港漫討論區 ( 風雲l網頁遊戲 月賺8,000萬人仔 )

傲龍未展

未展兄你這些是否全初版
我在荃灣的二手書屋問過，個哥哥仔話初版同第二版封面有唔同
（另小弟要星 ...
聖鬥士JACK 發表於 7-1-2012 08:11 PM

這些全是初版, 尤以天下紀念畫集1的初版與再版分野最為明顯!  初版封面是用牛油紙的.
你有時間至call我啦, no hurry~  :78:

聖鬥士JACK

600期完左好耐，都未出新一期封面畫集

傲龍未展

600期完左好耐，都未出新一期封面畫集
聖鬥士JACK 發表於 7-1-2012 08:59 PM

天下紀念畫集1: 1991年 10月出版
天下紀念畫集2: 1996年 7月出版
天下紀念畫集3: 2000年 8月出版
天下紀念畫集4: 2004年 8月出版
天下紀念畫集5: 2008年 8月出版

所以, 斷估天下紀念畫集6會於2012年 8月出版.  :he:

聖鬥士JACK

天下紀念畫集1: 1991年 10月出版
天下紀念畫集2: 1996年 7月出版
天下紀念畫集3: 2000年 8月出版
天 ...
傲龍未展 發表於 7-1-2012 09:05 PM

4年一次
世界杯，奧運，天下封面畫集:34:

BUSTERMACHINE

回復  原罪


    咁李中興既書大家又點睇？﹗
因為以上既書我一本都無睇，搭唔到咀again，而我第一本 ...
多其 發表於 6-1-2012 10:47

講開李中興
我又想講下

佢俾我個印象就係除左屎尿屁之外就係---技已止於第一本由佢編劇既街霸果時而已!!

點解咁講?
因為由佢編既街霸, 街霸3以至而家既王風雷傳同埋火雲邪神傳
佢D橋都係千篇一律

以街霸同街霸3為例
都係KEN一開始俾人恰, 之後有奇遇突然武功大進<--同一條橋在同一類讀者會捧場既書度用, 我真係唔知佢知唔知個醜字點寫

同埋由街霸至王風雷咁多本佢編既漫畫中, 不乏見到"唔甘心", "意會招意", "比武大會", "XX之戰"等等TERMS出現, 其中最無厘頭既真係王風雷傳裡面講佢去返打死王海蛟果個現場之後再用個頭貼住個地下咁就話領悟到有暗黑冰火呢樣武功.....呢種咁唔合理既橋真係佢先諗到......



至於佢同劉定堅比較度故事方面, 我認為佢真係差阿劉好幾班!!

最經典例子莫過於果時天行社出左本漫畫
故事既第一輯係俾阿劉度既
佢就度哂幾個唔同既國家
每個國家都有佢地優勝既地方
例如政治, 外交, 軍事等等
因為咁所以咁多個國家長久以黎都係互相制衡
咁個故事先可以多方面發展

點知第二輯因為阿劉收度橋費收得貴所以由李中興編劇
佢就度左個武功超勁既人出黎
仲同時間殺哂幾個國家既王將幾個頭掛在榭上
之後故事唔駛講就梗係話班主角圍住條友打啦!!
呢D就係李中興既大橋!!

BUSTERMACHINE

我咪又係, 什麼N色&#39722;氣、X意乜、喊定版, 依家諗返真係覺得好戇居, 仲要去迫餐死&#22021;&#25886; ...
傲龍未展 發表於 6-1-2012 23:05

老老實實
當日我仲以為呢個構圖係許景自己砌出黎

點知原來又係抄既

原罪

講開李中興
我又想講下

佢俾我個印象就係除左屎尿屁之外就係---技已止於第一本由佢編劇既街霸果時而 ...
BUSTERMACHINE 發表於 8-1-2012 12:57 AM

    終於有人回我啦！多謝你呀物仙大大:$
李中興當然唔夠劉定堅黎啦。但佢都算傳奇編劇之一。
係少數港漫講得出名既編劇，強如鍾英偉先生，都係港漫死忠fans先識…

而點解小弟會將兩者相提並論，係相比較兩個都係接近無一套有尾既編劇…
兩個都好叻吸引讀者…
但劉定堅被人非議係同佢合作既人…同讀者無咩關系…雖然會累讀者睇爛尾書…
但李中興就精彩，讀者一路鬧，一路買…王風雷傳差d賣得勁過正傳（定係勁過？）
銷量壓到一切…
小弟覺得一路鬧，先一路令佢賣得既讀者都相當有問題。（真係得罪都要咁講，唔覺得好奇怪既咩？）:?

BUSTERMACHINE

終於有人回我啦！多謝你呀物仙大大
李中興當然唔夠劉定堅黎啦。但佢都算傳奇編劇之一。
係少 ...
原罪 發表於 8-1-2012 04:54

我諗有好多因素D人會一路鬧一路買既

好似我咁
其實我都係一路鬧一路買既人
我買既原因有二
第一係我公司有同事同我SHARE呢14蚊
仲要係佢俾大份我俾細份

第二就係本書既牌頭, 我諗呢個亦都係好多人一路鬧一路買既原因
因為佢而家編劇本書叫龍虎X前傳
所以就算點差都想睇下個故事
因為好多人對龍虎X都有情意結, 所以就算幾唔願意都有人科水


我亦好相信我諗既呢個原因係有八九成準
即係D人唔係因李中興個名買而係因龍虎X個名買
因為之前李中興自資出過一本叫"超合金魂"既漫畫
都唔知有冇3期貨仔就已經唔見左!!

BUSTERMACHINE

等我都寫&#21523;我對港漫前景先
老實講...真係唔睇好...
除左少人買書外, 日本漫畫, 青黃不接, 現今娛樂 ...
聖鬥士JACK 發表於 7-1-2012 15:48

其實而家唔只香港
日本既漫畫市場都係一樣

好多漫畫都係萌系
千篇一律

唔係萌系就係續寫以前賣得既舊作
最廣為人知既漠過於高橋陽一既足球小將
我諗佢大大話話都續寫左廿年(淨係計續寫)
可惜既係佢越寫越差

近年續寫既漫畫仲有星矢(計埋車田自己果本都有三本), CITY HUNTER, 北斗之拳, 劍心等
甚至連舊高達都拎返出黎出漫畫
我真係相信漫畫市場唔好得香港幾多!!

原罪

其實…香港市場同日本就係無得比…
完全唔同生態…
野狼與瑪利都多人讚。

補購都仲好d…如果買二手，和仔根本無更名收入。
其實香港唔係完全接受唔到其他題材…不過要計算得好d。

BUSTERMACHINE

其實…香港市場同日本就係無得比…
完全唔同生態…
野狼與瑪利都多人讚。

補購都仲好d…如果買二手，和 ...
原罪 發表於 8-1-2012 19:18

其實我真係覺得唔應該拎"日本人可以接受唔同題材而香港人接受唔到"呢樣野黎講
因為數量上根本冇得比
日本地方比香港大, 人數比香港多, 所以睇漫畫既人數多香港好多倍
但無論印幾多本
個作者都係畫一次
即係話因為日本每一本漫畫既發行量大
平書數既比例相對香港係較為低
即係如果和仔本戰狼與瑪莉在香港印一萬書但平書數係六千
在日本可能係印十萬書但平書數只係二萬
因為數量關係引致平書數低所以另類題材在日本市場都接受到
但香港就唔得了!!

香港人

其實…香港市場同日本就係無得比…
完全唔同生態…
野狼與瑪利都多人讚。

補購都仲好d…如果買二手，和 ...
原罪 發表於 8-1-2012 07:18 PM

接受題材同肯支持係兩回事, 呢個係港漫迷通病, 話會撐你但你唔係畫傳統港式漫畫十成都唔會沾手...
以前九十年代最豐盛時期, 推出過的超神, 惡神等接近日本式美國風味的精裝書年代, 可算是我地最能"接受"的極限...
當然都要睇大圍環境啦, 而家班青少年都日漫主導, 睇唔起港漫...

原罪

其實我真係覺得唔應該拎"日本人可以接受唔同題材而香港人接受唔到"呢樣野黎講
因為數量上根本冇得比
...
BUSTERMACHINE 發表於 8-1-2012 08:36 PM

    你誤會啦！
所以小弟開頭咪話，兩個市場唔同。

但其實和仔今次野狼與瑪利係一個好嘗試，起碼小弟有買。

小弟亦明白市場大細既問題，小弟係覺得，如果要寫其他題材，出版方式應該考慮下其他形式。
例如都係和仔既火龍，佢係精裝。
武道狂之詩都係…

宣傳費都係一個問題。
但小弟覺得發行回書既形式更影響…

火龍一個月要回書，漫畫店當然唔會入大量。
武道狂開頭都唔會…

但有口卑之後…武道狂就易補書。火龍難…

當然武道狂仲有小說原著呀…等等外力啦…

原罪

接受題材同肯支持係兩回事, 呢個係港漫迷通病, 話會撐你但你唔係畫傳統港式漫畫十成都唔會沾手...
以前九十 ...
香港人 發表於 8-1-2012 10:58 PM

聾貓呀~麥兜呀~
其實都算出到位既港漫。

BUSTERMACHINE

接受題材同肯支持係兩回事, 呢個係港漫迷通病, 話會撐你但你唔係畫傳統港式漫畫十成都唔會沾手...
以前九十 ...
香港人 發表於 8-1-2012 22:58

而家班青少年覺得火影已經好好睇
但我覺得火影比起8-90年代既漫畫就一D都唔掂

再講
而家佢地根本無機會睇阿劉果類S級編劇既港漫
又點會覺得港漫好睇過日漫?
(我覺得文敵都係近年先叫編得好左)


無計
人老矣