【幪面超人劍】小談

davidki99

回復  老文


我點都會搵時間完成【響鬼】，到時再同大家傾~~~


我唔多覺阿極陀會「拖」，當Anothe ...
Garycharm 發表於 25-10-2011 02:18 PM

電王我都覺得悶喎
個故事我認為唔得, 零王同家姐o個度實在睇唔明, 可能我蠢啦
但睇異魔神係幾攪笑既

davidki99

阿極陀會覺得「拖」，係因為好似每集都解唔到謎.去到好後段先解.每星期一集..等到唔想等

古加「謎之一集 ...
老文 發表於 25-10-2011 02:32 PM

古加謎之一集係咪黑金點比零號打敗o個度?

尾二o個集(好似係) 完o個陣黑金對零號
諗住下集打甩比
點知下集一開始已經講黑金輸左, 仲打裂左條腰帶 (都係好似...)

老文

回復 17# davidki99


    果集開頭用左好短時間交代左,播歌之前..用鏡的碎片反影作交代..大大可以睇多次..(呢個我都覺得係一個好成人既拍法,一個火海死左好多人,古加唔夠打仲要烈埋腰帶,那種絕望感好強).我自然極之欣賞..:shy:

Garycharm

電王我都覺得悶喎
個故事我認為唔得, 零王同家姐o個度實在睇唔明, 可能我蠢啦
但睇異魔神係幾攪笑既
davidki99 發表於 25-10-2011 03:00 PM

電王勝在熱鬧好睇，不過缺點係追看性唔夠，
呢個就係我話電王劇本不足地方。
你真係可以唔睇幾集，都完全追到，冇影響。

不過如果考慮到每星期先播一集、呢個策略可能相對聰明。

對細路o黎講，每星期定時定後，就有一套開開心心、色彩豐富（電王場景畫面色彩特別光明鮮麗，甚至超越戰隊片集）、唔多駛用腦o既超人片睇，已經好夠。

當然，本片成功還有好多因素，最重要係「異魔神」（意像人？說慣了~~），好演員好聲優，將幾位異魔神定位到好似自己朋友咁。每星期扭開電視，你跳上列車，就可以見到佢o地，睇到人好開心。

男主角演技係拉打主角有數的讚，不過，對我o黎講，
剩係睇「家姐」，已經夠飽喇~~~~~~

:D:D:D

老文

可能我想rider都係比教like佢成人向多d..因為由昭和1.3.4號開始..都係悲劇英雄.

Garycharm

回復  davidki99


    果集開頭用左好短時間交代左,播歌之前..用鏡的碎片反影作交代..大大可以睇多次. ...
老文 發表於 25-10-2011 03:11 PM

如果係電影版，呢個處理完全可接受，
不過拉打電視劇節奏相對較慢，呢集忽然大改節奏，
一下只離開大家o既期待，
難怪大家唔適應~~~
:76:

老文

回復 21# Garycharm


    不要緊...証明左真係大家口味唔同,各有所好嘛:shy:其實要講謎之一集..響鬼中天美晶變身後果集先夠迷離:34:

Garycharm

可能我想rider都係比教like佢成人向多d..因為由昭和1.3.4號開始..都係悲劇英雄.
老文 發表於 25-10-2011 03:18 PM

當然啦，如果唔係，我o地一早走o左去睇戰隊~~~

電王其實仲元有好多亮點，
一個零洛斯，要用其他人對自己o既記憶去換取變身次數，
已經又有型又浪漫，
型死~~~~~~~~~~~~~~~~

可惜呢個設定到最後有少少 keep 唔到，不了了之，
我成日諗，
如果零洛斯最後用盡卡片，
要動用自己o既記憶去換取變身機會，
一定更型！！


講返【劍】，
老文兄有冇睇過劍劇場版？

保證夠大人向~~~


....起碼前半段.....

老文

回復 23# Garycharm


    戰隊都OK好睇架..至少唔洗諗.,多數集集清.沉重既氣氛好少...:77:

老文

劍劇場都睇左了前半段到志村純一變身都好睇呀..後尾又係個人理由覺得麻麻地囉:35:

老文

回復 21# Garycharm


    這個你可以咁睇...因為零號太強..基本上一出手黑金古加已經無還手之力,咁場打鬥又點會長呢?(用來表示零號已經變至極強,留雄介生口只為要找對手,為戰而戰,為殺而殺)而攪到四處火海死傷無數亦只為激發雄介變得更強..之後雄介用了2集時間來夜雨中交代身後事....如果細味果幾集..我覺得真係拍得好出色:64:..可能就係覺得古加出色..到後面所有RIDER劇都有所不足<---我認我偏心:35:

原罪

嘩！你地一個下晝就傾左幾套拉打？:50:

小弟係acg區開既拉打區又唔見你地入去傾下…嗚嗚嗚…:63:

Garycharm

嘩！你地一個下晝就傾左幾套拉打？

小弟係acg區開既拉打區又唔見你地入去傾下…嗚嗚嗚…
原罪 發表於 25-10-2011 11:23 PM

我 o岩o岩睇完【劍》，
本來想開個新 post 專傾【劍】嘛，
入去你個post ，好難吸引人專去就「劍」討論。

不過，呢個 post 玩多一陣，我熱情減退，其實唔介意版主大大將佢 combine 去你個post ~~~
:)

玩具

認真
我其實麻麻地鍾意睇拉打片
因為拍攝手法問題
所以我好多套都無睇晒
( 我係鍾意拉打 ! 但唔係話咁鍾意睇拉打劇 )

我比較鍾意現實向 / 悲劇英雄 / 黑化多 D
一係就另一極端電王 , 擺明細路擺明極柴娃娃 , 我都覺得好好睇

眼訓打住咁多先..........

原罪

其實無所謂，有人傾下不知幾開心。
見魔術師大大你千字文，千字文咁寫…

我就正正經經寫多次對劍既感覺。

外型：平成黎講…我對劍系列係無咩好感。其實佢要仔細睇先覺得精細，好多位做得好靚，係我後黎買左本拉打40周年寫真，先覺得…
但初初睇，係覺得唔知想點…
用色，似高達。
造型，又係獨角仙…
仲要再次玩卡…
各樣野都討好唔到我…（唯一真係覺得靚係king from。係平成一片最終型態肉酸既情形，佢係其中一個例外…）

故事：
有等於無既「職業超人」…第一集已經倒閉既公司，我唔明點解仲用呢個做宣傳。
演員們，除左相川始，角色可算大部份都唔討好…
全部都唔知係套劇度做咩…
扭扭擰擰，時忠時奸，時正常時暴走既階磚…俾我感覺好小人，剩係大聲，同時執下死雞，同扮型，孔雀怪人仲搶鏡過佢，可有可無…
梅花…出場時風雲變色，一個打幾個拉打。以為惡過王蛇，點知…當個人有返意識…招又無咩，卡又少過人…終要嚴重弱化…你究竟係咪惡役超人？還是過場閒角…
劍崎…唉！…唔知佢靠咩過活既拉打，打既理由唔充份，唔打既理由亦係咁…
係TV結局救返佢…
選擇成為怪人，感覺係全部角色中，係undead呢種怪人，同joker既存在之間諗得最深入角色。佢真係諗過辦法去解決件事…
但…佢值唔值得咁犧牲呢？永生啊…有睇過高橋留美子老師既人魚系列，我包佢唔會咁做，係會揀劇場版既方式解決。
而如果話佢係為左相川始既友情…
其實全套劇，佢地既交流，或者相川始人性一面，劍崎應該認識唔多…為左一個唔係幾熟，仲有口齒印，打過交既朋友，選擇唔做人？
劍崎睇黎一直唔想做人羅…

怪人設定又係奇怪…不死獸…應該只可封印，但…睇到人造不死獸那集，就發覺力量夠強係可以KO…咁你攪咁叉多野做乜呢？

全套野奇奇怪怪…但唔知點解睇哂既拉打…唉…（平成最討厭拉打，佢一定係頭三位，第一一定係decade:*無敵架啦！無可能有野超越到佢！）