|
|
|
(麻帆良市時報記者鹿目まどか報導)
九巴喺 2009 年分別訂購兩批合共 70 架 Volvo B7RLE 單層巴士, 車隊編號 AVC1-70,
並且分別喺 2010 至 2012 年間陸續投入服務, 以取代車隊內年事已高嘅單層巴士,
例如 Dennis Dart、Dennis Lance 同三菱 MK 等車款。呢款巴士喺香港雖然唔算係新車款,
皆因喺落馬洲皇崗口岸嘅皇巴士, 已經可以見到呢款配本地捷聯車身提供嘅捷聯 JL-08 車身嘅 Volvo B7RLE 嘅蹤影,
香港紅十字會甘迺迪中心亦擁有一部配有本地亞洲車身工程 Asia Spacestar II 車身嘅 Volvo B7RLE,
但係喺九巴車隊中出現卻係實屬首次, 而且更首次配上由英國 MCV (Manufacturing Commercial Vehicles) 提供,
並且喺原廠裝嵌妥當嘅 Evolution 車身, MCV 呢個名字或者有D人會覺得比較陌生,
但係呢款車身就好有以前配上於英國行走嘅 Dennis Dart SLF,
同 Volvo BLE 嘅 Marshall 超低地台單層巴士車身嘅影子,
講穿左其實就係因為 Marshall Bus 喺 2002 年被接管並且於同年結業之後,
被喺埃及嘅 MCV 將其資產連車身設計購入並且成立 MCV Bus and Coach,
成為 MCV 喺英國嘅子公司, 而原車身設計經過改良之後, 就成為依家嘅 Evolution 系列。
九巴嘅Volvo B7RLE 配用符合 Euro 5 標準嘅 D7E 290 匹馬力引擎,
連接 ZF-6AP1400 六前速波箱, 主要行走北區路線, 例如 74A、78K、270 同 273 等路線,
亦有行走市區例如 2C、16M、28B、34M 同 203 等路線。
今日, 麻帆良市正式歡迎 MCV 車身 Volvo B7RLE 登場!
呢款喺香港首度出現嘅 MCV 車身, 市長 Super Bus 話,
當第一眼見到九巴嘅新 Volvo B7RLE 配上呢款車身果陣,
已經比佢車頭嘅設計所吸引, 新鮮之餘亦有一點熟悉嘅感覺,
無他嘅, 皆因佢嘅車身設計正係由已經結業嘅 Marshall 車身設計改良而來。
雖然一提起 Volvo B7RLE 呢款車, Super Bus 嘅第一個聯想,
就係配上 Wrightbus 嘅 Eclipse MK I 同 MK II 車身嘅 Volvo 單層巴士,
但係九巴當時訂購呢批新車果陣, Super Bus 話萬萬都估唔到佢會入呢款車身,
繼上次嘅老夫子巴士之後, 今日呢架新車以九巴金色標準車身色向各位展現英姿!
隆重歡迎! 九巴 MCV 車身 Volvo B7RLE, 見參!!
證書編號 0208, 全球限量 900 架, 如果呢架車都係行 208 嘅話就真係襯哂~
正式落地! 桜ミク呢期真係紅啦~
當金色 AVC 遇上老夫子 AVC
當 AVC 遇上 AAU
金色的單層九巴, 令大家失望, 個人對 Scania 單層巴士並冇大好感,
所以大家係唔會見到佢喺呢度出現
同 First Bus 嘅 Volvo B7RLE 相會
同一款巴士底盤, 但係配上唔同嘅車身, 一款係 Wrightbus, 另一款係 MCV
雖然今日有新車到, 但係出乎意料地初音今日乜都懶理咁款...
(Super Bus) 喂, 初音, 今日有新車到埗等妳去 Tune 車呀, 仲唔開工...? o3o
(初音) 吵死人啦! 本小姐今日休息, 咪阻住哂我睇報紙呀!!
Thanks for reading~ ^^ |
|
發表於 21-5-2013 15:31:07
