因買玩具而跟家人吵架，你試過嗎？(親身感受分享，求解決辦法)

jasonmak007

小弟從<<Ironman 3>>上畫時開始迷上1 / 6 figure，當時老婆都支持我買，因為她也很喜歡Ironman/ Tony Stark。我由第一隻MK7開始追War Machine、Agent Coulson、Batman DX12、Joker DX11、Cat Woman……漸漸老婆覺得我買太多，開始有微言，於是我之後買入或預訂figure都不敢跟她說。雖然我很努力在家裡找空位的去塞，但紙包不住火，當越塞越多時，最後終於被發現了。老婆要求我將所有買入的figure寫成一張清單，當她看到大部份figure是隱瞞著她買 (因有些沒有開箱) ，她感覺我騙了她，從此對我的收藏很反感，並反對我再繼續買。每次我玩起來就會發作，例如要求我將Joker DX11收起來，因他的樣貌太恐怖，或者我顧著玩而不幫手做家務時又會罵我(但我看電視時又不會這樣)….

老實說，我不認為我買太多，我現時的收藏佔我不到1個月的收入。小弟真的很困擾，難道家人與玩具我只能選一個？請問各位師兄的收藏價值多少？我應如何去妥協？

9061c05

其實依D只係個人喜好姐~
人人愛好唔同,各有所好
鐘意就係鐘意,最好就係相方互相尊重囉~

hk小文

諗下邊個會陪你過下半世，就自然識揀的了。

coltrane

小弟從上畫時開始迷上1 / 6 figure，當時老婆都支持我買，因為她也很喜歡Ironman/ Tony Stark。我由第一隻M ...

請問各位師兄的收藏價值多少？
jasonmak007 發表於 7-7-2013 12:40 PM

點解要問收藏價值多少呢?

ase

因為一套上左兩個月既戲，你可以使萬幾蚊買咁多野返黎？要做到貴精不貴多，問自己有幾愛個角色，先衡量對角色既愛，再衡量對該件玩具既愛，鍾意既角色先買，閒角就唔好買，回頭一看，其實你會覺得買左好多無謂野，好地地鍾意iron man，無啦啦買乜野蝙蝠俠？

記住，女人唔鍾意，一件都叫多，有時唔係話你搵得多就可以買得多，話之你年薪一百幾十萬，你老婆未必因為你浪費左萬幾蚊而唔鍾意，而係因為你無啦啦可以突然沉迷一樣野而買咁多冇必要既野，如果第日你唔係沉迷玩具，而係勞力士、法拉利，咁點算？仲有，冇女人想有一個部電腦個mon永遠都係玩具網、望親你都係扭緊figure既老公。

老婆係一世，玩具會自動分解，自己諗清楚。

小志強

回復 1# jasonmak007


師兄已經算唔差，有d 叻既女朋友同老婆會同你一齊玩，但其實唔係真心去欣賞同玩，因為佢地接觸玩具係想知你洗左幾多錢，有幾多隻，你呃佢唔到，尼d 先至大大鑊。如果宜家真係好大癮，財力又十分充足，你可以租迷離倉，玩夠既就封存，display 就冇乜可能，宜家未傾掂數，相信尼個方法可以解決，希望師兄日後老婆大人會放生啦。

darknight

迷你倉幫倒你~   另一個action plan, 暫時收埋，扮好唔開心。 再叫個大家都相熟&#22021;朋友幫口，不經意散風：”邊個邊個玩（1：1）女人呀！” 然後順水推舟：”男人都係要有d精神寄託如玩車、相機、玩具好。””就好似女人買鞋買袋一樣。” 最緊要師兄似中上產，買隻靚表、介子、金鏈、鑽石等定時令老虎開心，一定長玩長有！

darknight

掂左借我首期買樓！{:1_198:}

Rayman

Please check pm.

上下盤

溝通與關懷是最重要，首先發覺大大應未有小孩(所以太座只對你特別注意)，家居環境及財力都可負擔，這樣問題不大，你可以每次開箱玩都和太太分享，拍照又叫太座幫手，令她明白玩玩具的真諦。
平時主動做一些家務，如清洗冷氣隔塵網，抽油煙機隔油位，水管暗角，因女仕難處理的，你幫手，她之後見到你玩玩具也不會太過計較啦，相處之道總之要和諧。:)

Stallone

師兄,身同感受呀,不過我儲得最多似史泰龍d玩具或產品,其他喜愛的玩具,適可而止或睇下就算,因為好似共他師兄禁講,家人先似第一。

上下盤

迷你倉幫倒你~   另一個action plan, 暫時收埋，扮好唔開心。 再叫個大家都相熟&#22021;朋友幫口，不經意散 ...
darknight 發表於 7-7-2013 02:14 PM

大大方法係唔長久，y理，好易破壞一段感情。{:1_224:}

darknight

回復 10# 上下盤


    玩玩具玩到有錢賺亦係皇道∼

jasonmak007

回復 4# coltrane


    想睇下我算唔算大駛...

jasonmak007

回復 10# 上下盤


    和諧和諧，我等佢心情好些時再跟他談一下....