電池出晒水，想於拍網上購買ironman產品的新人請注意

coldstone

雖然有啲多事，不過真心唔想有師兄出事，特別係剛剛入坑玩hottoys ironman嘅

hottoys ironman 會出電池水，應該好多人都知，但最近上虎虎網睇野，成日見到好多賣家出售ironman時，都宣稱全新未開盒、電池未拆，照計舊產品，尤其ironman 6或之前啲產品，如果電池長放figure內，99%會出氧，所以見到有師兄競投呢啲產品，真係替佢地擔心，全新固然係貴，但出事風險又好大，所以而家多事提醒想後追舊model ironman 嘅師兄，一係買開封二手，如果要買全新未開盒，買前記得問清楚。
p.s. 小弟當日已經拆電池，figure display，電池就放盒，今日開盒睇，電池全出水或氧化，就算舊年先出嘅mk 2 version 都係咁情況，所以後追嘅師兄要小心啦

kwff

我d鋼鐵人都係近期至拆電，發現部份電池真係有開始氧化跡象，好彩趕得切

coldstone

其實好難講，我隻MK4入左一年先拆電，冇事。但MK 2，又係一年，啲電池就出水出到HIGH HIGH

hawker

出左水
隻野會因為咁而壞的嗎

coldstone

電池出水或氧化，好大機會整壞啲燈囉。
我係覺得有啲朋友咩都要玩全新，遇著ht呢啲發光玩具，隨時俾貴之餘，仲買件爛玩具。所以我啲朋友要後追，都提佢搵啲可以開盒開燈check，唔好信啲全新未開。

東方無敵

電池出水或氧化，好大機會整壞啲燈囉。
我係覺得有啲朋友咩都要玩全新，遇著ht呢啲發光 ...
coldstone 發表於 2013-9-4 05:33 PM

唔搵未開盒,   開左盒果d有時你又會話人地2手當新賣,真係咩都有得講:38:

特級豉油

那些所謂全新貨老實點講句即係無原厰保証嘅舊貨，未開封以炒價購入但中咗sad貨，賣家會有咩保証？炒價退回？換過隻全新比你？肯覆你都謝天謝地啦！佢哋喺近乎零風險，無須開發成本無售後服務，就得到可能比原厰更多嘅利潤，小弟就認為唔值；即使賣家紀錄良好，未開過佢會知嗎？

fishnchips

回復 7# 東方無敵


    同意

wing1123

玩開HT玩具的人...都知拆電是常識吧!!{:1_205:}