我唔玩喇！呢個係我係 TD 最後一個 post ！

kaiserfrog19

最後一post，等我都貼下圖，與內容無關的。


首先我想話，呢個 post 會係我最後一次係 TD 出既 post 喇。
我預左比人 cancel 我 acc.，同埋我已經冇癮再上黎 TD。


同埋，我先講明，我唔係 d 咩 3a 打手，如果各位有興趣可以睇返我之前出過既 post，
我只係一個鍾意玩玩具既普通人。由以前玩 shf 開始，慢慢玩埋 rah 220，12“，之後到 ht，然後到 3a。


以前上 TD 睇新野，Sharing 玩具相好有趣。而家見 d 人一見到有 3a post 就一味插插插，一 d 氣氛都冇，我都唔知仲上黎做咩。


我直情覺得自己曾經係 TD member 好羞恥呀大佬！


INTRODUCTION 完左，而家我要開始講要講既野。


你地班買唔到 F5 係度 “阿知阿左“ 既人，又話做 3aa 冇得買 f5 好唔合理，又話人地出 d 垃圾比你買，一味插 3a 既鋪售手法同玩具。我真係想講，你唔鍾意咪唔好買囉！真係唔好以為自己做客就真係大哂先得架！


人地一開始收 member 果時已經講到明 3aa 既優勢只係一般貨品同 3aa 貨品有 24 小時保證留貨同買野 85折，唔包 f5 同 special sales。你地有冇睇清楚架？定係你地做 3aa 其實只係想平入多幾隻，然後原價 � 高價轉手賺錢圖利？


有人仲已經講到明 “而家買 3aa 都只係愛黎炒”。你條友仔咁唔鍾意 3a 野，成日插 3a，你又買佢 d 野黎搵錢？咁叻叻你咪以後買都唔好買，掂都唔好掂囉！而家你既情況就好似鬧 3a 賣白粉，然後自己又買返 3a d 白粉黎圖利咁！呢 d 咪折墜囉！


同埋我想話，你做 3a member 比出去 d 錢，人地 3a 唔係白白攞你架！佢有做返帽，袋同一隻 12” figure 比你，再加埋全年 85 折。你地唔好講到人地好似呃左你錢咁啦！你可以話你其實唔鐘意 d 3aa 野。咁唔鐘意你又買？冇人迫你個 wo！


仲有，我想話 f5 sales 其實係 3a 一直都有做既野。就好似抽獎咁，你抽到，你好運。抽唔到，咪算囉！我唔明點解你地講到好似要生要死，好似比人出賣左咁！喂呢個世界上梗有 d 玩具係人地買到你買唔到架啦！但一句到尾都係玩具 je ？ why so serious？你話人地鬼佬都插 3a，佢地都唔滿意 3a 係人地既事，你又係唔係一定要跟風，一齊扮哂起義咁？可唔可以理性少少？


唔好以為多人圍插，件事就係岩哂。


OK，費事你話我一味幫 3a 講好說話。我都覺得 3a 有應該要改善既地方。
－ 比如延期出貨，同埋有時 d 貨有 defects。
－ f5 好辛苦，近期好多 f5 玩具。好蝦果 d 唔係成日坐 office 既人買。
－ 冇咩新鮮感。好似出黎出去都係亂拚 d 野黎同玩唔同顏色黎呃錢。


首先，上年出事既 tq，人地成隻無條件補返比你我都唔讚住。如果你隻野出左事，即使係你自己玩爛，3a 都幫你整返好又點計？如果佢唔係有出某 d 重覆 parts 既玩具，你 d 舊野玩爛左，3a 點整返比你？你試下而家整爛 ht 隻 ironman mk3 然後叫佢整返好比你丫！


同埋我想話佢地 d 野冇錯係有時好似東拚西湊咁，但我想話如果你有睇過 aw 既漫畫，就會知道其實佢本身畫既 robots 同人型根本就係咁。3a 都係跟返漫畫出，咁都有錯？


你都係唔滿意？都係果句，冇人迫你買架！
放且 3a 都有出 realsteel 玩具，都有出 aw 版 zaku 丫。黎緊仲會有好多crossover，呢 d 野全部都係新做既，又唔見你地讚多 2 句？


當然，愈來愈多 f5 呢 d 真係冇得好講。有時我買唔到 f5，我都會覺得有 d 失落。但買唔到一件半件玩具係咪真係咁慘？你覺得慘係因為冇得玩，定係冇得炒？


遲出貨冇錯有問題。就算你要鬧 3a，佢都應該接受。但我記憶中，3a 係有因為遲出貨而 say 過 sorry 既，只係你地怒火中燒咩屎都插，先唔記得左。


最後，我想話令我覺得真係真係冇癮同嬲既係：冇錯，一間公司做得唔好，你可以鬧佢，你可以發洩話佢垃圾公司，賣垃圾玩具。3a 打開門口做生意就預左有人插。


但點解一有人幫 3a 講句好說話，你地班人就話人係 “費柴”，“蟲” 呢 d 咁人身攻擊既說話？我想問你地有冇家教架？你地係對事定對人？唔該反省下啦！仲有果位用粗口鬧 3a cs 然後比人 delete acc. + 退錢既人，我抵你死啦！我從來問 cs 野，好好地問佢地就好好地覆。邊個叫你鬧人？你有冇做過 cs？cs 都係打份工，做咩要受你氣？如果我係峰哥，我都攬自己 d 伙記啦！


仲有你地班 td 版主，我想問你地係度做咩架？以前一有小爭拗，小人身攻擊同罵戰，你地就扣分鎖 post。而家你地見到班人係度眨低人地抬高自己，你地就視而不見？你唔好同我講話睇唔到呀！我個白雲先生 post 咁冇人睇你地都睇到（仲 highlight 左），呢邊插 3a 個 post 長期係第一版，咁多人罵人你地一定知架！


要講既野講完。我唔會再出post，唔會再回 post。再見喇 TD！

滴滴仔

:64:................................沙化
Ching d 相好靚:64:

edmund

其實你唔回POST咁我都冇咩心情回你啦
不過希望可以係第度再見到大大啦
例如BBICN或一起玩3A

E神

CHING.
又唔好咁嬲
其實話人“費柴”，“蟲”等等的,
只是一,二個唔識尊重別人的會員,

小弟都好likeｃｈｉｎｇ你的令相~:71:

pandafung

我自己都好鐘意3A wor

chankb

的確有d大大玩上咗腦, 其實其他玩具品牌也有一大批專家, Photo Hunter 等。他們的論點基本上適用及重復於大部份題目上。

人人也以可吹水, 但把自己對某隻玩具甚至某隻品牌的喜惡變成自己的宗教的同時, 也忘了尊重他人及自己。我同意版主在這方面可以做多d同做早d。

PS: 自己買了第一對3A Rothchild 同 訂了Real steel, 都幾期待。

kaibkaib95

其實3a好特別...吾好甘嬲啦.

trumanso

小弟不嬲小留意3A野~!
不過知樓主o的post有一定o既水準~!:71:
你唔再玩真係可惜...:42:...希望第二邊再見~!!
其實近年12"的確多左好多新手玩~!{:3_133:}
人一多是非就多,其實睇玩具都要攪咁多野出o黎~!
俾心機搵錢再買玩具好過啦~!唔好太沉迷網路世界喇~!!{:2_125:}

Gainax

老老實實，原來小弟第一次睇師兄你既post

唔知之前同其他會員有咩瓜葛 , 除掉因素，

呢個post真係好好睇wor , 成個post 已經夠料集結成書，亦睇得出C-hing 品味唔錯

kc53

唔玩3a都有好多野玩咋....何必呢....:67:

NTSC

唔係想同人地forum比較...... 但TD d氣氛真係越來越似高登......悲~
就算要插要罵, 講返figure本身好無?!

hoho10120998

我覺得師兄唔係唔玩~只係唔會係TD 出現者~

gnx2

平時12寸真系好少留意甚至唔識，同之前你同其他會員有咩事都唔知
但系依個post我睇得出大大的熱情，希望你唔好為左d自己認為唔岩的人放棄自己中意的喜好

edmund

BTW我就係比人DEL ACC果個,你唔清楚來龍去脈我唔怪你既樓主

ATOM2003

可以言論自由已是很可貴, 但有時看到一些所謂言論時, 我覺真的看得不大舒服或不能理解接受...  

雖然有點可惜, 但也尊重大大的決定 ~
希望在其它靈潔地盤再可遇見大大繼續交流玩具心得 ~ 有緣再見 ~ :)