有冇大大認真諗過賣晒全部/大部份自己既玩具??

老文

有想過賣..但真係唔捨得...先講金錢..呢拾幾年我買極都係2皮野,影響生活既殺傷力有限..同埋好多玩具都有好多回憶係入面....基本上都會有個小故事係入面..所以點會捨得呢?伸利..(只入扭旦..裝著..dx腰帶..dx戰隊..少量合金魂.小量sic.同雜不lung冧價野一堆):43:

denniskwong

我賣係想換多d位放其他玩具.......

movie_arms

可否拍個玩具柜來分享一下
gazza1211 發表於 24-4-2012 10:27 AM

我怕你失望喎, 因為我一向都有買有賣, 唔會壯觀得去邊
而且同TD各大大比, 簡直冇看頭可言

movie_arms

回復  movie_arms

我而家留底的只有一set 永井豪系的EX合金 (真三一, 三一2隻, 鐵甲, 同埋2隻二打六 雙 ...
BlackD 發表於 24-4-2012 10:36 AM

嘩~!!!
淨係聖衣神話全線我都眼甘甘, 合金魂+ 魂SPEC 30多40盒, 12" 都有數十隻
大大好強!!!!
睇見你咁, 真係可以借鏡借鏡~~
小弟都高追過, 亦試過因為件貨少少少少 sad 而入多件
但之後根本咁多玩具目光都唔會集中o係果隻 Sad/ 補 Sad 野度
想買而又未買既時候, 好似欠左佢咁, 唔買唔安樂
買左之後, 其實「咪又係咁.....」
係就係 Display, 但真係欣賞/把玩既時間........真係有限
或者賣既話, 會提自己, 賣完之後, 日子還是這樣過
之後有新貨, 唔係非常鍾愛但手痕既話, 都同自己講, 唔買, 日子還是這樣過~
謝大大分享經驗~ 堅~~~~~~~~~~

movie_arms

有想過賣..但真係唔捨得...先講金錢..呢拾幾年我買極都係2皮野,影響生活既殺傷力有限..同埋好多玩具都有好多 ...
老文 發表於 24-4-2012 10:41 AM

大大功力深厚
小弟一年都應該過兩皮........所以停一停, 諗一諗.............

movie_arms

我賣係想換多d位放其他玩具.......
denniskwong 發表於 24-4-2012 10:51 AM

以前我都係咁諗, 呢家有d想一賣了之...........

老文

回復 95# movie_arms


    其實我係睇多過買...12吋..古董玩具...shf..xx限定..神話ex..我都無乜攪..所以先可以玩到現在..同埋我買過氣野多..又唔會一定要人齊..有時2手新淨都會攪吓..仲會買咩都會紀錄咩時間同價錢買入..咁樣就無得走雞..又易控制到

denniskwong

以前我都係咁諗, 呢家有d想一賣了之...........
movie_arms 發表於 24-4-2012 11:51 AM

到你買晒空了了你又後悔~

T_A_I

回復 96# movie_arms

不果睇完你個post我諗我都會開始賣咁d自己d舊玩具lu~
留返robot魂依條line,少量山口,砌左的模型同變形金剛算lu~
希望你都早日可以做到啦,
"捨得"有捨才有得^^

Endless

有, 想放走D LEGO 同埋CLASSIC TF
主要是人大左, 想有多d 其他嚐好
同埋唔想再咁健康, 一放工/放學, 狗衝去入新野, 然後即刻返屋企開包
買/玩玩具是開心, 但呢d 開心都係得你同埋網上既朋友知
唔會帶到出去, 分享得到, 都唔會有太多人認同
或者到我已經有家室, 我會更鐘意玩, 同埋擺更多錢落去
有這個念頭好耐, 但平時無野做又會留意返呢度既消息
結果介極都介唔甩, 斷斷續續又買番, 而家都追左好多隻魂

BlackD

我而家都有買, 不過一個月只限買一件, 最多一千幾百已經嫌多.........有時3個月先買一次, 凡事都不要過火
而家有錢儲返佢, 見到紅簿仔數字增大都不知幾爽...

yazoo1667

回復 80# movie_arms

都清左一半有多!而家只剩BANDAI D 合金魂!只要賣過第一盒!跟住個D都唔係乜野一回事!
講真而家d玩具根本就物非所值!膠公仔都話過千!乜ROBO 魂又話限定五六百!合金過千小意思!

蝦您波凸

回復 96# movie_arms

想賣就狠D....其實冇野架, 好正常....年紀大左, 唔同皆段需要既野都會改變...我舊時都又合金 , 又12"...依家就買少d, 轉左玩運動, 玩養魚...依家諗買樓, 諗將來...放多d時間係工作同家人到係好正常....巴打, 加油, 努力...:43:

Hawk

早幾年搬屋，而咁啱又有朋友開格仔鋪，所以一口氣放哂買落但冇開過既山口式，重有gundam fix, 部分 SIC咁，加加埋埋都幾千銀。 而家自己有樓display玩具，都會掉哂啲盒慳番啲位。我都玩咗十幾年玩具，以前冇位display齋儲盒既感覺真係好冇癮，到而家有地方但因為人又大咗，負擔又多咗，啲嘢又貴咗，所以玩具都玩少咗… 另外我其實仲試過將啲未砌過mg模型拎哂去救世軍，講緊都成十幾廿盒…而家雖然都仲有買番，不過都只係買pg同機戰多，同埋會盡可能抽時間砌，因為一儲得太多又會提唔起勁再砌…

movie_arms

回復  movie_arms


    其實我係睇多過買...12吋..古董玩具...shf..xx限定..神話ex..我都無乜攪..所以 ...
老文 發表於 24-4-2012 11:56 AM

小弟就多數每個月頭都有一個 Excel
不過個 excel 一般黎講玩具既支出都二千鬆d冇走雞......
我要學習一下 Ching 睇多過買.....事實上睇已經少左
因為眼見自己可以戒倒睇, 覺得會係戒埋買既機會
就順個手狠d, 賣一大 Part 走~