小兵見其功~TF MOVIE3 COMMANDER CLASS~完

warxv

之前的雷神3.75,我在好幾間玩具反斗城也見不到,只有在尖沙咀那一間見過.

那時我在想,HASBRO是不是打算將所有精力放在TF3孤注一擲??

而留意到新的X-MAN電影版更甚至連一款玩具也沒有時,那感覺更強...

如果真是的話...那看來他們今次可能有點麻煩了...

點解??下一回再說.

~~~~~~~~~

首輪TF3系列玩具之中我入手了兩隻L級,V級,D級各一,而我覺得最有趣的竟是這幾個C級(COMMANDER CLASS,3吋左右)的小傢伙,這真的連自己也有點意外...

如果不是因為打算送比小朋友玩,可能我也不會遇上這班小傢伙.

先來鐵皮(IRONHIDE)!

產品名稱:CYBERVERSE Commander Class IRONHIDE

生產商:美版當然是HASBRO了!

生產年份:2011年

美金建議零售價:US$7.99(有點...)

我連自己都唔明白點解會入手的一隻...

看相片可能會覺得頗有動感,可動性應該不俗吧?

錯,其實他可動性算是4款中比較差的,只是剛巧可以擺出兩三個不錯的姿勢,再多也沒有了.

但外觀卻不俗,雕刻線條乾淨俐落(幾款C級的雕刻線條都有一定水準,看來在模具的造功上甚至比D級,V級更好.).

鐵皮好玩的地方在變形,簡單得來有點小機關,算是4款中較特別的.

玩起來還不錯的一款,本來送比小朋友的,現在自己扣起了.

~~~~~~~~~~~~~

之後今次TF3的重要角色御天敵(SENTINEL PRIME),

未知電影中有幾重要,不過對於買及賣玩具的朋友來說,他可能才是今集的主角.

頭部的雕刻我覺得比L級更合眼緣.

產品名稱:CYBERVERSE Commander Class SENTINEL PRIME

生產商:HASBRO

生產年份:2011年

美金建議零售價:US$7.99(同樣有點...)

跟鐵皮反過來,相片看不出什麼動感,但其實基本關節也有.只是腳掌設計有點問題,重心有點後傾不易站穩.

身形方面手長腳長,身體又有點短,說好就不會了,但看來還不難接受.(又想對這個三吋釘來說不應太苛求...)

有刀有盾,而且變形後也可以完全收納.

變形就跟之後會介紹的老文,老麥用上差不多的公式,要說可能沒什麼驚喜,但想想在小小又四四方方的車身可以變出這樣的機械人外形,心思可不少的.

同樣本來送比小朋友的,現在自己扣起了.

(那究竟最後有沒有那一件會送出去的??有,應該有的...)

warxv

上回講到我對今次TF3的玩具不大樂觀,原因何在??

第一,不論是買的還是賣的,新手還是老玩家,到今次都可以用一句說話去形容對TF3這系列的心態"文蜂喪膽",看到一堆大黃蜂及柯柏文,不要說外觀上質素不如TF2的,單是一副老模樣已經有點倒胃口了...

第二,雖然仍然有分L,V,D...等級數,但V,D級呎吋都明顯縮細了,但價格可沒有任何折讓.再說不只呎吋有些是連設計也有降級傾向的...還有那什麼鬼MECHTECH,我之後介紹V級時才去罵.

第三,玩過朋友的幾款之後覺得除去一些"害群之馬"其實TF3系列中有些玩起來是頗有意思的,但就外觀及價格定位實在有欠吸引,就如這次介紹的4個傢伙,如果不是想送比小朋友我又怎會入手這系列??

第四,可能是最大的問題,就是一眾玩家已經經歷了之前兩次電影版的轉色再轉色的,再良再改良的洗禮,多少已經練就了心如止水的境界...

我想如果電影吸引的話應該可能重現TF 1時的光境,否則...

願玩具大能與孩之寶同在.............

~~~~~~~~~~~~~

繼續看看頗有趣的COMMANDER CLASS!

又是他!永遠的領袖,宇宙最邪惡,以犧牲同伴上位的柯柏文!!

產品名稱:CYBERVERSE Commander Class OPTIMUS PRIME

生產商:當然是HASBRO了!

生產年份:2011年

美金建議零售價:US$7.99(這個玩起來之後想還算可以接受...)

幾款中我覺得最好玩的一款.

公仔細細但雕刻也相當精緻.可動三吋釘來說是很不錯的了.

外形也算有神韻,有雙槍,背包飛行翼有兩個安裝方式.

這麼細小的傢伙有這樣的設計算是很高水準!

變形!!

簡單又未至於太直接的反起來就算.

車形不錯,不會比D級的遜色.

還有飛車形態!

這個之後會送比小朋友,我只打算扣起飛行翼好了.

因為之後有貨櫃版的推出.

(你看又是上面說第四點的問題!)

~~~~~~~~~~~~~

最後是他...一個受詛咒的名字~麥加登~!!

總是被無情的命運捉弄(OR是更無情的編劇們捉弄),軀體一次又一次被凌辱,今次更淪落到跟死敵老文同樣變成貨櫃車頭...唉,真叫人唏噓呢.

產品名稱:CYBERVERSE Commander Class MEGATORN

生產商:HASBRO

生產年份:2011年

美金建議零售價:US$7.99(感情問題我覺得值!!)

可動不俗,外形也不俗(設定本身就有點怪怪的,這可不是他的責任).

但不知是否連生產廠也看不起他,他整體的造功比文哥差了一級...這問題在V級時同樣發生!果然是受詛咒之名...

(我一般說造功是指夾口處理,花紋雕刻是否俐落,線條夠唔夠直,啤件質素,裝配,上色質素等問題.)

有一對由油缸變成的隻槍.變成之後也可以合二為一!!

變形!!

裝上油缸之後有點Q版車的感覺...

堂堂一代梟雄變成了Q版車......真唏噓...

這兩個死敵跟鐵皮的配件可以互換的.

我對老麥絕對有愛,不過也是送了給小朋友,

因為之後又有拖架版本的...

剛入手...應該是剛推出未有兩星期就已經有新版了...

我想TF3如果銷售上真的有什麼題,孩之寶可怪不得客人的...

常威

仲有兩隻呢？:63:

warxv

回復 3# 常威
我都估唔到介紹幾隻三吋釘都要分兩次出...仲有成30張相...

Grimlock

very good small item!

wwh

好正, 睇到我都心思思~

gumng

可能玩過v class ver, 當我入咗呢set 細文麥後，就十分後悔！

gabriel

反而買左 powerglide & blackout 先
要遲點入這 4 個

反正我係玩開 legends 的
一想文因為配件而要買 3 隻...

36韜

隻鐵皮好似好好玩...不過...咁細隻...我又唔多想開多條 line...矛盾中...

玩具Kenny

其實造得幾好
係貴左D囉

手榴蛋包飯

Blackout和Powerglide等數款小兵其實都挺不錯呀, 感覺就是只欠頭部可動而已~
價格嘛....感覺真的貴了點啦, 但...用愛無視吧, 反正現在什麼都貴了...

紫月葵

ironhide支炮果兩支connector pod應該切番短少少，咁就可以插得入晒，官方當時果隻既據聞就係有短d既cpnnector pod

另外兩隻weapon base、powerglide同blackout呢？

原罪

等睇後續…之後一次過回。
小弟反而成機買回TF2既玩具，因為覺得出新電影，舊既果然跳價。
但睇圖…其實2既已經好正。
果然好玩，而且因為平入…第一次參考呢度既版友試下銀油干掃…
結果係…整污糟同整花左咁…不過過程好開心。
好耐無玩得咁痛快…遲d得閒小弟應該會貼相，等大家笑下。

warxv

Grimlock:
單講造功我覺得比一些D級更好呢!

wwh:
可以考慮下的小玩意,不過如果唔心急的可以等等...

gumng:
我都玩過V級,玩起來幾唔同的兩樣野,比我再選擇都是兩個系列混著買.

gabriel:
我本身諗住比小朋友,當然搵D佢地熟悉的老朋友啦.
老文我都會入隻貨櫃版的.

36韜:
唔急就等等囉,看來都幾大機會...

玩具Kenny:
貴左都唔只D的程度了.

蛋包飯兄:
價格都真係有點...過度進取!
小兵看來都OK,只是未有全系列入手的豪氣呀.

紫月葵:
真係無想過CUT短條柱WOW...回去攪攪佢.
本來諗住送比人的,所以唔會全SET入手了.

罪兄:
TF2的玩具可能,可以說是登峰造極,點解??TF3的玩具就是解釋...好多角色都是3不如2的.
乾掃銀油筆一定要夠乾,好乾,乾到掃出來唔似有色的,咁再慢慢掃,係要慢功出細貨的,當你有所掌握時就可以濕少少偷快D.
其實對眼有時會扼你的,乾掃當你見到明顯有色時應該都已經太遲...
如果已經太重手其實都可以再執執,用跟原底色的顏色再掃一次,但都係要重手D的,之後再輕掃一次銀油.
如果有花紋在底又唔想無晒,辛苦D勾一次花紋再掃底色.

紫月葵

Grimlock:
單講造功我覺得比一些D級更好呢!

wwh:
可以考慮下的小玩意,不過如果唔心急的可以等等...

...
warxv 發表於 1-6-2011 10:32 AM

youtube個peaugh佢好中意ironhide，呢隻佢買左兩隻，其中一隻佢就幫佢做左呢個小手術，即係成隻無論車形人形都靚仔晒，車形隻炮冇咁"上"，人形支炮冇咁"凸"
咁不如送比我啦XD

順帶一提，雖然cyberverse d base可以連埋(回歸g1玩具風格)，但據聞BB同SS果兩set無輪本體定個base都有好多flaws