就來沒香港漫畫的動漫節

hk小文

為了攞 HT, 入去行了個圈，發現兩大港漫龍頭公司，竟然沒新書出!? 玉皇朝都仲有 D 首辦公仔，質素就......唉! 天下直頭只賣日漫精品!? 不過見過舊年隻步"驚"雲，真係不出也罷!!
看了港漫三十年，看著她只靠漫畫，可以做到迫爆玻璃!!!(今天 HT 可能也有所不及)做到書展也要把她拆出來，又見過賣刀刀 劍劍賣到有人排三四晚隊，仲出動埋老父亞媽(直頭是 HT 翻版!!)，到後來出"首辦"公仔，一堆一定限量的"首辦"公仔，質素直迫一百 yen 蛋的限量"首辦"公仔！十年前我已經說，這樣當死忠是水魚，呃不到多少年，十年過去，上年仲要趁 12" figure 出隻極嚇人的步"驚"雲!!!! 當死忠是水魚的最佳示範! 究竟，港漫落得如此田地，是不是自找的呢？

mvp

根本港漫已經死左九成啦,題材一味靠打,啲橋段千篇一律,無啲新意,宜家2大龍頭搞成咁可以講係抵死!

太歲

為了攞 HT, 入去行了個圈，發現兩大港漫龍頭公司，竟然沒新書出!? 玉皇朝都仲有 D 首辦公仔，質素就. ...
hk小文 發表於 28-7-2012 06:12 PM

有同感
係呢十二年裡面所謂既限量商品慘不忍睹水平真係....
比人錯覺本土野就係連強國都不如，
所以
事隔十二年既今日我會再從新雕港漫題材既作品，
一如以往都係同老馮夾。
今次唔係由霸刀係刀劍笑。

就由橫刀奪愛開始!!

香港人

其實係若想做得靚仔, 錢好重要, 以而家港漫既情況, 好多時都係有心無力~~!!!
再加上港漫公仔輪廓較複雜, 做成實物係好難, 即係好似北斗, 魁男塾等公仔一樣...
不過都唔係無出過好野既, 期待太歲再出好物~~!!!

ekim11

香港漫畫...
只係比較喜歡...中華英雄...壽星仔...玉郎漫畫...怪異集:67:

hk小文

其實係若想做得靚仔, 錢好重要, 以而家港漫既情況, 好多時都係有心無力~~!!!
再加上港漫公仔輪廓較複雜, 做 ...
香港人 發表於 29-7-2012 08:56 PM

問題就係那些漫畫公司只懂當死忠是傻瓜，根本不肯投資落去，每年賺些快錢便算了，完全沒想過，如果出得好些，做到長出長有，可以說是一門大收入，幫補漫畫收入。

太歲

問題就係那些漫畫公司只懂當死忠是傻瓜，根本不肯投資落去，每年賺些快錢便算了，完全沒想過，如果出得 ...
hk小文 發表於 29-7-2012 10:23 PM

唉~~~你講個D就算吧唔好再理喇~
除非D人既眼中既港漫其實只係得個D公司裡面個幾本書入幾個角色，
咁D人如果只係想要個幾個角色但個D公司又出得唔好咁就無辦法~
唔講個D公司~~
我再落返場原因其實都係因為頂唔順你講出個D野，
已經唔係講讚到幾多錢，
係要做返好D野同件事。
比家陣D人睇其實香港D野係得！
不過就係你地講個D公司搞到比人錯覺以為香港D野唔得~~~

太歲

其實係若想做得靚仔, 錢好重要, 以而家港漫既情況, 好多時都係有心無力~~!!!
再加上港漫公仔輪廓較複雜, 做 ...
香港人 發表於 29-7-2012 08:56 PM

港漫輪廓唔算複雜，
不過係家陣D人既人體結構比較單薄。
如果熟結構既人係無問題架~
都係個句~
除非D人既眼中既港漫其實只係得個D公司裡面個幾本書入幾個角色，
咁D人如果只係想要個幾個角色但個D公司又出得唔好咁就無辦法~

原罪

太歲，近年香港漫畫既佳作，要睇和仔既作品「封神紀」「殺道行者」，出左成十年既「火鳳遼原」
小說出色過漫畫（個人覺得）既「武道狂之詩」
武道狂之詩可能因為有小說封面…
三地都搵唔同人…搞到d畫師都互相比拼出盡力…
漫畫版好多時都被比下去…

本人暫時覺得，最靚應該係台灣及大陸封面…
香港版門小雷既太特別…設計味道好好，有時非常有氣勢或配合當期小說內容…
但唔易入口…
（個人喜歡姚掌門及圓性封面那兩期）

太歲，留意下！

hk小文

唉~~~你講個D就算吧唔好再理喇~
除非D人既眼中既港漫其實只係得個D公司裡面個幾本書入幾個角色，
咁D ...
太歲 發表於 30-7-2012 01:22 AM

但係俾你做到個辦曉飛都無用，漫畫公司唔肯俾錢生產，繼續用平價低檔次的廠做生產，一樣只會出垃圾！今年搶錢手法去到，揾些舊稿，print 出來貼落塊亞架力板度就賣成舊水！！玉皇朝更進一步，cut 個外型出來，再賣貴幾舊！基本上同細路仔貼貼紙無分別！連新畫都無，咁呃法，有咩辦法唔死心？
我覺得出精品沒什麼問題,問題係出成點, 日漫美漫每年一樣有大量精品出產, 幫補漫畫收入, 其質素是可以令人爭著買的, 特別是日本, 連一百 yen 旦的質素也可叫你乖乖付款, 香港漫畫那些「精品」質素, 可以說連一百 yen 蛋也不如，不是說十年前，是十年來根本沒進步過！只懂藉著限量之名呃死忠錢！稍有涉獵日本玩具的，根本不會看得上眼！最佳示範莫過於去年天下那隻步驚雲，夠膽用百零蚊的質素，賣仟幾蚊！？當人係傻仔的極致！我打死也不會信，馬榮成自己會覺得0個隻嘢似步驚雲！真係好意思拎出來賣的嗎？

太歲

止風兄雕既火鳳棋系列唔錯架~
門小雷既畫低水平本身已經好高。
已經係呢個post裡面第三次講~
前題係如果大家既眼中講既港漫仍然只係講緊"個幾本書"同"個D出版社"，
咁D人如果只係想要"個幾個角色"但個D公司又出得唔好咁就無辦法~

原罪

港漫如果係講果兩間「巨頭」…
同埋果兩本「長篇」…

我就當港漫死左架啦！

但我睇到一萬年不停出新書新題材試市場，

和仔努力寫好自家作品，成為一個品質保證。

火鳳其實已經成功到唔使講…佢最成功就係d人當佢係日本書…
係覺得呢個質素香港人出唔到，最大既諷刺亦係最大既恭維…

武道狂之詩試緊小說同漫畫既配合及新既創作模式，有一班美術班底…
同之前港漫工廠式唔同…

仲有「咳臣」呢位天材型作者，每日生產質量兼備既漫畫…

麥嘉碧、小克、楊學德、馬仔（非馬SIR）、路邊攤……

香港根本好多漫畫家，好多好作品。係你識唔識搵，同埋合唔合你口味！

hk小文

和仔都仲叫有 d 火，如果當初火龍可以成功，我會更加開心，另外我想講志文，總覺得以他的能力，應該可以更上一層。早陣子的海洋瘋狂，我也覺得值得支持，可惜是來得太遲，市場已接受不了，這也是港漫可悲的地方，讀者完全抗拒新野，如果火鳯是香港公司出，董卓未死可能本書已摺了！香港讀者情願看一些內容空泛，前後矛盾，毫無鋪排，空有畫面的漫畫，也不接受一些，有內容、有鋪排的漫畫，打少一期已要驚跌書，唉！

原罪

和仔都仲叫有 d 火，如果當初火龍可以成功，我會更加開心，另外我想講志文，總覺得以他的能力，應該可以更上 ...
hk小文 發表於 30-7-2012 01:55 PM

    小文兄，其實，上面小弟舉既例子，除左和仔同一漫年…
其他都唔係用傳統薄裝既方式出版。

如果要話香港漫畫死…
不如話香港薄裝死…

火龍既死因，小弟講過好多次，應該係出版既問題。
根本佢唔似「武道狂之詩」，「火鳳」…
有時間俾讀者知道佢既存在…
漫畫店等等已經回左書…

溫俠傳合訂本，都可以隨意係漫畫店搵到。

火龍既死，唔係內容，係其他配套問題，例如發行同宣傳…

麥麥、麥兜…原本都只不過係黃巴士上面既連載…
好多野，要有資源去發展。