常威的火車世界

常威

:78:



:78:



:78:



:78:



序

呢個post其實只係for我自己一個記錄！希望以有限既記憶力，去將我踏入呢個重型坑既始末記底！雖然有部份價錢已經不為自己知，但係，我覺得如果能夠keep坐去update呢個post，相信對我自己，或者其他人都可以作為參考之用！

另，我放響呢度，係為免不必要既麻煩！需知道，放響大場真係好L麻97煩！為此，我決定出一個隱世post，即使冇人睇都冇所謂！

當然，如果有人問野，而我又有機會睇到的話，我盡可能都會回覆既！

:64:好！開始寫野！



其實之前對大廈都鍾意，只不過覺得貴同埋唔識玩、唔識買、唔識處理...所以一直冇玩過！

及後，睇過MAX大大一個情景post，個人痕到不得之了，所以就響2010年10月一個星期六，我特登去左FL用$%*入左人生第一set大廈....昭和Building ABC！









玩完之後出post，點知比人吋話驚爆唔係1/150！:80:
http://www.toysdaily.com/discuz/ ... d=137720&highlight=

然後，就去左TD Tomytec專區追post！點知原來佢地係玩車仔多，大廈比較小之餘，冇乜人玩情景，而且佢地個個都係玩Tomytec，其他牌子好小見，於是小弟就要另妥知識！
http://www.toysdaily.com/discuz/thread-16791-1-2.html

後來先知道，N-Scale係原來歐洲一種火車模型其中一個比例！「N」既意思係「Nine」即係一條路軌，兩條鐵軌既距離係9mm！而根據呢個距離計算出，一架日本火車會大約係1/150！而一架歐洲火車，會係1/160！

不過，現時大多數人稱N-Scale係1/150，除非玩歐洲line！





又之後，小弟首次造訪葵涌權記！唔去由自可，一去..........比錢啦細路！

雖然權記主打Tomytec，不過就多選擇、多款式、街外冇既佢仲有！原因好簡單......佢夠哂貴！當時剩係買大廈野都八百幾蚊落樓！不過又咁，佢果度係工廠大廈，平日去真係冇人！感覺真係好舒服！而且睇場Cat姐又好人，真係有賓至如歸既感覺！


果次既戰利品就係Tomytec大廈、燈組、同埋d車車、行人天橋.........等等！


同埋果陣時既所謂情景，真係好鬼流~~~~~~:(




又之後，開始留意KATO關水呢個牌子！知道佢既價錢仲貴，不過做功好，唔駛砌，而且外型時尚d，又有貼紙做廣告layout，感覺像真好多！於是就去左SSP宇宙搵，亦都係人生第一次接觸KATO！


果時既感覺真係好正！佢既detail好detail！佢既貼紙真係好薄！佢既design真係好perfect！





所以以後逢係有人問我關於大廈情影，我一定highly recommend KATO！:74:

加入左KATO之後，d人先至開始叫呢條係街！:78:



有左第一次自然有第二次！之後響SSP宇宙入左KATO既斷市building 23-436系列！呢幾幢野非常影響到我日後出既post！

[Z高達特約] 1/150 N比例都市連續劇 (很多圖)

http://www.toysdaily.com/discuz/ ... d=139725&highlight=

[後追多樂趣II]CM's 機動警察自組劇場版小隊

http://www.toysdaily.com/discuz/ ... d=164612&highlight=

[價錢帖] 野可以亂食，炸兩唔可以亂做！(Robot魂 Zaku)

http://www.toysdaily.com/discuz/ ... d=162933&highlight=

[價錢帖] 我又黎！S.C.M.EX Gun Cannon RX-77-2

http://www.toysdaily.com/discuz/ ... d=166615&highlight=

[價錢帖] ES合金三一無敵Calibur

http://www.toysdaily.com/discuz/ ... d=182297&highlight=




未完............待續:64:

himgor

真係學到啲野@@
原來呢啲大廈近睇都好真下

pakki003

真係好靚..
但係80後比唔起首期T_T
買一兩座番黎玩下都好

Herpa500

:43:Support support:43:

常威

首先多謝大家支持先！:64:




好！繼續寫........:43:


由2010年10月開始買，去到2011年已經收手！因為前前後後我已經擁有兩條街！

當中除左錢之外，搵地方收藏都係一個學問！:67:

我用左玩具櫃其中一格放哂d中型大廈，果4幢大野我就入番吸索放響左櫃頂！好彩老婆冇咋型！:(






直至到2012年，有條友有一次去左宇宙，佢見到問口既火車自己走黎走去之後，決定要買一套火車玩，建立一個無煙城！

當時佢第一時間搵我幫手，叫我帶佢去唔同地方「睇樓」！而同一時間，我叫佢去IKEA買兩個Billy櫃，櫃內可放玩具，櫃頂放城市！佢照做，而且好開心雀躍，佢就係Warmblood！


呢條友買左當然係導我成仙啦！不過我當時諗，城市可以冇火車，但係就一定唔可以冇巴士！最後，我就入左Tomytec既電動走行巴士(Moving Bus System)！




呢套野既原理，係仿照歐洲一個叫做Faller Car System(可上youtube search)既結構！即係車上有電有摩打，車頭底部有磁石，而馬路(路軌)底部只係得一條好幼既鐵線，巴士開著後，會跟隨馬路行駛！

最得意係，馬路有一節係巴士站，巴士去到巴士站會自動停，十秒後又會自動行駛！

原理係巴士站底部有粒磁石，當巴士車頭底部接觸到後，巴士既程式就會cut電，並著車尾紅燈，十秒後再起動！





就係因為咁，我就將我d大廈從見天日！:35:



其實望住架巴士自動行駛既時候，個人的確感覺到玩具既可貴！

人，可以響屋企用一段空閒時間、拎住罐啤酒、目光追住架巴士行、忘記各方面煩憂、然後又想像一下個城市點樣再規劃！N-scale玩具，真係同其他實體靜態玩具，完全冇得比！



所以，我決定買一條KATO既街！將我既Billy櫃頂填滿佢！:*



呢條街，全長1.2米！放上兩個Billy櫃頂，仲可以有20cm剩！堅長！:)











之後，又手多多用$170買左個KATO月台！買左都唔知放響邊？:38:






又之後，兩條傻佬仲走左去深水埗買料，自己玩埋加燈添！:$






加燈方法，雖然唔係最好，不過都叫做人生第一次為N-Scale而努力，有興趣既就去我個blog度睇下啦！
http://blog.yahoo.com/_WKQ3HMP34 ... ticles/555362/index



未完，待續！:64:

bbf1125

正 ar :handshake: :handshake: :handshake:

我都想買 set 電動走行 bus, 但又好似放唔落我個 layout 到 :(

常威

又繼續~~~~~~~~~:43:


之後發生既事情，係我玩N-Scale最唔想見到既！:67:




Warmblood條友，最後都導左我玩火車！:26:



第一架火車係KATO既路面輕鐵車！






因為地方既問題，我既火車配搭選擇左散買，唔係買套裝！........我先買Tomix既路軌、Control，好處係Tomix路軌便宜，窄角度多！而且我選擇Tomix貴一級既藍色控，因為佢有一個長點燈既功能！即係當放架火車上路軌之後，冇長點燈功能既Control要架車郁先至會著車頭燈、車廂燈、車尾燈，但係有長點燈功能既control，就可以令架車唔郁都著燈！



返到屋企即時拎起set巴士，放套火車上去個城市行，睇住架火車響個城市行！真係想喊出黎！:$

又因為計算既錯誤，買唔夠轉彎既路軌！首行禮時架車係唔可以循環行駛！:(....不過都好開心啦！












呢套setting可以任配Kato或Tomix既火車！不過........我唔記得左我買既係Tomix Mini Track平地路軌，並唔係所有火車都行得到既！
:(


及後，2012年4月，同老婆亞女去左一轉大阪！去到電電城個人原來已經不自覺轉左trend！睇小左機械人玩具，大部份時間都係睇火車、大廈、accessories........

就係咁，駛左幾千銀買左呢堆野番黎！要一個大喼至裝得哂！:(




之後自己利用大阪買番黎既手信零食盒既包裝，cut左出黎當係大廈既廣告！都幾靚架！:)










玩到咁上下，我開始放埋套Tomytec巴士上去個城市度！巴士有巴士行，火車有火車行！個城市即時活起來！
:handshake:

常威

正 ar   

我都想買 set 電動走行 bus, 但又好似放唔落我個 layout 到 ...
bbf1125 發表於 25-7-2012 03:22 PM

    齋買巴士，條路自己DIY啦！咁就放得落嘞！:67:

Warmblood

:)十分好.......好詳細.......

常威

十分好.......好詳細.......
Warmblood 發表於 25-7-2012 04:40 PM

    弊！比你發現左呢度添！:@

Warmblood

弊！比你發現左呢度添！
常威 發表於 25-7-2012 04:43 PM

   

依度我都出個post.................係依區我就未試過:78:

http://www.toysdaily.com/discuz/forum-13-1.html

常威

依度我都出個post.................係依區我就未試過
Warmblood 發表於 25-7-2012 04:48 PM

    試下囉！試完唔0岩個SF又唔痛既！:78:

常威

好！又有時間作文，繼續~~~~~~:43:




講左N-Scale咁耐，其實個人心態已經變左！




開頭，只係想買d大廈番黎做情景，拍埋d Robot魂、S.C.M.膠達度影影相！點知一個扇腳踩入左火車坑！不過，又令我玩玩具既人生改變左！

現今都市人玩玩具，來來去去都係先去訂，到貨去拎，拎完開盒，扭一輪之後就開壇影相，影完相就入櫃，個盒就視乎件野平定貴，貴既就留，平既就掉！

基本上新玩具就係咁樣一兩日貨仔！好玩既至多玩一個禮拜，然後都係入櫃罰企！直至到有人日屎忽痕至拎出黎轉轉POSE，之後都係罰企！

但係，玩火車既感覺唔同！當你有條軌道、有幾幢大廈、有個城市.....你開著架火車令佢郁動之後，你會不其然進入左另一個世界！

電話響你會打發對方了事！屋企人問你野你會吱唔以對！如果開左罐冰凍啤酒你會好快飲哂！如果你有相機你會不停影相！如果你有iphone你會不停whatsapp比一齊玩火車既群組！




火車，真係一個好神奇既玩意！:shy:





講開群組，自從與Warmblood玩左N-Scale之後，我們伙同elvischoi一齊開左個「N-Scale電動走行會」post！

估唔到，2012年3月一開之後，就有幾位TD好友加入！原來佢地都係火車L！實在太好啦！:$
http://www.toysdaily.com/discuz/thread-179587-1-1.html





Herpa 500兄，家中有條3米長(我估咋，可能唔止)既N-Scale大街！而且亦有染指不同比例HO Scale、Z-scale，甚至G-scale都有！認真痴線！

巴武藏兄，自10年前已經開始火車生涯，儲存量非常驚人！而且身體力行，去過日本各大小火車博物館，對火車構造、歷史都非常熟識！真真正正係一個人肉火車字典！

Panzer Jimmy兄，原本只係對二戰路軌大炮車有興趣，點知自從入左會後，就開始向歐洲、日本貨運發生興趣！同款量產係佢個人習慣，秒殺亦係佢既絕技！自從占美兄家中客房被佢侵佔後，佢既路面行程已經成會走行會內之冠！加上車廠、轉盤、Layout可以4線轉3線轉2線再轉1線都得，相信我冇可能有呢一日！而近日佢見冇野買，已經開始玩埋客車！真係喪心病狂！

bbf1125兄，卓號「富二」。由一名CD ROM身份，開口埋口都話冇地方、老婆唔比、冇錢買........變成最短時間(兩個禮拜)擁有10呎x3呎既朝行晚拆專家！佢既路面行程不亞於Jimmy！而且亦係轉線能手！佢既爆發力真係唔可睇小！

滴滴仔，一個傳奇性人物！由開頭第一次陪佢去宇宙，佢話「我原本只係預左$1000，不過依家將budjet提升到$1500啦！」呢句說話開始，佢響冇買路軌、control既情況下已經入左set KATO山手線！往後既佢，可以話係隔日就入一個火車頭！直至一個月後佢先至買路軌，但與此同時佢又開左HO scale蒸氣頭條line！然後突然又跳左去德國牌子既N-Scale火車頭！最後歐洲牌子已經滿足唔到佢，要嘆美國Big Boy，再玩埋數碼控制(DCC)！真正人中之龍！

Warmblood，主打自製沙盤昭和情景layout！即係無中生有，用幾塊板、幾塊發泡膠、Arcylic油彩、花花草草.....再加埋Tomytec、Greenmax既現成屋仔！整完架車仲會識行識走！出名好心機、好手藝既佢，整完一盤又盤！絕非普通玩具L能及！TD神人也！

elvischoi，自創會後曾失蹤多時，原因係要預備七一招呼胡總！現己浮番上水！家中櫃頂建有KATO 輕鐵套裝，另加新白河車站，完全超過櫃頂面積！不過呢位少俠係讀建築既，相信佢既起樓技術可以幫到佢！






未完，待續:78:

bbf1125

[quote]齋買巴士，條路自己DIY啦！咁就放得落



係唔係只係用一條鐵線就得架 la :64:

bbf1125

又繼續~~~~~~~~~


之後發生既事情，係我玩N-Scale最唔想見到既！




Warmblood條友，最後 ...
常威 發表於 25-7-2012 15:49

常總你今日截稿唔係就係交 n-scale 做今期稿 ar :50: