[LEGO玩具劇場]最後的手術

edwardwong

第一次起呢度發表LEGO故事, 希望大家多多支持~可以去我FB專頁支持下: facebook.com/edwardstory



鄺醫生是樂高醫院的院長。他的兒子偉文則是這家醫院的病人。
偉文因為肝衰竭入院接受治療多時，後來病情轉趨嚴重，急需換肝，但輪候良久未有合適的肝臟。







偉文：爸爸，我幾時先會好返?

鄺醫生：放心吧，你很快便會康復。現在你的病就像怪獸，你就是超人。待換肝你使出必殺技便可打低怪獸!





鄺醫生在路上走著。
鄺醫生：唉...再沒有合適的肝，恐怕兒子不能活過一個月了...





此時，他聽到路邊有一婦人正打罵她的兒子。
師奶： ...你個衰仔聽唔聽到我講野呀? 真係生舊叉燒好過生你...又蠢又無用...屋企咁窮仲要花錢養你...







鄺醫生靈機一觸，上前問道：這位太太...

師奶怒道：你邊位呀?我教仔關你鬼事呀!

鄺醫生：太太，你唔想要個仔，不如賣比我?

師奶：賣比你?!







鄺醫生把偉文的病況向張師奶一一細訴。


鄺醫生：所以我想「買」你兒子的肝。如果你同意，我會先帶你的兒子檢查一下，若適合捐肝予我兒子，
捐肝手術後我會給一筆豐厚的金錢你們，讓你們生活無憂。


張師奶：咁要我個仔去檢查有無錢收先..?


鄺醫生苦笑道：都有些車馬費比返你的...







鄺醫生：好極了，張太，檢查證實你兒子的肝很適合我的兒子。

張師奶：好啦, 咁我就比個仔捐肝啦... 於是鄺醫生便聯同車馬費付了一筆錢給張師奶，並承諾事成後再付餘款。





鄺醫生帶同張師奶母子探望偉文。


鄺醫生：仔，這個小朋友就是會捐肝給你的恩人，他叫志偉..


偉文：志偉，我叫偉文。多謝你呀。 志偉卻沒有望偉文一眼。


張師奶：衰仔人地叫你呀...睬下人啦...







張師奶：唉，佢老豆過左身，剩返呢個咁的仔要我湊...

鄺醫生：根據他的病徵...我懷疑他是自閉症，我找一個專科的醫生朋友為你兒子做些評估
吧。







醫生：經評估你的兒子的確是患有自閉症，但我們發現他亦是屬於資優兒童。

張師奶喜道：資優兒童? 咁未即係神童?


醫生：也可以這樣說，他的智商高達一百四十。

張師奶：唉，衰在佢有自閉症..

醫生：我們可以透過治療改善他的行為，而且美國有研究指自閉症兒童有一至兩成可經治療後完全康復!


張師奶：真的?







次日一早，張師奶便來了醫院找鄺醫生

張師奶：鄺醫生，唔好意思，我都係唔比我個仔捐肝啦。我想想下都係太危險啦!


鄺醫生：為甚麼? 張太，我之前已經解釋過程序比你知，風險好低架，捐肝者只有15%機會有拼發症，2%機會死亡.. 而且手術會由我親自主持，我至今做過的同類型手術成功機會是100%...


張師奶：但都係有風險呀, 何況醫生評估過話佢係資優呀，大把前途，第時搵大把錢架，咁我無謂比佢冒險啦...至於收了你那
筆錢，我過幾日再還返比你啦。

鄺醫生驚道：張太，你唔好玩我啦! 你依家先黎講唔捐? 咁我個仔點算?! 佢過唔到今個月架啦!







張師奶：咁都唔關我事架，我唔理架啦，你自己再搵人捐啦!

鄺醫生：你...?!張太...其實，錢方面我們可以再傾...


張師奶：總之無得傾呀，唔捐! 張師奶接著便拂抽而去。





鄺醫生： .............現在應該怎樣辦?





偉文：爸爸我係未就黎可以換肝，有得出院啦?

鄺醫生： ...係呀...

偉文： 記住呀, 你話過出院帶我去飛象公園玩架~ 仲要帶埋媽媽去~


鄺醫生：爸爸緊係記得啦，總之最緊要你快些好返! 爸爸應承過你架嘛...

edwardwong

鄺醫生心想：仔...爸爸應承過你的事，一定會做到的...





次日鄺醫生去到志偉的小學校門...

鄺醫生柔聲道：志偉，放學啦? 跟我去一去醫院啦...

志偉： ....? 鄺醫生也不待志偉回答，便把志偉押上車了。





鄺醫生：各位手足，馬上準備做換肝手術!

醫生､護士：院長?

鄺醫生：今次手術由我親自負責..快準備!







鄺醫生看著手術床上，已被麻醉的志偉：志偉，對不起了，我也是迫不得已。現在只有你能救偉文了...


就在鄺醫生準備下刀之時...







忽然數名警員衝進手術室：警察! 全部人不准動! 一旁的護士均被嚇得手足無措。

鄺醫生：阿SIR，我做緊手術的..


陳督察：鄺醫生，現在有理由懷疑你拐帶兒童，並且非法進行換肝手術，現在要拘捕你!


鄺醫生：阿SIR..我依家救緊人，唔係害人呀，你地做咩要拉我?

陳督察：放下你的手術刀!

鄺醫生：你們出去...我完成手術後會跟你們返警署... 陳督察於是示意其餘警員上前採取行動。




鄺醫生忽然用手術刀架向志偉，喝道：唔好埋黎!

鄺醫生：我一定要做埋個手術佢!你們出去...出去...我唔想傷害任何人...

陳督察：鄺醫生，你冷靜些!

鄺醫生：你地做咩黎拉我?!...我做錯了甚麼?!!醫生救病人有甚麼錯?!父親救兒子有甚麼錯?!

鄺醫生：你地做咩一個二個都要黎阻住我?!..我救過咁多病人，點解依家救我自己個仔都唔得!?

陳督察：救你個仔仲有其他方法的..

鄺醫生：胡說!!佢等換肝等左咁耐...等到就黎死啦...依家只有這樣做...快出去!唔好迫我!!





警員：陳SIR，要叫談判專家到場嗎?

陳督察：來不及了，情況危急........ 陳督察飛快地向鄺醫生頭部開了一槍。









呀!!! 鄺醫生隨即中槍倒地，血流如注。







鄺醫生負傷爬向兒子的病床：仔呀...爸爸救不到你啦...





陳督察：手足!快叫醫生來!快! ...........................................




[本故事完，謝謝各位收看]

spreroy

唔錯唔錯~~ 好有心機:71:

但故事想表達什麼?

nis1111

最後唔係應該全部死晒咩？:^

ray文

好詳盡嘅故事呢~:)

tonberry

有點兒黑暗呢:56:

tonberry

有點兒黑暗呢:56:

nis1111

仲以為有肢解同劏肚場面添…:31:

御姐喵

支持劇場~
不過我唔太明個結局...

TsChoi

結局係咪督察射死醫生用佢個肝比佢個仔

sonsonsun

最後醫生變左喪屍~咬死曬D人~XXDD
支持大大劇場!!!:71:

edwardwong

係某FORUM睇過...想救仔卻用錯方法
Galulu^^^ 發表於 18-7-2012 12:50 PM

呵呵, 我起幾個論壇都有貼~

多謝支持:D

edwardwong

最後醫生變左喪屍~咬死曬D人~XXDD
支持大大劇場!!!
sonsonsun 發表於 18-7-2012 10:58 PM

故事之後發展歡迎大家想像, 或者有興趣可以幫手寫續集hehe~