老婆語重心長的勸告, 來個終結敗家玩玩具的歷程 (多字少圖, P3更新加圖)

westtung

小弟玩玩具的時間不算短! 當然比起一D大大們0黎講又唔算十分長. 不過已經敗家到非常!

小弟都算出身於小小小小康之家, 細路時亞爸都買0左不少玩具俾我, 舊版0既金毛獅王, V形電磁俠同銀河旋風我都有! 不過細路時唔識珍惜, 全部斷手斷腳收場! 後來亞爸生意唔好, 就冇再買玩具, 最想要0既RIDER一隻都冇 .... 記得有一次同家人行街, 見到一張由一號到RX一字排開0既POSTER, 我同亞爸講想買晒咁多隻RIDER 0既玩具, 亞爸話買張POSTER俾你就得! 唉.......

大約10年前左右, 唔係太記得實質時間, 我十分投入裝著變身! 因為RIDER嘛! 根本係出一隻買一隻! 之後又愛上SIC, 重記得當時出到了VOL 9,  咁0岩出0左BONUES, 立刻追反VOL 8 同 7. 之後又係出一隻SIC RIDER就買一隻. 神話當然唔少得. 出到獅子座之後又先追入5子! 都係出一隻買一隻.....

之後細屋搬大屋, 再由賣大屋租細屋 .... 個玩具櫃當然都係由大櫃變細櫃! D玩具擺得密質質....  眼見D裝著, SIC同神話係咁出, 根本冇位再買再儲再擺,  而當時唔知點解鍾意0左玩戰隊食玩! 一口起放晒裝著, SIC同神話 ... 用放玩具沉醉於戰隊食玩! 最敗家係0係日本牙苦BID 0左隻全新0既光戰隊食玩 ....

SHF 0既出現.... 又令我出一隻買一隻..... 加上出了合金魂六神, 開始入埋合金魂火坑 ... 不過因為價錢0既問題, 又未之於出一隻買一隻 .....

之後好彩可以由租細屋買返細屋 .... 玩具櫃大反少少好HAPPY!  ... 睇TD俾大大D12吋ULTRAMAN毒到! 又心郁郁PAT PAT痕想玩0下12吋 ... 又放晒D SHF, 0係牙苦追入D12吋ULTRAMAN, 記得老婆問起: "嘩! 咁多隻, 幾$?", 我話: "全部都係二手, 好平, 都係二三百蚊隻!" ..... 其實一隻HYPER HOBBY ULTRAMAN 80都二千幾啦! 最慘0既係, 老婆信真係二三百蚊隻, 有一日放工返到屋企, 見當時3歲0既仔仔攞住隻HYPER HOBBY ULTRAMAN 80 0黎舞! 心都實埋! 老婆話: "二百幾蚊0者! 俾返3百蚊你買過隻!" .........

以下係剛剛追入D12吋ULTRAMAN時執好0既玩具櫃.....





可見到連JOJO可動, 轉輪北斗同CM BRAVE都玩埋了!

之後對SHF念念不忘, 放晒D轉輪北斗, 又一次入手SHF:



可見到連HT都玩埋了!

又係睇TD俾大大D12吋毒到! 今次係RIDER, 放晒DJOJO可動, SHF 同HT BATMAN, 換來8隻12吋RIDER,同剩返DD錢 .... 不過冇幫12吋RIDER影相.... 以下張12吋ULTRAMAN最後留影算係影到少少少少少12吋RIDER ...

見到D12吋RIDER冇?!

HT PREDATOR .... 冇買, 因天價.... 玩0左NECA同MCFARLANE果D!

當時已入埋HT WM .... 有一日, 我姨甥仔上0黎屋企, 睇完D玩具, 問我有冇訂埋HT IRONMAN IV 同 VI, 我話有...跟住姨甥仔好快咁問 ----- 幾$呀?! 嘩....咁SENSITIVE 0既問題, 老婆又係側邊 ..... 只好話... 唔平0架! 5百幾蚊隻!  姨甥仔好似想我死快D咁講 .... 咁平, 我見過D  ULTRAMAN都好似過千一隻喎 ..... 我心寒一寒, 偷望左一下老婆! 咦! 出奇地冷靜! 立刻補一句: 二手, 好平, 都係二三百蚊隻!

食完飯, 我同老婆坐0係梳化陪亞仔睇ULTRAMAN DVD! 老婆問: "乜IRONMAN6號5百幾蚊咁平0架?!". 我心又寒一寒, 心覺不妙, 都係講返老實說話: "梗係唔止啦, 成千蚊隻, 唔想俾姨甥仔知幾貴之嘛!", 老婆話....  咁D ULTRAMAN都唔平啦! 我無言... 之後話: "幾百至千幾啦 .... 費事你知道咁貴嚇死你" ..... 老婆話: 嚇過啦, 不過係尋日.....

原來佢想送隻MARK6俾我....自己走0左去HT想買..... 諗都冇諗過冇現貨要落訂仲係要差不多千五蚊一隻 ...... 我心想好彩最後坦白從寬! 唔0係死多9錢重..... 跟住老婆話:

"老公, 雖然係負擔得起0者, 不過成千幾二千蚊一隻膠玩具值唔值呀?! 又唔係久唔久出一隻, 個個月都出一隻咁"濟"....你又唔止玩大隻果D! 一個月"未"可能用幾千蚊買玩具? 間唔中一隻貴D冇問題! 唔好太瘋狂啦!  .... 以前你玩果D乜乜C未幾好! 細隻D又慳地方D! 又唔洗隻隻過千蚊! 仲有呀! 玩返超人同機械人算啦.... 唔好玩怪獸(佢指PREDATOR同ALIEN)啦! 好核突! 亞仔同我都唔鍾意!"

唉 ... 老婆語重心長的勸告 ... 冇理由唔聽.... 但係都同佢解釋一下

"呢D係俾大人玩D玩具, 唔係話好似亞仔D幾十一百就買到! 得啦.... 唔會咁瘋狂0架!" 之後我就放晒D12吋RIDER, ULTRAMAN 同D PREDATOR & ALIEN! ........ 留返D合金魂.... 再想清楚, 自己都係鍾意JOJO可動, ULTRAMAN鍾情0左ULTRA ACT, 而RIDER都係SIC好D! 所以用放晒D12吋RIDER, ULTRAMAN 同D PREDATOR & ALIEN 0既$, 慢慢係牙苦搜尋D玩具入手.... 一個月用少少人工加上放晒D12吋RIDER, ULTRAMAN 同D PREDATOR & ALIEN 0既$補貼入手兩隻....放晒D12吋RIDER, ULTRAMAN 同D PREDATOR & ALIEN 0既$到依家仲有剩..... 又覺得咁買玩具幾爽喎..... :



手機粗影, 請見諒.... 最新當然係金毛獅王合金魂... 老老實實同老婆講買0左幾錢... 老婆竟然話... "我認得依隻.... 不過唔記得乜名... 咁大隻咁重手... 又可以結合分體.... !%XX ...唔貴喎"

聽到放心晒! 不過放晒買返...放晒買返咁多次, 諗反起都幾敗家 ... 所以如果我再放晒手頭上D玩具的話, 應該係我唔玩玩具0既時候了!

iamfinethankuuu

哇!!你有好多櫃喎師兄!!快d填滿佢!!

Aunbis

你有一個這樣的老婆,應該十分幸福.......:77:

toycoffe

大大 ....甘 ge老婆, 去邊度搵 :71:

latu

講真, 大大你老婆真係唔話得....

DDDragonball

我同你差唔多，不過我決定只儲十二吋figure and 合金魂only

weio_o

lz放晒又买其他咁样换血好多次,好似皇马咁买人....犀利

多其

真係咁好既老婆邊度搵呀﹗最杰既係個ultraman畀個仔舞緊既心情﹗
試想想大家既神話畀一個小朋友拎住既感覺丫拿…我個心都涼左一截﹗
大大，真係慳d錢，買d野送畀好老婆畀佢開心一下啦，(佢開心你就可以買得放心啦~)

呂品器

其實，女人有好多時都好包容 :$

吳廣德

比著我老婆...放左d 12吋...然後入返個LV比佢...

逆天原罪

你老婆真好~我就未有老婆~但我老媽日日叫我賣曬D玩具~平均1日會聽到3次:55:

humanspider

其實認清目標主買一個系列就好了....

大大咁瘋狂都係比呢度d大大毒到既...haha

gazza1211

又買又放再買再放，大大賺到錢，無所謂啦。

山吹老師

好有身同感受.到左我地呢班70年代嘅中坑用心玩玩具嘅時候,家庭先至系最重要.以前我都有瞞住老婆唔比佢知放系屋企嘅玩洗左幾錢,每個月用咗幾錢買玩具.而家中意先買.慢慢將收入交番到老婆手上.:79:

cchong420

westtung 兄好耐無見啦:78:
果然係每個人都有一個故事:55:
恭喜你有個好老婆:77: