Toybiz / Hasbro 討論

李露MEI

嘿，我就唔信MARVEL LINE會CUT 勒，講到好似割肉餵子咁淒涼，佢出就好似係施捨玩家咁，HASBRO唔做，或咁無能做唔住，都係疚由自取，咪CUT LINE囉，大把人爭住做啦，~ 真心想NECA接到手出落去架~!HAHA~

多謝消遙丸兄的真知灼見，真正以玩家角度去分析件事，講出重點，一點很有見地的精品文章!!

Duraxyll

Devil_Fudou大大，其實我睇左隔離台同TD台咁多年，我當然知道你唔係HASBRO 打手，而係好資深亦好熱心既美漫 ...
消遙丸 發表於 24-10-2012 12:31 PM

http://www.oafe.net/articulation/0609.php

好詳細， 但我睇呢道， 係講:

"To confuse things further, at some point they formed a company called "ToyBiz Worldwide" that landed in between the two somewhere - TBWW worked for Marvel, and TB worked for TBWW. ToyBiz was in charge of actually designing the toys, while ToyBiz Worldwide was in charge of manufacturing, distribution and the like."

我相信Toybiz 當年係香港可以price set到咁低係某部份因為Toybiz Worldwide 總部係喺香港.  相比下, Toybiz派貨比香港會比Hasbro方便.
香港唔知啦， 但我聽過英國啲fan話Hasbro UK 係要另比license fee.

而你所list TB Iron Man VS Magneto,  好多人都插隻Magneto 身形怪怪.  以家好多人仲想某公司出番隻好啲嘅Magneto.  我本人就靠浮空借位display 隻Marvel Select Magneto.
Black Panther body==> Captain Britain, Sentry, Wonder Man, 夾起上黎都係一樣唔掂.

所以始終香港人會對Toybiz有少少偏心.
可能香港人懷念嘅， 某一部份係Toybiz Worldwide所爭取到嘅low price.

avengers2012

"因成本問題，加價減成本，降低質素是迫於無耐，完全不應怪罪該公司”

如果同樣成本可以做出高同低質 ...
Assassin 發表於 25-10-2012 06:54 PM

Assassin兄，你相信的是後者，而我眼見的是前者。
就以3.75" the avengers 為例，同樣的價錢，成本，為何跟MU的水準相差甚遠？連自己公司的舊作都比不上，還可以說有進步嗎？
不過再討論亦無答案，各持己見......

Assassin

回復 108# avengers2012

我亦無確實證據, 所以我用"相信", 你話"同樣的價錢，成本", 小弟亦無資料, 但作為一線荷里活娛樂電影, 已符上千千萬萬的宣傳廣告費, 版權費較普通漫畫的版權貴的機會很高

跟據美國玩家提供既數據, THOR同IRON MAN電影版玩具銷情不理想, 不斷於清貨區出現, AVENGERS玩具推出時舊貨亦一同售賣, 可能HASBRO認為分銷商眼見前車可鑒會減少入貨, 故HASBRO減低設計成本希望如果無錢賺都唔洗輸, 而MU系列一向銷情理想, 多店鋪會賣清所有貨或只餘下某款式, 所以HASBRO對MU較有信心都不無道理

我講的只是跟據我見及認為的, 並不是事實, 所以無誰對誰錯之分

李露MEI

"跟據美國玩家提供既數據, THOR同IRON MAN電影版玩具銷情不理想, 不斷於清貨區出現, AVENGERS玩具推出時舊貨亦一同售賣"

噢，原來唔香港先係咁~

呢啲咪叫自作孽囉!抵囉!自己玩死條LINE!
HASBRO成日諗埋諗埋啲縮數野，成條電影LINE啲3.75吋根本就唔掂，我係FANS一隻都買唔得落手，反而MU我都有買幾隻過手癮。
依循樓上兄台所講，因為驚條LINE輸得勁，就越黎越縮皮(CUT關節上色)，越出越差，越差越無人買........HASBRO根本完全係本未倒置左囉。唔追求質素，反而先係諗縮數野，咁又點會做得好。
HASBRO繼續當啲玩家係傻仔同水魚丫，夾硬出埋的劣質無誠意既野就以為人地咩都受。好勒好勒，家陣連真正的小朋友都嫌佢地出得差唔BUY忝! 認真唔衰攞黎衰，成日走精面。誠意加質素先係皇道。

leonoel22

回復 110# 李露MEI

咁星戰仲算幾好，不過香港Fans唔係太多。

iwillneverlose

李嘉誠睇到呢個post會好傷心
佢講成本高無人信無人可憐
孩佬乜都無講就大把人維護

小堅

李嘉誠睇到呢個post會好傷心
佢講成本高無人信無人可憐
孩佬乜都無講就大把人維護
iwillneverlose 發表於 26-10-2012 01:06 PM

其實玩家唔係應該唔會理佢成本...
成本呢樣野孩記會搵專人去計...
人地幫佢計埋應該收返錢...
再講十年前既50蚊同依家既50蚊都唔同...
所以成本根本冇得計...

無明:

Devil_Fudou大大，其實我睇左隔離台同TD台咁多年，我當然知道你唔係HASBRO 打手，而係好資深亦好熱心既美漫 ...
消遙丸 發表於 25-10-2012 01:31 AM

Sorry, 睇左幾次都睇唔到中段，太長的文章睇到眼花，可否分段細D?

:64:

無明:

回復  avengers2012

我亦無確實證據, 所以我用"相信", 你話"同樣的價錢，成本", 小弟亦無資料, 但作為一 ...
Assassin 發表於 25-10-2012 09:23 PM

"跟據美國玩家提供既數據, THOR同IRON MAN電影版玩具銷情不理想, 不斷於清貨區出現, AVENGERS玩具推出時舊貨亦一同售賣, 可能HASBRO認為分銷商眼見前車可鑒會減少入貨, 故HASBRO減低設計成本希望如果無錢賺都唔洗輸"


以上提供的資料可靠嗎?若可靠，都可反映孩佬計謀的有力証明..........

avengers2012

回復  avengers2012

我亦無確實證據, 所以我用"相信", 你話"同樣的價錢，成本", 小弟亦無資料, 但作為一 ...
Assassin 發表於 25-10-2012 09:23 PM

其實Hasbro有沒有想過銷情不佳的原因，可能係關於套電影，而未必係玩具的質數；減質數去預防玩具銷路差，咁消極的做法就更加應該鬧；如果對電影無信心，而又無足夠資金去推出多款玩具，點解唔考慮集中資源，先出1-2款重點角色先？如3.75"pose able Spider-Man 的質素；我想信玩具&電影質數好，玩具價錢合理，一定會大受歡迎！就算電影唔受歡迎，玩具質素好，有口啤，相信玩具銷量亦唔會差得去邊，而其他角色可以遲一點推出，避免死貨。無必要分散資源去出一大批不知所謂的3.75" avengers 玩具。
當然我唔清楚Hasbro & marvel 班高層怎麼溝通，合約怎定，但將玩具質素保持，將角色分階段出，是比較合理的做法。而唔應該斬腳趾避沙蟲。

Assassin

回復 116# avengers2012

"減質數去預防玩具銷路差"
正確黎講係減成本, 質素下跌(Avengers 375中的關節量下降)係減成本既副作用
   
"點解唔考慮集中資源，先出1-2款重點角色先"
以Avengers 375為例, Hasbro應該係希望可以出齊成team (原因係顧客極有可能會因齊人而全部購入, 如只出數款的話顧客會選擇性購買), 但可能公司分配既budget唔能夠全部以super poseable spiderman既質素推出, 導致關節量下降

"就算電影唔受歡迎，玩具質素好，有口啤，相信玩具銷量亦唔會差得去邊"
以收藏家市場計你絕對正確, 但往往收藏家市場只係一少部份, 其他客例如小朋友及家長既銷費量都極受電影質素及口啤影響, 所以Hasbro唔會採用質素行先既策略於Avengers 375 line

想當年見到Avengers 375既可動性大大下降, 小弟作為fans都好失望 :26:

leonoel22

成本和效益的品質生產只看一個系列的產品嗎？
孩之寶產品太多
Star wars
transformer
GI JOE
Marvels
Furby
Nerf
Monopoly
Playskool
Kre-O
Play Doh
Scrable
..................................之後還有超過10個品牌的生產

Garycharm

承接呢個post既討論:



其實呢個話題係TD呢度已經講過好多好多好多次................

你地一味話 ...
Devil_Fudou 發表於 16-10-2012 07:14 PM

   

Devil_Fudou大大，其實我睇左隔離台同TD台咁多年，我當然知道你唔係HASBRO 打手，而係好資深亦好熱心既美漫 ...
  發表於 25-10-2012 01:31 AM

    謝謝兩位版友的討論，
儘管這類討論很難會有结果，
大家有不同看法，但重點是“過程“，
討論得有理有愛又成熟，
小弟獲益良多。
要表態站邊的話.........嗯，考慮到價錢/價值因素，
我是較喜歡“現在“的孩記的，~~~
但已不重要了。

Garycharm

回復  avengers2012

"減質數去預防玩具銷路差"
正確黎講係減成本, 質素下跌(Avengers 375中的關節量下 ...
Assassin 發表於 26-10-2012 11:22 PM

    我都係由375入坑，感覺尤深。