hottoys 超人 換貨經歷

kafai1978

我有一次換Mark5仲好笑，機本上成隻都要換，對答如下~
職員：先生，你隻Mark5有咩問題？
我：機本上成隻都有問題。
職員：我開過盒俾你睇。
隔左一陣....竟然係一盒開過o既。
我：點解開左o既？
職員：呢盒係之前客人換過parts o既。
我：是但啦，開黎睇下先。
隻Mark5竟然係六神合體....!!!!
我：呢盒唔得，開過盒黎睇呀，唔該。
職員開始黑面，但都開過盒全新俾我。
但全新o既竟然....黑線出晒界，膊頭有一邊無上光油，心口塊甲合唔埋，有隻腳"##Fing"，
我相信幾無要求o既師兄都接受唔到。
我：呢盒都唔得，可以開多盒嘛？
職員：呢盒有咩問題?(黑面+態度差)
我就將情況講俾佢知，跟住佢又好唔願咁去開多盒，但惰況都係差唔多..!!!
我：呢盒都係咁，係再開多盒俾我揀啦。
職員：公司規舉，換野只可以開三盒(態度極差)!!!
我：咁你盒盒都係咁樣，如果開三盒都係爛o既，我係咪要硬食??(開始火滾)
我：再講，其他人換過o既sad貨，你就俾我揀，當開左一盒，人地無問題都唔換啦..!!!
職員迫於無奈再開多盒俾我，其實情況好o的，係隻腳同一邊膊頭爛左。
我：呢盒都唔使我講有咩問題喇？
職員無言....
我：你公司規舉開三盒，我唔難為你，咁我就響呢幾盒揀parts，你同我砌隻出黎。
如事者，終於砌到隻接受到o既(我唔係完美主意者)
後話~經過呢次，我發覺對住佢地，佢地咩態度就用番咩態度對番佢，甚至更惡。
唔係話俾錢大晒，我只係覺得俾千幾銀買隻玩具，唔應該得到咁o既對待o羅...!!!

initial

e+ 3A開始抬頭, 希望EB再加把勁. 到時HT可能feel 到有威脅會做返好d

good886

將有問題既東西, 您換比我, 我換比您, 或者有問題的砌埋一件, 用不幹膠貼紙貼返又當冇開過, 睇下跟住邊個唔好彩.........................

BigOil

又唔係全部差ge，有幾位都ok！有位四眼型形髮哥哥，好有禮貌喎！
但我有次見到有個幫個換貨ge員工，因客話mark v面有問題，佢响櫃攞咗塊布去抺，但果塊布好似好污漕！想諗”唔係嘛”！
但而家d QC，仲sad易中六合彩三個字！

candyman

肯比你換都好啦∼ 黑面好過唔合作唔比你換呀！不過有C HING 講話高薪請EB妹妹來都係好方法；即使妹妹係人家老闆的親妹妹，叫佢嚟幫手train人都好啦！

emilykls

肯比你換都好啦∼ 黑面好過唔合作唔比你換呀！不過有C HING 講話高薪請EB妹妹來都係好方法；即使妹妹係人家 ...
candyman 發表於 17-10-2011 02:05 PM

如果真係請EB妹妹過黎,到時態度可能180度轉變,幫手趕下客都好,話晒同親大佬係死對頭,或者過去做無間道~

老孫

又咁既老闆  就自然又咁既下屬  你地都唔係唔知陳生d野啦

neo.L

e+ 3A開始抬頭, 希望EB再加把勁. 到時HT可能feel 到有威脅會做返好d
initial 發表於 17-10-2011 01:12 PM

其實HT同3A都好友誼吓,係睇HT有得訂佢D野都知....
但HT同EB真係水火不融,可能係做既野似,但可能更大既係EBBILL成日串HT既關係.....

seals

剛取貨，但仲未開盒，今晚拆來看看QC有無咁差！:38:

chungcup

而家D HT野， 真係遲D拎仲好

emilykls

雖然我係第一批訂,不過應該都唔會第一批就拎,除非出貨兩星期都無人上黎插啦.......

新手mm

其實ht員公要知道無問題的話,,,,各玩家都不想去煩他們,,
去到這裡換貨,,都不知幾大壓力同勇氣!!好驚見到黑面的人
只是件玩具成千幾蚊,有問題先去換姐...