聖鬥士星矢新TV版動畫 "聖鬥士星矢Ω"

聖鬥士JACK

LC後面越寫越亂⋯同白羊打果個冥鬥士居，佢地居然一早識，另外天馬無拉拉走出個老豆來，後來仲走埋個阿媽來⋯懶係搞D人物關連人物穿插之類⋯但出來效果一D關連感覺都無，一睇就覺求其拉關係⋯獅子果場仲搞笑⋯夾硬加故事⋯獅子仔加段阿爸故事⋯敵人就加個感情故事⋯根本多魚⋯突然加插D，搞到故事又亂又唔夠一氣呵成⋯獅子一人出AE再一人同時出十二金絕招⋯拉達無左心臓仲可以勁過有心臟，仲可行動自如⋯⋯其實仲有好多⋯⋯

人仔貓

舊星矢廿八期書，寫左銀河擂台，暗黑篇，白銀，十二宮篇，海界篇，冥界篇
故事劇情多，人物眾多，角性也鮮 ...
聖鬥士JACK 發表於 20-3-2013 01:26

『完全無種熱血既感覺』，道出了重點。

除故事編劇外，這與手代木的寫畫風格亦有莫大關係。
手代木手畫畀我最深刻的感覺是：
矯揉別扭有餘，勁道氣勢不足。

舉例佢好鍾意玩局部主體構圖，讀者要"揣摩"一輪先弄得清楚係個人物邊一忽...
不特止亦好喜歡用多而大隻的效果字"遮擋"畫面...
過猶不及，結果種種玩味點子嚴重影響觀看流暢及痛快程度...

再加埋BL面相...這種畫風其實甚不適合用來表達熱血故事......

人仔貓

LC後面越寫越亂⋯同白羊打果個冥鬥士居，佢地居然一早識，另外天馬無拉拉走出個老豆來，後來仲走埋個阿 ...
聖鬥士JACK 發表於 20-3-2013 01:40

杳馬既出場係故事失控的高峰期...
什麼"演出"懶係好精彩但其實一D意義都冇......

後期好多橋段都係賣90%關子到最後個原委卻係夾硬黎......

聖鬥士JACK

仲有人設問題，車田廿八期故事，自己原故事之餘仲自己諗人設
手代目廿五期書，在別人既有嘅故事創作，人設都是車田的，真是手代目自己設計的佔好少

mushroom

真係觀點與角度

喜歡熱血的﹕車田勝

喜歡細致的﹕LC勝 (所以女仔鐘意睇LC)

兩套野都有Bug，所以會根據你的偏好而接受。

但其實情意結都好大影響，細過睇的故事點都好睇些，因為有感情，正如ND的故事都有奇怪的地方，但睇落好開心。

我印象中，叫唔過廿歲的後生仔睇舊版星仔，佢會覺得唔好睇

過廿歲的，又覺得車田星矢好睇些:35:

skyplayer910

如果講亂, 其實仲有本叫聖鬥士星矢G既物體......呢本我真係要好用心先睇到邊個打邊個.....

改咩名好?

如果講亂, 其實仲有本叫聖鬥士星矢G既物體......呢本我真係要好用心先睇到邊個打邊個.....
skyplayer910 發表於 20-3-2013 10:34 AM

    話時話...呢本野完左未....單行本我睇到十六定十七期....

yugi

杳馬既出場係故事失控的高峰期...
什麼"演出"懶係好精彩但其實一D意義都冇......

後期好多橋段都係賣 ...
人仔貓 發表於 20-3-2013 02:59 AM

感覺有d黃金格硬要佢地死:44:

mushroom

感覺有d黃金格硬要佢地死
yugi 發表於 20-3-2013 11:34 AM

    童虎和薜安就夾硬唔駛死..................


LC仲有一樣差，就係港版頭十幾期印得唔好，好花

Domeki

我自己年紀是20以上的~我就是喜歡LC版~

車田是男漫畫家
手代是女漫畫家...........

男人畫的同女人畫的怎可能一樣?
畫風是很個人的,這點沒辦法了~

不同人畫畫風一定不同啦!


現在有多少套日本漫是完全熱血王道?
ONE PIECE 已經有一大半轉左型~
火影不完全是~
死神?........根本是回憶漫畫~


80年代的少年漫畫很多是很熱血~
90年代已經開始轉變.........
2000年代已經沒什麼熱血了.........


讀者隨時代的轉變,喜好也會變~
單一的善惡觀,熱血打鬥已經不能滿足他們了~


老實說車田不改方向就只有經典2字了~
我認為加入多角度去描述故事,不是壞事~
人物多點描述也是好事~
起碼人家肯去試,受不受落是另一個問題~
手代不是什麼一流漫畫家,篇劇上不足一定會有~
不過佢創作出來的角色不少比車田更好~
也不能完全否定手代版~


只是舊FANS不喜歡罷了~
我來說是"有另一角度去看經典漫畫"~
天馬是不是主角我不在意,因為是一場戰爭~
一場戰爭中,主角只有1人.......點可能場場打鬥有佢份?
手代版描述的戰爭比較合常理,起碼很多場戰鬥主角不可能場場有份打~


各位FANS大不喜歡勿插~
只是我個人意見~

聖鬥士JACK

車田版也不是星矢打晒咁多場，其實4子，黃金也有參與

Code

年青一代真係會覺得LC 有 "熱血"  既感覺,

其實LC最成功既地方正正係係d配角到,
d黃金、白銀、青銅真係有實力之差,

查馬既出現其實好重要,佢影響既係雙子兄弟同潘朵拉
反而最差係薜安無咩戲份

另外,手代創作出來的角色不少的確比車田更好,
更探入年青一輩心中

香港人

嗯, 咁照大家對原著同LC既不同睇法, 知道左原著係俾大男孩熱血份子睇, LC係青少年恩物...
咁大家就理解到奧米加係俾小朋友睇, 所以唔好再鬧爆佢喇~~!!!!

香港人

真係觀點與角度

喜歡熱血的﹕車田勝

喜歡細致的﹕LC勝 (所以女仔鐘意睇LC)

兩套野都有Bug，所以會 ...
mushroom 發表於 20-3-2013 09:41 AM

:) 你真係一個善良既人~~!!!!!

人仔貓

我自己年紀是20以上的~我就是喜歡LC版~

車田是男漫畫家
手代是女漫畫家...........

男人畫的同女人畫 ...
Domeki 發表於 20-3-2013 18:22

荒木伸吾同車田正美畫風一唔一樣?
點解冇人話荒木畫風唔配合聖鬥士星矢既~?
反而仲話將聖鬥士星矢表現昇華到另一個境界既~?

鳥山鳴、原哲夫、井上雄彥等等都是出色的熱血漫畫作者，
佢地畫風一樣嗎~?

故事方面，動畫奧汀篇亦不是車田原作，
有人話過佢唔熱血唔好睇打爛聖鬥士星矢招牌嗎~?

所以LC的不足只是純粹手代木及幕後編劇(如有)的個別問題。

若果手代木唔係搞咁多花臣正路D咁寫可能LC都會係一套經典作品！
奈何偏偏弄巧反拙結果毀譽參半.....
莫非正如LC故事東拉西扯握不準重點，目標時常搖擺不定就是現今青少年的寫照?

話說回來，首批在TD介紹LC的人小弟正是其一 (轉眼6年已過...)：
http://toysdaily.com/discuz/viewthread.php?tid=6145
當時都對LC好有期望，點知越畫越唔對路......