你還會訂玩具嗎?

fatcheong

小弟大約2007年開始買玩具, 當時"訂玩具"仲未流行, 主要都係行玩具舖見到岩心水就科水{:1_238:}

唔心急玩既好多時等下仲會執到死雞, 早買早享受, 遲買平幾舊, 每日放左工都會去執下雞 (係執, 唔係叫){:1_220:}

唔知由幾時開始, 或者由邊件玩具開始, "訂玩具"呢個概念開始盛行, 訂價基本上係幾抵玩, 唔計插水你幾乎可以肯定"訂"係平過買現貨{:2_312:}

又唔知由幾時開始, "訂玩具"直頭變左概念股咁, 阿豬阿狗都開訂, 係一班水魚既大力支持之下(小弟都係其中之一), 開訂價越黎越進取, 基本上大家都係炒上炒 {:2_256:}
呢個時候, 小弟已經開始減少訂玩具, 因為訂既唯一好處只係一定有得玩, 仲要睇下你同邊間訂, 有d無良賊x見當炒會扮無貨{:2_299:}  

最近, "訂玩具"呢隻概念股好似爆左春咁, 第1浸訂價可能貴過第2浸, 第2浸可能貴過現貨, 現貨有無得減就好似下屬睇老細頭咁:D

而家訂玩具幾乎訂個隻瀨個隻, 小弟都瀨左幾鑊, 好彩已經一早減產, 唔係真係由頭瀨到落尾, 汁都撈埋{:2_262:}

我而家手上既訂單只係剩返幾張, 今個月亦都無再訂野, 買到現貨就買, 買唔到就算{:2_330:}

大家而家對訂野既睇法又係點？玩具界會唔會還原基本步, 每日放工可以去執雞? 開呢個post只係想抒發一下, 無分對錯, 和平分享

yugi

執下雞 (係執, 唔係叫),

直接執劑:x


回題,我夠唔知幾時開始乜鬼都限定{:2_286:}

fatcheong

執下雞 (係執, 唔係叫),

直接執劑


回題,我夠唔知幾時開始乜鬼都限定
yugi 發表於 13-9-2013 06:00 PM

執劑店員{:2_286:}
其實而家限定野一出插水都有，不過始終限量，跌極有譜

mudwk

限量都可以插水無極限。你睇蒼穹果幾隻ROBOT魂限定，跌到半價都無:@

大姐姐

現在很多人買玩具的「目的」, 已多元化。  最緊要不是盲目地買玩具, 有時買貴了數十元, 有時買平了過百元,根本不用太執著。

網上限定版, 不訂可能不夠現貨, 普通的, 訂了都可能無貨。

次男

我上年開始玩返玩具！都做左一陣子既訂單王！:34:訂單最多有二十機張係手！
以為訂野會底d！唔洗食抄價加一定有貨！:58:
訂貨到開始一張一張單去對現:$漫漫發現十張有單有五張同現貨一樣價錢
有三張貴左。。有兩張貴過第二次到貨。。:49:。。完來訂左機個月等左機個月
就係比人當水魚。。
錢都係小事！我發現我失去左一個賣家既尊嚴
每次都要底聲下氣打去鋪問貨到未。每次鋪頭都大聲夾惡甘話！等下啦！到左會打比你架啦
有些玩具！外面買左成個月！鋪頭都係叫你等！唔關佢既事。係供應商出問題。。唔等的就退訂比你

movie_arms

小弟又分享討論一下先~

我由 2000 年 左右開始買玩具,
時間話長唔長, 話短唔短, 勉強都叫睇住玩具巿場由「現貨」變成「乜都訂」既演變
單憑印象, 睇返下過去十幾年當中既演變 (真係只憑印象, 有錯歡迎指出, 不喜勿插)

階段1. 賣現貨為主, 要訂既係真係冇行貨既貨品, 又或者要海外搵既貨, 一般而言「新貨到步價」間間舖相若, 而且不時會有向下既走勢。當件貨係「新出品」, 「近期大熱」既時候, 價比較高係正常。熱潮過後, 未賣晒既貨會減價。所以當其時不難有「早買早享受, 遲買平兩舊」既情況。而到再後期周街都冇又有可能會升返轉頭。當然, 亦有部份比例貨品因貨量問題而炒起。

階段2. 呢三五七年期間, 有若干貨品發生「一出即炒/ 貨量極少」既事件。不少買家一肚氣。唔知由邊間帶起, 就搞訂貨。不少經歷過此等一出即炒既買家, 樂意預繳黎買個安心, 唔使俾玩具玩。此階段, 因為唔係間間舖都搞訂呢家野, 店家要玩家同你講個信字, 睇張相就俾錢你, 搞訂既舖頭一般而言都會提供一個「訂價」比「新貨(現貨) 到步價」低既誘因。件貨如果真係炒既時候可能賺少左啲, 但佢起碼提早有現金, 而且最重要既係 - 確保倒你呢個客係幫佢買。

階段3. 當好多店見倒有店舖可以咁開訂, 就有樣學樣。原因 1. 人地去其他舖訂左, 我啲現貨咪少左班客仔? 2. 貨都未到, 但有現金到手, 何樂而不為? 就此, 訂貨開始漫延, 由少舖漫延至多舖, 由限定貨/貴價貨漫延至任何貨。(我曾經 TD 講過遲早扭旦都有得訂, 呢家其實都唔差好遠, 百幾元貨仔既景品都開訂, 同扭旦差唔多錢)

階段4. 當「開訂」近乎完美進化之後, 大家可見絕大多貨都開訂。買家訂, 賣家開訂既原因其實冇乜點變過。但價格明顯已經唔係好似階段 2. 咁 - 「訂價」比「新貨(現貨) 到步價」低, 其實情況有啲還原基本, 「訂價」既性質變成階段1. 既「新貨到步價」。大家睇返階段 1. 既「新貨到步價」既動向, 覺唔覺得好似呢家既訂價既動向呢?

呢四個階段, 我覺得階段2 既訂價多數比現貨價低已經唔多存在。而訂貨則變成「想確保有貨」既行為而非好似階段2 咁「想平一百幾十/唔想捱炒價」。但無奈既係大家想確保有貨既貨, 發展到今日, 係想確保「行貨/大貨」有貨......而只要一頭半個月彈三五七件「一出即炒」既貨, 大家仍然都會繼續訂。至於店家, 都係果句, 開訂, 何樂而不為?

吹左咁耐, 回應返樓主, 「你還會訂玩具嗎? 」我既答案係: 會~
因為小弟一來半收山, 二來忙到爆, 已經幾乎唔多行玩具, 一個月都未必行一次,
有野想問既時候, 於就近店舖訂左, 等電話, 攞貨, 走人~ 方便快捷~

以上純玩家憑印象分享吹水討, 絕對有錯/有 bug/ 有唔知情/ 有膠, 不喜勿插~

braveking

認同樓主終於忍手再冇訂野，而家訂野真係10隻蝕咗9隻，隻MB又慳返幾佰，Ins已進一步下試968，恭喜各位未買既大大可以忍下，應該仲有大把貨返，亞版返埋實插，到時先出手，而家買玩具真係舒服過之前好多！

movie_arms

十分贊同 師兄 所說的4個階段 , 其實最大問題是現在的玩具店數量已經不像以前那麼多 , 而 ...
mythsgod 發表於 13-9-2013 10:27 PM

玩具店數量, 真係明顯大插了, 以前曾經有一排好似玩具泡沫咁
十八區既商場總有三兩間玩具店
小弟以前行上水, 粉嶺, 大埔, 沙田, 觀塘, 葵芳, 荃灣,
果度既中小型商場都有三至五間玩具店不等~
呢家, 一係執粒, 一係搬左去旺角~
贊成大大所講「玩具自己玩得爽便可以了吧」,
大把人玩股票四五位數字上落都未心臟病發,
玩具果三幾百, 又甚至 HT 既一兩千, 何不睇開啲呢~

movie_arms

認同樓主終於忍手再冇訂野，而家訂野真係10隻蝕咗9隻，隻MB又慳返幾佰，Ins已進一步下試968，恭喜各位 ...
braveking 發表於 13-9-2013 11:28 PM

所謂蝕, 係建基於訂玩具風氣早期以平過其他店/自己店現貨價作招徠既概念~
呢家9成店舖, 9成貨品都有得訂既情況下,
訂價只係一個開售價, 跟早期既「比現貨平」已談不上太大關係了~

gazza1211

fat兄，我都是從０７年開始買玩具增多。咁來以來，在香港訂貨只有兩次，第一次是合金魂宇宙大帝，第二次是ｅｘ柔王丸再版。也在日本網訂了幾次女女和超合金Fate/Zero的金閃閃。
我訂嘢只求一出即日就有得玩。所以，如果價錢跟ｙｅｎ價比不離譜，我會接受。其他的，絕大部份都買現貨或者后追。不過，現在常常聽到ｃｈｉｎｇ說訂了還要等，這個替他們不值。不如，以後大家都罷訂咯。

小堅

我由笨大開始有魂限就訂野...
幾耐唔記得...
慢慢由魂限去到普通貨...
以前訂野，好多人都會話神話駛乜訂、SHF駛乜訂之類既野...
最勁手上訂單試過有幾十張，金額幾千蚊... (當然唔夠HT個D咁)
個時真係訂到自己都驚晒...

加上以前冇咁多人訂野...
依家就好似乜都要爭餐死，好似睇住個市咁...

再講我依家真係冇必要都唔會落旺角...
太多自由行，所以寧願訂野都唔想去周圍夾價...
加上依家大部份個價都差唔多，亦唔會突然有驚喜價既出現...

同埋我覺得訂野係一個循環...
例如：件貨冇人訂之後現貨炒，D人下次就會訂...
等到一段時期，現貨爆多或者現貨平過訂時...
D人又決定唔訂等現貨...
最後當然又係去返第一點...

仲有好多人訂野既心態都以為訂左一定平過現...
到現貨平左，又係到嘈，其實我覺得幾冇謂...
就我黎講，因為工作關係未必成日有時間落去行玩具鋪...
所以訂左唔駛到時周圍搵，有時間先落去拎...
呢個係我訂野既原因...

bigtomm

我現在只訂ht, 其他到時有閒錢再算{:1_240:}
可能買左2x年玩具吧:o無晒熱情.

果汁先生

會繼續訂。
反正，一向只訂想買既野。
從來唔做炒仔。
真心想買，訂又何妨。
何必太計較佢之後插唔插，如果係咁計較既話，唔應該買玩具。
當然，訂完一隻野，出貨後覺得佢出得太差，之後再插水，會覺得唔開心，因為覺得隻野唔值，但如果佢出得好都插水既話，我又真係唔會唔開心。
不過，買乜野都有喜有悲咖啦。
睇開尐啦∼