|
|
|
本帖最後由 SuperBus 於 2-7-2013 04:15 PM 編輯
(麻帆良市時報記者鹿目まどか報導)
城巴喺 1992 年 10 月投得原本由中巴營運嘅 26 條巴士路線同另外兩條與九巴合營嘅海隧路線,
成為香港第四間專利巴士公司, 並且命名為 "Network 26 新里程", 喺 1993 年 9 月 1 日正式營運,
為此城巴必須喺不足一年嘅時間之內籌措足夠嘅新車隊, 以求喺正式接辦時可以順利運作。
為應付其中部份路線所途經嘅狹窄路段, 例如黃泥涌峽道,
城巴購入 33 架 Leyland Olympian 10.4m 三軸空調巴士(車隊編號 206 - 238),
呢批巴士使用有 250 匹馬力嘅 Cummins L10 引擎同 ZF 4HP500 四前速全自動波箱,
配上由 Walter Alexander 提供嘅 RH 型單門車身,
並且委託九巴喺其當時嘅屯門車身裝嵌廠裝組車身
呢批巴士與其他 12m 雙門版嘅同輩比較, 無疑顯得 "嬌小玲瓏",
新巴士喺城巴正式接管前中巴 26 條路線之日投入服務,
喺港島區嘅特殊路面環境, 特別係途徑半山區同黃泥涌峽道等嘅路線,
發揮佢地靈活嘅本領。隨住車齡增長, 呢批巴士亦喺 2011 年 8 月全數退役,
並且由全新嘅 Alexander Dennis Enviro 400 兩軸雙層巴士所取代,
部份巴士被編入城巴嘅非專利部, 被改裝作開頂巴士,
或者加入訓練車隊, 亦有被運往英國繼續行走。
今日, 麻帆良市正式歡迎城巴 Leyland Olympian 10.4m 巴士登場!
市長 Super Bus 話, 呢款巴士以前過對面海見就見得多,
坐就反而冇乜緣, 因為每次去港島區, 坐親一定唔係大車就係 "黄老太",
但係每次見到呢D短車, 都會覺得好特別, 就係因為佢嘅 "短",
同城巴一般嘅 12m 車比較, 有一種Q版嘅感覺,
同樣係 Super Bus 最鍾愛嘅 Alexander R 型車身, 但係又顯得特別趣緻,
Super Bus 仲話, 如果有機會坐到呢款巴士嘅話一定會好開心,
"就算係坐到開頂或者訓練巴都好吖~"
隆重歡迎! 城巴 Leyland Olympian 10.4m 巴士, 見參!!
今日臨出門口返工前收到, 隨九巴 Dennis Dragon @ 6F 一齊到埗 (見另文), 不過竟然嚟多架不速之客 --
我淨係想要架 Network 26 咋, 點知無厘頭地搭多架 61 過嚟, 同埋架 Network 26
未拆盒個上層頭窗已經甩左仲喺盒入面趟來趟去, 不過已經整番好, 另外果兩架冇事...
本文主角
證書編號 685, 限量生產 700 部
正式落地!! Meiko 歡迎你~!!
同 CMNL 推出嘅城巴 Leyland Olympian 11m 相會
來一個對比先~~
真車相片, 姊妹車 215 攝於 1994 年代初 中環
小劇場~~~ XDDD
今日收到嘅新車列單之中, 本來只有兩架巴士,
包括一架九巴巨龍同一架城巴短蘭,
但係今日初音檢收新車, 竟然多左一架不速之客, 令初音R哂頭...
(初音) 到底攪邊科呀? 又話今日有兩架新車到嘅, 做乜又多左呢架神野出嚟o架...??
呢個時候, 鏡音雙子出現, 呢兩條友仔好耐之前先至偷走左架城巴 E400... =A=
(鏡音リン) 呀, 初音姐姐又有新車呀?
(初音) 喂, 又係你地呢兩條人粉?!! 上次至撻走架 E400 攪到 Super Bus 喊到死去活來, 今次你地又想點呀??
(鏡音リン)乜唧, 我地依家放緊暑假冇野做咪上嚟妳呢度玩下囉~~~
鏡音リン講完就走近架仲未開盒嘅城巴短蘭
(鏡音リン) 架車又幾型仔啵, 短車又有三條擔, 又幾特別啵~~~
講完, 鏡音リン就同鏡音レン以三兩下手勢抬起架城巴短蘭並且拔足逃走!
(鏡音リン) 架車咁正就一於比左我啦! 反正上次架 E400 比我地撞散左,
就用呢架新車做替換車, 唔洗再揸壓路機!! XDDD
(初音) 你呢兩個偷車賊立即同我停低呀~~~!!!
首先, 住喺三藩市嘅果位巴士迷朋友,
如果你睇到呢篇文, 依家架 61 喺我手度, 稍後會寄到你府上, 請放心!
同埋今次 Model 1 首次喺巴士座椅上上花色, 驟然覺得內籠像真度提高左好多,
或者巴模嘅像真度標準從此亦更上另一個層次, 不過 QC 方面,
似乎唔只沙士, 就連呢架車都遇上同一問題,
不過始終佢話哂都係第一次出合金車, 個人覺得可以出到呢個水準都已經算係咁,
希望以後嘅日子, 再出新模型嘅時候, 可以喺 QC 方面做一D功夫,
以達至推出像真度高而高質素嘅模型, 咁就實為模型迷之住福~
以上純屬個人意見, 不喜勿插
Thanks for reading~ |
|
發表於 2-7-2013 16:07:34
樓主