，賣家又話係全新，你點都拎唔返d錢gah la~ 不如開黎睇下...

kc7861

已開沒中sad，學到好多野，知道Hot Toys也有封雙膠紙的，但也俾幾個ching話只有單膠紙的嚇死了。以後會小心，再次感謝各位回覆。

audiokids

已開沒中sad，學到好多野，知道Hot Toys也有封雙膠紙的，但也俾幾個ching話只有單膠紙的嚇死了。以後會小心 ...
kc7861 發表於 26-2-2014 02:44 PM

話說回頭, 你去 HT 攞貨, 佢俾盒雙膠紙你, 你有權要求攞另一盒喎. 如果賣俾你果個係炒家, 更加會明白雙膠紙會令買家有懷疑呢點, 所以炒家手上既貨, 有雙膠紙機會會大嗎?

特級豉油

無事就好啦，那那聲去Ht訂埋個衣櫃啦，昨日還見收訂