|
|
|
本帖最後由 Getterdragon 於 12-9-2011 01:17 AM 編輯
次次玩具店開倉我都無去, 今日我都無去!
最初看完FaceBook的通告, 已經係覺得去俾人玩,多個去購物.所以唔會去, 內容如下:
開倉位址在葵涌大連排道附近，
正確地址將會在9月10日中午於FACEBOOK公佈。
下午30幾度叫人企係街度等, 地點唔知, 時間唔知 (話就話 2:00PM 公佈),
做左咁多年人, 我真係未聽過去俾錢買野,竟然係唔知地點係邊, 要到時先話你知,隨時on-call !
( 派米都知時間,地點啦! )
"野外定向" 都有目的地! 講真免費送俾我都唔會去,
又唔係等佢開飯,真係唔想為左那 少少錢連骨氣都輸埋.
(之前都有好多人講過, 好似向佢乞咁! )
點解都仲要去呢?
再看完今日FaceBook的報告, checkpoint 形式講地址
逐個地點貼出來, 點你去呢度,又點你去個度, 成班人個個睇住部電話, 出一個Message, 行一步, 追出馬路, 幾聽話呀!,
(仲有成班人見到二少跟蹤佢, 以為有得執, 人地笑你傻仔 詐!)
上去熱到中暑, 一條走廊逼滿成班男人,可想而知空氣幾咁難受.
(好在無意外發生, 如果有人唔生性食煙,燒著左野都唔知點算!)
講真我覺得今次開倉目的主要目的唔係 "散貨換錢" , (你估頑仔好等錢洗咩?)
係玩班炒家, 玩d想掃平貨的同行,
至於一心想買平貨的玩家, Sorry ! 我覺得唔抵幫既,人地上面的通告擺明玩野,為左貪平都仲要去,怨得邊個.
況且唔係第一次,上次開倉都玩野啦,晚上開倉,臨時又改時間,改秩序,
前車可鑑 , 醒目的,都唔會去,要怪就怪自己貪心 law !
所以有好多人話:
1.今日過程之中, 有好多地方可以改善, 如果人地講得好, 可以參考及加以改進.
2. 依家唔係服務上既問題，係安排上既問題...
3.強迫參與者玩野外定向, 過了所定時間很久都不更新, 籌都派完了, 仍沒有履行承諾在下面張貼指示
4. 說好了為了沒智能手機的人會在附近張貼指示, 但最後呢?
5. 即使有意外發生,就要想辦法去補救,而唔係諸多解釋
我覺得真係多餘既,
玩人者: 擺明係玩野, 仲要預先講明, 都有人中招, 有什麼好改善,
被玩者: 俾人玩完仲要幫人講好說話, 幫人遍埋藉口, 有什麼好說.
FaceBook 講到明, 真係好想要又有心買 開倉前就黎我地度用現貨價買
擺明開倉主要唔係做生意啦!
如果要咁受氣, 先買到呢d玩具, 用到呢d價錢!
Sorry ! 買到返屋企, 我都唔會開心 (玩家而言, 炒家另當別論)
自己被人玩, 先玩到玩具.................!
更別說 post 上來 "耀武揚威", 講點樣執到平貨,
背後付出的代價, ,(時間, 尊嚴, 健康, 人身安全) 遠遠多過那些優惠
去的人有無認真想過先!
原諒我係咁直架啦! ( 出自少林足球) |
|
[複製鏈接]
發表於 11-9-2011 01:58:41
樓主
