如用3D掃描技術仲須唔須要頭雕師？

12jack

如題，如用呢個技術就會又快又似，可能成本都平d唔知大家有咩睇法

catcat

暫時睇唔到機械器可以取代頭雕師。

雖然3d printer已經做到彩色打印，但仔細度仍有待改善，一層層的坑紋仍有待改善。

縱使做到又精緻又似，但頭雕師的藝術觸角仍然相當重要。有時未必係一對一照copy就為次似的，適當的強調角色特徵，以及加入表情，仍然要人手。

3d printer等於打印一張相，頭雕師就係畫一幅畫。兩者市場不同的。

H.X.

回復 2# catcat


    非常同意

一年前曾玩過3D,睇番以家啲質素冇進步過

wing1123

始終仲係起步階段…質素有待進步！我都想我第一個自分魂由3D print誕生:78:

bbkill

cat大說的好到位的。我成日見人問 3d printing 會否取代傳統雕刻 ( 唔係樓主:)) ，咁問就根本係無知同問錯題。我又會問，唔通我俾一個電腦雕刻software你，你可以按一個掣就出到一個似到十足o既人像?? 電腦雕刻師唔係雕刻師嗎?
有心人唔該去了解一下由電腦到實物的過程，然後你就會知道內裡並唔係冇血冇肉冇感情。我自己係做電腦動畫，所以會好著緊呢個睇法~
3d printing 其實係一個對數碼模型o既表達方法，與手藝及價值是不同層次o既東西。
3d scanning + 3d printing  雖然好似唔使人手輸入，冷血無情，但係佢亦可以係一種新art form. 我認為3d scanning 同printing 都只係一種手段，如同你要用大理石去硬雕，又或者用油泥去軟塑。
至於質素，我唔多講喇，純錢銀問題，有錢乜都得。至於彩print，只限低質，但大眾化玩得開心，呢個係較新o既business model。請勿用一個彩print 頭去對比你o既HT頭，大家定位根本唔同。但將來一定會有更靚更即食o既3d print出現~
呢個情況其實咪就係 photoshop 繪畫、或數碼相機時代囉，一模一樣~~
會唔會取代? 各有各玩o者~ 你鍾意PS，我鍾意油畫，冇衝突的。
digital 技術會唔會超越手藝? 我相信已經超左好耐。
digital product 有冇藝術價值? 唔係冇，只係難o的，因為digital 時代人人都可以即食同copy，價值大減~~
friendly 分享~~~:52:

movie_arms

當年 Toybiz Lord of the Rings Two Towers 既六吋 Figures 好似已經有用電腦掃瞄黎整頭雕
質素都算幾高 (阿拉岡除外.....)
唔知有冇記錯, 如有大大知道相關內容可以分享一下嗎?

PATA

費幾句口水——由長遠趨勢來睇，3D作為一種輔助工具，作用會越來越大。第一，宜家所有既雕塑立體實物，都可以通過3D掃描成數字文檔，再通過3D輸出——但系，現時一般3D printer可能太粗糙，仲達唔到可用程度——但數字加工中心精度非常之高，能還原95%以上的細節，包括幼細的皮膚毛孔，呢個意義上講，基本上所有既實物都可以通過機器完成3D克隆，毫無疑義。第二，數字文檔，可以系電腦入面進行隨意修改，比如放大縮細，加料減料等等，咁就替代左人既手工技術，而且有優於手工之優勢，比如運用ZBRUSH軟件，劉華既樣貌可以修改成偉仔，又可以修改成李小龍等等，就睇你既技藝到左邊...總言之，3D結合工業機器技術，在雕刻塑形方面既運用方興未艾，應該大有前途，但都系一種工具。凡有關創作方面，至重要既都系工具后邊既人既頭腦、思想、技術，先至可以運用到，好比畫家，用同樣既筆紙顏料畫出優美既作品，而一般人永遠做唔到...

^_^

電腦天翻地覆咁改變世界，數碼相機如是、智能電話如是，3D printing 都一樣...

http://youtu.be/POx6eWOr97I

chshting

cat大說的好到位的。我成日見人問 3d printing 會否取代傳統雕刻 ( 唔係樓主) ，咁問就根本係無知同問錯題 ...
bbkill 發表於 5-9-2013 11:27 PM

同意，我認同3D Printer技術潛力無限。有班人永遠講3D printer取代唔到人手雕刻，可惜論點都係得幾個：
藝術手技vs科技結晶、3D printer粗糙等等，永遠都停留喺眼見呢一刻討論，
有冇諗過如果第日3D printer技術普及，門檻底了會發展出咩可能性嗎﹖
第一細節一定可以大大改善，仲有3D printer技術普及，玩具可能已經唔使開模造直接print出嚟，年年上萬個模費可以慳幾多﹖唔好講咁工業，第時3D技術普及門檻底了，
話不定你不喜歡某大師的Tony Stark頭雕眼太細、太開的時侯，你自己都可以開個數碼軟件執好佢，第日做頭雕的人更人才輩出呢﹖
大家試想有電腦之後，幾多平常人都可以喺屋企做到以往要專業配備先做到嘅嘢，
好似做電腦動畫，數碼剪片等，你可以想像到3D技術都可以好似呢啲技術一樣普及會有咩衝擊嗎﹖

Gainax

時間問題，只要有高超頭雕能力的人，過渡到應用軟件的present，一樣會得出數碼化的精彩頭雕，小弟正是由手作插圖過渡到電腦繪圖的一代，不要以為相同的軟件會造出相同的效果，就如樓上有師兄所講，制作者手藝有幾高超才是重點.

MAX

除左以上各位所講的觀點之外,
還有一個重點, 係認為3D SCAN同3D PRINT可取代傳統頭雕師的人兄們,
他們忽略了的一點...
就是, 3D scan, 一定要有實物比佢scan先得...
唔係全部明星, 人物, 都可以比你請到佢黎比你scan的,
再講, 已故的人物更加冇可能scan到佢...又或者你可以請到今天年老的他,
但就請不到昔日年輕時代的他了...另外, 不存在的人物也是不可能scan得到的...
例如某電影內的外星生物, 幻想世界的異獸....等

所以李小龍, 張國榮, 1976年的Rocky,1982年的CONAN, Predator, The Hulk....
都需要頭雕師去將他們立體化出來吧,
不論你用陶泥定電腦軟件去雕塑, 都需要一些有技術的人手去操作的....

theredsneverdie

貓大呢句好中
3d printer等於打印一張相，頭雕師就係畫一幅畫。兩者市場不同的

neoneo

:58:有了照相機還需要畫畫嗎？