港漫討論區 ( 風雲l網頁遊戲 月賺8,000萬人仔 )

mushroom

以下是一位學生哥對於加價的心聲

http://www.discuss.com.hk/viewth ... p;extra=&page=3

正所謂上有政策下有對策,買漫畫都可以抗通漲!!
睇來以後都可能多啲響旺角買漫畫了,因為啲報攤會平一蚊(荃灣就多數買滿$12就送tempo紙巾)

今日在旺角銀行中心既報攤見到原價$48既群俠傳完全版只係賣$45
行過隔離「懶豪放」(朗豪坊)報攤有檔賣$44,再過一檔更只係賣$42
嘩,收少$6一本,真係世界難撈......

原罪

鍾英偉先生出名好創意…所以聽到鐵將會犯咁既低級錯誤真係好出奇…
但諗返刺秦…
又覺得唔出奇羅…

小弟都想龍少好，佢既畫工同分鏡…真係數一數二…
其實我覺得要識講故事既人先可以做好分鏡，分鏡有d似導演既工作。
所以龍少講故事應該無問題。加油呀！

原罪

以下是前漫畫從業員的意見。



其實最主要係嗰時漫畫市道好，錢賺得多自然可以聘用一啲好 ...
mushroom 發表於 17-3-2012 09:40 AM

呢個又有d道理…市場係好古怪既…
不過一定要留意下火鳳，武道狂之詩。

佢地兩本書…打既就一定係持久戰。小弟以前賣過漫畫…
可以話你聽，火鳳開頭係賣得差既…
武道狂聽返d鋪頭講…都係越賣越好…

現在如果你本書係好，一陣就唱通街啦。不過真係要有守既資本…
唔係就好似火龍咁…唉…

mushroom

呢個又有d道理…市場係好古怪既…
不過一定要留意下火鳳，武道狂之詩。

佢地兩本書…打既就一定係 ...
原罪 發表於 17-3-2012 12:41 PM

你賣過漫畫:handshake:

講多D來聽下，係咪舊著龍虎門合訂本好好賣？

原罪

舊著…，唔算…好，但叫有人買…
不如講天下合訂本，真係睇住佢由一至二包（十幾至三十本）
賣到兩本都要回書…
風雲小說點樣無人買…
精品更死…d死人特別版就書屋一定無既。點知過完個漫畫節幾個月…
就質俾你！係「質」！都唔知關天下事定批發事…（類似賣玩具要賣死貨既情形…不過就仁慈d，可以回既…係浪費人力同地方…）
火龍就回左書先有人搵…（通常賣書約一個月，賣唔出就回俾批發），叫人訂客又唔制…

香港漫畫點走下坡…真係自己睇住架…:oh:

火鳳呢…由開頭十本都未必賣得去…到幾十幾十咁返，同埋不停要補。真係睇住佢點樣壯大。
香港人畫既野真係唔好？
最好笑係…好多買火鳳既，當知道陳某係香港人，竟然以為我講笑…
你話出左咩問題啦？:38:

mushroom

舊著…，唔算…好，但叫有人買…
不如講天下合訂本，真係睇住佢由一至二包（十幾至三十本）
賣到兩本都要 ...
原罪 發表於 17-3-2012 05:29 PM

    我地都唔當火鳳係港漫......真係唔知點講，或者係雙重標準，對於不是香港出版社自己出的書，何如龍珠、甚至火鳳，就唔會栗求有彩色，期期打交；但對於本土出的，就要有以上要求，32頁，期期有高潮。

可能大家知道火龍係和仔畫，就會要求返以上港漫特點。

以上都係老吹......因為百份百都叫成功。

原罪

武道狂就行緊火鳳條路…但因為有小說，所以推廣得更易。
而且小說亦因為漫畫又好賣左…
而作者又親民…各樣野加埋…
武道狂小說同漫畫我覺得成績幾好…
但聽講（係聽講），其實漫畫版賺唔到咩錢…因為成本貴…
覺得漫畫係推廣作用，之後成日形住會出game或其他產品先係真正賺錢。

不過唔知啦…都係估估下，總覺得武道狂成件事係好有長遠計劃…同火鳳或其他漫畫唔同…

百分百…我覺得都係守返黎。佢一出其實唔算好賣…但又電影又電視…
佢食理唔睇開漫畫既人（例如：女讀者），呢個市場一開…
劉生畫得幾慢都仲引到人買…可惜真係太慢…唔係應該仲好…而且轉得太多次編劇啦…結尾講真真係麻麻…

港漫係生意…但唔知點解…咁多年都唔轉下模式，黃洋達好似係其他節目講過呢個問題（應該唔係佢自己節目，好似係專講港漫既…）
其實火鳳同百份百成功之後…香港既出版社點解唔轉下形式呢？
火鳳係十年前架啦！十年啦！咩市場調查都出到啦！

所以講到尾…係佢地唔爭氣或者死腦筋…

香港人

火鳳除左本身實力外, 最主要係台灣市場托起左個底, 如果只靠香港讀者就早已收皮...

mushroom

武道狂就行緊火鳳條路…但因為有小說，所以推廣得更易。
而且小說亦因為漫畫又好賣左…
而作者又親民…各 ...
原罪 發表於 17-3-2012 06:52 PM

以下係另一位讀者留言

http://www.discuss.com.hk/viewth ... ;extra=&page=25


    上一代(感覺)百花齊放係因為市場可以容納多幾本炮灰
好似日本漫畫, 同美國 d 戲同 tv 咁
出名既係好堅, 係A 級野, 但仲有更多垃圾野 lor

仲有...唔好再用日本漫畫業同港漫比 ...
港漫係一個人, 一本書, 一個故事, 期期定生死

即使係 naruto 同one piece, 如果要用港漫模式出, 死左百九幾年 ...
本 jump 只係 250 日圓, sell 緊幾多套連載 ?
naruto 同one piece 真係連載咁耐都冇趺過 watt ?
one piece 一場 battle 打幾多期單行 ?
bleach d 連載隨時旺角都頂唔到去太子

唔通叫玉記幾本書 group 埋一本出
要賣幾錢本, 要賣幾多本 ?
抑或好似陳某咁拎去俾東立連載 ?


如果唔係收左火, 真係有排爆

原罪

以下係另一位讀者留言




    上一代(感覺)百花齊放係因為市場可以容納多幾本炮灰
好似日本漫畫 ...
mushroom 發表於 19-3-2012 01:12 AM

:38:市場唔同…策略唔同…
不如講一句無計，全行摺埋就好？

無視火鳳同武道狂，繼續羅，吹下水之嘛。

睇下最後港漫係咪成行摺埋？

所謂黑道書，其實仲勇於試新野…
龍頭兩間反而咁樣…

睇完牛牛轉貼編野…突然覺得自己應該收聲…
幾得意既睇法，仲好有益。哈哈~:78:（牛牛，小弟唔係話你。請勿誤會。）

原罪

火鳳除左本身實力外, 最主要係台灣市場托起左個底, 如果只靠香港讀者就早已收皮...
香港人 發表於 18-3-2012 03:05 AM

    港漫…情況同電影一樣。
個海外市場不停縮…唉~

mushroom

市場唔同…策略唔同…
不如講一句無計，全行摺埋就好？

無視火鳳同武道狂，繼續羅，吹下水之嘛 ...
原罪 發表於 19-3-2012 01:23 AM

收聲，千祈唔好:64:

其實香港討論區，有不同人講野的，有中肯的前漫畫從業員，有評論員(你都引用過)，有資深讀者，佢地都有好多寶貴意見，不過仲有一班只懂鬧，真係講粗口叫港漫收皮的人。我對上引用的都叫做算有內容了。 大家都習慣了有不同聲音，所以不用別人介意的想法。

不過更可悲的是，無論讚定鬧，俾有用意見定沒的放矢，其實漫畫人都唔係好收到。有好多原因，有的係因為市場唔容許，有的係因為漫畫公司的私心，有的係因為公司不夠財力。


其實咁多年，在港漫的討論中，最大得著只係真係有心討論的大大，傾下傾下會對呢個行業的認識更多。

我自己其實有同一個做彩稿的漫畫人提過，武道狂之詩做到落去喎，其實都証明港漫仲有出路。

不過佢唔清楚書數，所以無在呢個話題傾落去。

不過黑白書就可能不用彩稿了...:44:

另外一個我估計學唔到武道狂之詩的理由，可能係大公司有好多「行政人員」，若只出黑白單行本，會養唔到咁多人.....

所以好似佣兵天下咁，根本係Online game的宣傳品，但都只會出彩色潮華版。

近年來出過黑白的，有迷男，同競雄女俠。

KGarnett

上個月新版既鐵將縱橫
唔知大家覺得點呢?

無明:

當然基本技巧係要啦, 龍少就係無好好既故事能力, 亦有一定壓力, 所以雕得太細, 唔敢放...
而且成廿年在玉記 ...
香港人 發表於 17-3-2012 04:32 AM

有解釋…………



我覺得佢地真是有做research.

有看“國家地理雜誌“！！

多其

回復 404# 無明:


    點解有睇discovery channel呀？哈哈~因為d效果？﹗呀﹗今早唔記得買黎睇呀﹗﹗﹗