|
本帖最後由 vearemember 於 15-11-2011 02:11 PM 編輯
新丁落場… 第一次寫報告, 睇左咁多CHING o既報告之後, 小弟今日都要蒞一個報告回饋一下~
寫得唔好, 請各位多多指教唔好見怪~各位中意o既話請俾個 "讚" 鼓勵吓啦~ ;D
今次SDX首隻巨盒登場, fans絕對捧場, 但係出街幾日只係見到呢隻有零星報告… 唔通今次SDX認真唔掂!?
先蒞全盒展示~
 
 
  
為方便大家詳細了解 機哥全身上下,身體結構, 活動能力又快又直接o既方法, 唔駛講緊係拆俾你睇啦…(真係拆到好似之前食大閘蟹咁拆…)
 
封印狀態, 好一尊觀光明勝~ 有請凌波麗小姐同綻真嗣先生友情客串演繹一下~
封印狀態中好多細節都須要各位落手落更換零件,並非變換… 更換零件唔多, 但更換掀動拆除o既地方略多, 各位需要小心注意:
1)前額及金角等零件鬆散, 請o係穩陣無墜地危險地方進行.
2)足腳等關節硬緊, 可動幅度不太大, 與下半身方面各部鄰近, 更換過程中請小心動及足部, 以免無情力郁動之下與相鄰部份磨擦以致有嚴重刮花磨損.
早前與我觀察與猜想相符~ 機哥o既駕駛倉係可以打開o既, 只不過如果你係駕駛員一上前只有 "面壁思過"... 原因係個駕駛倉設計打開倉門你只見到一面牆, 一個密封o既空間... 另加一個 "屎餅" 騎士GP01... well, 要創新都唔係咁啩... 駕駛倉大可打通, 還原基本又好復古都好...學番以前元祖系列加送一只淨色騎士GP01效果定必好上十部~!
又或者打通駕駛倉, 留待日後推出 "駕駛倉情境補元件" plugin 即可~ 只要上色OK, 即使零 gimmick 零可動內容, 你出SDX魂SHOP限定乜都好啦, 我肯好多SDX迷必定仆到去應投~! 你地話係咪~?
活動能力尚算不錯, 頭部關節為配合駕駛者乘坐而作特別設計, 設計概念特別而又創新, 但係由於有o的複雜, 在此唔多作描述. 可惜亦因此關節設計, 頭部只有水平分別左右轉動只有三十度o既能力…手部足部關節強健有力, 只係我只零件o既關係, o係其中一只大睥有好鬆動o既情況, 不過未至影響擺姿勢動作. 手部只設兩款供各位更換, 更換關節使用柱式插入而非之前源用o既球型關節, 更換起蒞十分方便輕鬆. 鬆緊度還好但可以設計再收緊o的. 手腕關節尚算零活, 可應付大部份須要動作. o係大脾同腳掌都有球形關節,足部活動能力一般, 但仍可以做出前踢, 單腳企等動作. 腰部更可任意作出360度轉動, 唯須注意轉動時小心上半身與下半身裙甲o既接觸以避免磨損甩油等問題.
總體設計如果多些少細節調整, 機哥可動活力必可上昇一級… 有o的可惜…
  
活動能力綜合巡視 – 360右鈎拳多面睇 (有幾可動? 各位請睇睇~)
大劍大盾, 上色都甚好~ 只係盾身色水因為盾身厚度不足,色水唔多夠~ 另由於今次機哥手部質料所用並非用上軟膠, 劍與盾插上手都有難度. 而且因為劍柄o既造型, 劍柄插上手部時要先拆劍柄尾, 完成後再插番零件收尾方可.
(因為過往經驗, 雖然未有我發生擔心o既問題,但有一點要留意, 因為劍與盾以及手部都係上色件, 長時間攞住劍盾可能會有溶油o既情況. 如果有錯, 唔知有冇師兄可以排除一下我心o中既擔憂…)
 
  
SDX 騎士系列大合照
俾左一只金牛有多買呢只SDX, 你話抵唔抵買值唔值得? 只有買對絕無買貴~! 作為sdx少出產,QC參差,分分鐘頻死而停產o既第一只亦可能係最後一只巨o既大級別出品 , 今次o既質素相對甚好(縱使我開盒後仍有些少不為明顯上色o既小問題). 機哥不愧係機哥, 合金部份雖然唔多, 但捧上手時你可以感覺到佢o既份量, 大概都有一支1L可樂~ 不過因為有前額易鬆易跌, 下半身零件緊密而郁動時容易刮花身上塗漆, 玩起機哥需要小心奕奕變得真係無咁盡興… 不過我仍然願意攞銀包出蒞支持一下, 放一放因餓左好耐SDX而出o既瘀血~ 如果你係SDX o既支持者你點可以少得機哥坐陣你屋企一角~? 任佢SIZE再大, 我相信你仍願意抽出空間俾佢展現一下SDX們 o既英偉一面~
最後同場加映~!
(搞左大半日終於出左第一份TD玩具報告, 希望各位中意o既話請俾個 "讚" 鼓勵吓啦~ ;D) |
發表於 30-10-2011 23:55:04
樓主
發表於 31-10-2011 00:25:35
