HT 超黑仔事件...我終於攞返 Superman 條頸喇!

jripper

小弟早前攞咗隻超人，返到屋企先開箱，發覺頭及身都有問題，十四日內攞去店頭換，經開過兩盒已開及一盒新開後，都係留低個頭，只攞個身走。返到屋企後打算搵個頭頂檔時發覺頸位ball join接口有裂痕，再攞返去店頭，當時個職員嘗試張頸位個part拔出，但係唔成功，我因為趕時間而且件斗篷個logo都有d花，所以我提意佢攞返上工廠整，反正個頭都係上咗廠，個職員都肯幫。之後都農曆新年前call我去攞返兩件超人件，我去攞，大約check一check無問題就攞返屋企，因為個頭同身係分開上廠，所以俾我時頭同身係分開嘅，但係我返到屋企張頭同身合埋時先發覺當日裂開咗嘅頸位part無咗，合個頭同身合唔埋! 但係新年前好忙，又要返工，所以不能夠第二日去店舖，當我可以去時佢地放一個星期新年假，我等佢地放完假之後一兩日左右上去店頭，當時個職員唔明點解個頭同身係分開交俾我，經我一輪解釋佢最後都算明白，但係就話工廠放一個月假，要之後先問到有無件剩，咁我唯有我等。前幾日HT打俾我話超人停咗產而且無件剩，我話一件咁簡單嘅件你都幫唔到我?之後佢講到好似我講大話咁，我話要騙個頭啦，佢就話我當日唔check清楚係我嘅責任，我話我有我責任，但係佢地都有責任俾件無問題嘅貨我，如果佢地無俾漏我就無今日呢個問題，但係講完一輪之後個職員都唔肯負責，我要做嘢所以同佢講話揾日再上去佢店舖先當面再傾。。。我聽日就去佢地店喇，我應該點做呢? 堅持定認命呢? 希望各大大俾d意見，好多個唔該!

af1616af

理論上...堅持!
實際上...認命...:26:

kkkso04010

已維修過，又無即場睇清楚，認命吧

catcat

因為joint個波波有裂而放低成個身.....

廿雞買過粒慳車錢，慳時間，慳口水。

最重要係比廿雞出嚟唔使受人氣。

逆天原罪

口同鼻講~

你話冇俾你~ 可能佢話俾左你~ 因為冇當場發現尼個問題

9成佢都會死話自己俾左你~ 如果佢自己話冇俾你~ 佢要負責~ 我相信佢地唔會咁講~

可能樓主去D玩具商場睇下有冇得配返個~ 仲簡單直接

hunterelf

整完俾返你,你又唔即刻check, 怪得邊個?

denniskwong

因為joint個波波有裂而放低成個身.....

廿雞買過粒慳車錢，慳時間，慳口水。

最重要係比廿雞出&#2217 ...
catcat 發表於 15-2-2012 08:14 PM

真係咩世界, 成千銀一隻, 都要受氣, 頂, e+我地係買唔係乞...

wingbeetles

所以我放棄左佢，買玩具玩係要開心，但發覺玩hottoys總係爭咁d野！

kafai1978

其實平心靜氣去傾，
我諗幫到嘅都會幫嘅，
而家理虧嘅係你，
如果去到仲要嘈嘅話，
搵鬼幫你咩...!!!!

darknight

如果唔係有license..., 搵鬼買咩....
我都send了我的batman 1989 頭連心口logo上廠, 唔知返梨會變成點...
依家都好難au, 惟有買個教訓... 同埋讓我地知道你的教訓下次醒水~ :68:

558558

拍賣網散件幫到你

weio_o

拍賣網散件幫到你
558558 發表於 2012-2-15 21:20

    +1                  /

toms110

Bid散件或去"街王"行返轉應該可解決你既問題......

jripper

回復 4# catcat

請問大大邊度有得買? 謝謝幫忙。

jripper

其實只要解決到個問題，我唔介意要俾錢，如果無咗條頸，咁我等如無咗成千銀。。。希望各大大可以話我聽喺邊度可以買返，好多個唔該!
我無check係我stupid，但係佢無俾齊嘢我係佢地不負責任，我相信個道理係咁。