因買玩具而跟家人吵架，你試過嗎？(親身感受分享，求解決辦法)

shawn.

玩物尚志 勿喪志~以前見過個post 分手都有 我覺得樓主都系以家庭為重 一開始喜歡個蒲癮系好犀利 不過都要嚴選規限自己

老實人

我女友覺得買百幾蚊個d就冇所謂∼$500已經唔想人買
$800~過千打後已經唔比人買！女仔黎講大拿拿攞千幾
2千蚊出黎買d垃圾返黎會覺得無用

老實人

我女友覺得買百幾蚊個d就冇所謂∼$500已經唔想人買
$800~過千打後已經唔比人買！女仔黎講大拿拿攞千幾
2千蚊出黎買d垃圾返黎會覺得無用

vin_tg56

我諗 係因為你暪住佢 買左其他佢唔知既玩具 覺得你唔尊重佢 女人對尼d好敏感 雖然我地會覺得玩玩具姐 洗唔洗咁誇 但2個人一齊既時候 你就要顧下你老婆既感受 好好地傾下啦  唔係到時真係傷感情

7仔

呢個情況就一定有，除非大家都愛玩玩具∼∼

ctcctf

我個策略就係買幾件俾自己，跟住買一件俾佢，買幾件自己，又買一件俾佢，當然佢話個d玩具同我地玩個d唔同啦。

大猿猴

反而我覺得預訂既時候訂多一隻, 擺一排到高價時先放,
開始時荷包會辛苦少少, 但長遠落去幫補不少, 因為12"真係出得太密..

預左CHING們會插"抄玩具死全家", 但問心每款訂兩隻嘅玩家都係呢種心態,

jura

太太真係幾生修到先有緣份係一齊, 如果你要我簡, 我一定簡我太太囉

movie_arms

小弟從上畫時開始迷上1 / 6 figure，當時老婆都支持我買，因為她也很喜歡Ironman/ Tony Stark。我由第一隻M ...
jasonmak007 發表於 7-7-2013 12:40 PM

從空間角度而言, 大大講到要努力搵空間去塞, 字裡行間說明左空間有限,
而且有爆滿既傾向, 講真, 香港地吋金尺土,
你太太眼見幾千元一尺既空間不停被玩具佔有, 有反感亦無可口非~

至於為玩具而講大話, 就視乎大家對坦白條線點劃
於佢既角度而言, 連買玩具都可以厄佢, 仲點可以信你其他更大既野唔會厄佢?

Joker 太嚇人唔想o係屋企 Display, 其實TD都有聽聞過其他大大有同樣問題
我又覺得反對既人唔係冇道理。屋企, 係收工後既安樂蝸,
唔想o係屋企見倒一隻自己覺得反感既野, 合理非常~
當然, 樣唔樣衰你可以話好主觀既, 但係作為一個電影變態奸角加一個誇張詭異化妝....
我覺得道理o係你老婆果邊~

而收入方面, 雖然大大話只係佔少過一個月收入
既然大大唔係話只係佔半個月收入, 我就假定係 50% 同 100% 既中間, 即係 75% 人工
Iron Man 3 4月25日上映, 到呢家7月11日未夠三個月
我就當呢家7月25日, 足足三個月, 出夠三個月糧,
即係呢三個月內用左 75/300 既人工單位, 即係 25%~
如果愈買愈少係你老婆樂觀, 你愈買愈多係悲觀既話, 咁不如當維持現狀係中性假設
咁即係有可能黎緊一年你有為 HT 付出一年3個月人工既可能性~
咁既話, 反對又有冇任何道理~ 當然, 你可以話一定唔再買
但入坑容易出坑難, 我諗好多大大都會認同~

結論, 從以上觀點我覺得你太太唔係無理取鬧~

利申: 我唔識你太太, 唔係佢既打手~

madzoo

woman need toys too, buy her something that she likes.
Also she is not  happy if you buy or Pre-order, But she will be MAD if you buy but hide from her...
Not happy is a easy fix.
MAD woman is 4ever....

lacus

又一個女人嘈男人買玩具case
奉勸各brother系與對方拍拖甚至結婚前要認真諗下買玩具le個問題
否則就好至俾個女人戴個金剛圈上自己頭随時唸緊箍咒一世除吾甩

ken_bo8746

我已前大花筒又勞又paneria.高風期有十幾隻.都係出以下幾招入境.扮到鬱鬱不樂,又無娛樂.又話d玩具會升值又有二手價,間吾中扮下炒家(買兩隻放一隻)賣下單比她見到.賺黎玩,等太太心理平衡以為好似用幾佰蚊買玩具娛樂一下.你買一件時又買d禮物比太太,我果d都係坩樣入到境過到骨.

toy4jeff

你老婆係嬲你瞞住佢, 其實女人好簡單, 佢想你尊重佢啫!
我太太都會鵝我買太多, 不過佢會同我傾下點買法, 撥一份玩具基金俾我.
只要唔爆額, 佢就唔出聲
幫手做家務, 送下小禮物要自動自覺, 等到佢開聲就遲
而且女人覺得啲玩具無共鳴, 佢就唔鐘意. 要令佢有共鳴其實唔難.
好似我剛入隻嘰嘰, 我就會幫我太太改花名叫"排骨妙",
佢即刻覺得隻嘰嘰係佢自己, 我同嘰嘰玩就係同佢玩
我既策略係: 見到啲自己唔大機會買既玩具, 猛咁係太太面前講好想要,
不過又要表明唔會買, 話佢知自己係會節制既

aruns

"老婆要求我將所有買入的figure寫成一張清單"

SORRY....我睇到呢句...真係笑左....但深表同情.......