[SOC GX-62] 惑星上的Robot縮水了？

sundaydriver

究竟FANS係點樣定義？

我細細個就睇佢架喇。。。

我淨係鍾意睇佢，無買佢既產品，精神上支持佢囉。。。

佢陪住我成長，以前唔做晒功課阿媽唔畀睇架！所以我抄功課好快架。。。

佢既產品，佢出一隻我就買一隻！邊隻邊隻正d？！隻隻都咁正。。。

以前個個屋企都三四個細路，買麵包都買窮老竇老母啦。。。
仲邊有閒錢買玩具。。。所以宜家大左，一定要圓夢。。。

因為佢！我宜家做左太空人。。。

我都係因為佢！宜家做左監躉。。。

。。。。


我既定義好普通。。。因為愛！

因為果日响蒸粉買緊炒麵，個店員問我愛唔愛埋，做緊特價喎！！

我話：愛！！！


阿齋既廢話真係越黎越有水準！！！

sundaydriver

講真當年個個星期都會去大大既玩具部抹㕑窗，
但係無一隻會記得自己睇過又想買過。。。
唯獨有一次去彩雲飲，落樓下間玩具舖睇見隻POPY版太空保衛者係最深刻！
分體啦，子母機。。。
落去啦，朋友號。。。
（ChiQSin icon）

前後落左去三次，都係自己去，
可能我細細個已經好懂事，
知道如果同阿媽講話買哩隻，
情況一定好似謬波買地咁疑幻疑真。。。
果晚阿媽一定會上街！！
買番枝新既藤條，黎招呼我。。。
我邊有謬波咁厚皮丫。。。
SF實開花啦。。。
所以我總共吞左三次口水，
忍著淚說一聲Goodbye！
番上去食豬脾！

若干年後。。。
人大左，發覺原來哩個世界只係淨番萬能俠同高達。。。
（話時話，原來佢兩隻野都係18米高。。。）
個心真係沉左一沉。。。
當年我點解唔搵屋企人幫手呢？！
阿妹點都有一個幾毫，
計埋我响豬仔錢兜裡面既兩蚊，
點都夠買個頭掛。。。

終於，慶幸鬼佬識得搞網拍，
而又有人鍾意賣二手，
咁就成就左我可以買番個童年夢！！


又若干年後。。。
笨大終於聽倒我地既哀嗚，
製作出哩隻GX-62！！
哩個夢，總算圓得好有水準！！












既然哩個夢咁有水準，
咁不如泊埋一齊睇清楚d！！








好多人都揶揄哩隻GX-62太細隻，無左Yamato果隻既氣勢。
我認同哩隻係太細隻，但係唔係因為無氣勢，
原因下面再講。
反而細細隻，玩起上黎更易操控，
而且我覺得笨大係有心造到咁細隻，
成本方面我唔覺得如果造到大武士既size會上脹好多，
更何況全數轉嫁畀消費者道理上亦無不妥，
相信一眾FANS亦樂見如此。

但係當你拎番隻POPY版出黎既時候，
就知道笨大既用心，
就係為我地哩班苦等三十年既老餅圓哩個夢！！

將外盒泊埋時已經嘩左一聲！
真係有咁橋？
定係笨大一貫既集裝箱既定模式？

打開，size真係好似！




頭既size亦都好相近。






配件亦都類似，頭盔各有兩個：
一個係機械人型用、而另一個係子母機用。


機械人型用既大致差不多，連用色都近乎一樣！




而GX-62更可加入起落架內膽，更加像真。






而子母機用既，POPY版不能變形，GX-62就可以由頭盔變成子母機用合體配件。






而哩架亦一樣可以加入起落架內膽。







到變形系統，兩者分別不大，
或者你可以理解為松本零士老師既精湛邏輯，
三十年前既合體系統到今時今日仍然能活用！

上下身分體後，
上身變成子母機底部。

GX-62貫徹超合金魂既傳統做法，
有分外形優先，同變形優先。

先用一組配件做到完全變形，
而又不失外觀；

再用另一組配件做到充份表現外觀美態，
重現當年電視畫面中既一切完美！




上身變形後，GX-62既平衡感造得好好，
純用胸口已經可以放平。
反而POPY版需要支架協助。




至於下身，GX-62加入榫位將雙腿扣死，
穩陣之餘更顯得機身既一體化。






POPY版 子母機

以當年水準，完成度已經好高！
需要拆下既配件都只有雙拳，
不過當年既扣位同關節既穩定性好差，
腳軟同自動彈開係家常便飯。






GX-62 子母機

合體後始終係頭輕尾重，但係好紮實！
亦都見笨大既心思，
跟POPY版一樣响小腿加入超長起落架。

作為新版，根本唔需要，動畫裡面亦都唔係咁既設定，
咁做就正正只係因為作為FANS既一種：愛！！









滿足左一班老餅之後，笨大都要合理化地配合番一眾完美系既朋友。




加番個新起落架配件：




成架子母機即時現代晒！！時代感重左一百倍！！
起碼再唔駛肚煲磨薑！！








GX-62 太空保衛者




由於太空保衛者崇尚和平，
所以無乜武器，得心口既高熱火燄，
同一對長茅。




長茅除左可以分開揸之外，
仲可以拮埋一齊！！






用途就大囉。。。。我拮！！！




頂！！個頭。。。識得金蟬脫殼。。。畀佢走甩左！！




都好！執番隻鷓鴣！！

sundaydriver

[後記]

上文提過小弟都覺得哩隻GX-62造得太細隻。。。
原因係以變形合體既機體黎計，
佢既榫位同扣位都非常細！
而且仲要超乎常理地實！

最大問題既兩個位置，
係子母機合體時，上身背部用以扣實大腿既黑色大夾；
同機翼配件更換位既入榫口。

基本上全隻保衛者都係金屬，大腿亦言。
只係用以被上身背部大夾扣實既部分改成軟膠，
而黑色大夾就係硬膠，末端微微突出一個半圓位，
用以扣入大腿軟膠組件內。

本來係一個現今玩具上好普通好普遍既扣合方式，
但係由於GX-62身形細小，
可動部位多，而可借力既平面較少，
加上哩個位確係超乎想像咁實淨！
合體後，純用手或指甲都絕對不能將佢拆開。。。
最後我搞到連指甲都裂開！！

建議惟有用尖咀鉗，或一字批，
由hip位插入大夾同大腿中間，
用陰力輕輕拗開。


而另一個位置，機翼配件更換位既入榫口，
哩個位其實更換多幾次，
就自自然然會鬆開，
類似新鞋要著多幾次先至會軟熟一樣。
但係頭一兩次要更換既話，
一定要慢慢黎，唔好急！
每邊續少續少褪出。


可能係因為經常需要同佢鬥力，
所以玩過變形合體之後，
必會有一定程度既崩花，
尤其後雙膊同腰腹，

我果隻另有一個位置損傷更重，
就係右肩ball joint位。
哩個位根據設定係可以向前拉出約45度，
令雙臂可向前拗，做出蹺手或雙手揸劍既姿勢。
但係右肩既哩個位可能做得太實，
我用力拉扯時就將整條手臂拉甩左。。。
最後要從上身內部用鏍絲批用力篤個ball joint出黎。


至於外觀方面，身形小巧就令到頭盔比例上造厚左，
實質就令到頭部過少，
除頭盔後既感覺就好似裝著變身，
頭身完全唔成比例。


觀乎其餘位置問題都不大。
只要小心把玩，
我確信佢會係你近期最喜歡既一件合金玩具之一！
如果你既合金行列無左佢，
絕對係你既損失！！！

sundaydriver

[情景篇]

好有裝著變身感覺既人頭！！




最後搵個背景出番幾張靚相先！！






對上一隻我玩過對腳可以咁樣抹開腳板仲可以貼地既已經係老變Movie第3集隻IronHide。。。








YEAH！！煎聽bu規揸！！！




我知錯喇。。。老婆大人。。。




沖力射球！！！！




我這樣迷惘。。。一絲絲悽愴。。。




呀下。。。我要飛往天上。。。




呀下。。。我要插爆隻羊。。。












多謝收看！！！{:1_197:}

老文

好post...但我有d圖睇唔到..要慢慢睇多次..本來無諗住買...而家你咁樣?..你叫我點算好?...你要負責任呀?....(sorry,又淪為次等討論了):53:

玩具人生

好有心機的一個report！可見樓主對佢的情與結非一般人能理解到
起碼我淨係因佢係合金魂所以先入對佢沒有大愛 所以寫不出佢的優點與缺點……
但呢隻gx 62 佢變形用心 實淨度 細膩度我覺得做得非常出色！
至於size 我認為又沒有甚麼大合体 基本上和萬能俠 雷登等一樣
所以冇必要做到咁大隻，現在的size攞上手飛機mode機械人mode都玩得啱啱好！

sundaydriver

好post...但我有d圖睇唔到..要慢慢睇多次..本來無諗住買...而家你咁樣?..你叫我點算好?...你要負責任呀?... ...
老文 發表於 29-7-2013 03:42 PM

我係無責任齋長，本身係次等公民！！{:1_203:}

快快

有心人，心機報告！齊來分享師兄感覺！
Support!

sundaydriver

好有心機的一個report！可見樓主對佢的情與結非一般人能理解到
起碼我淨係因佢係合金魂所以先入對佢沒有大 ...
玩具人生 發表於 29-7-2013 03:41 PM

無錯呀，人生兄！！！
size確實已經唔錯！
不過正如我所講，想佢大隻d，係因為榫位扣位實在唔適合一個大男人去把玩。。。
{:1_207:}

sundaydriver

有心人，心機報告！齊來分享師兄感覺！
Support!
快快 發表於 29-7-2013 03:50 PM

多謝快快兄讚賞！！:65:

Chandlermok

有心機既REPORT! 支持

我都買左而且覺得好正

Chandlermok

有心機既REPORT! 支持

我都買左而且覺得好正

wopa1969

:sad:真心fans超感動!

RRAAYY

監躉 ??......... I just noticed that there is free wifi in a prison now. ... :78:.

What a good post !!!!  But I skipped this one :79:

超港人

宜件個重量感ok
如大隻d就更正:71: