筋肉人友情血盟軍專區(分享日本kin 29 shop 大阪筋肉人特設會場)

keve0223

其實比例係咪有啲問題呢？不過兩隻我都幾喜歡！

keve0223

之前angelheart兄說出浪曼堂有幾隻好玩的精品，本人亦有十幾隻心水！

1）阿修羅六騎士ver之前講過，心中no.1
2)長毛象人基本上叫精品，有關節有皮草衫，而且啲毛毛仲要幾柔軟以當時技術真係冇說話講
3）限定品筋肉巨人隊中堅魔像人，兩個字形容“巨型”而且係超巨型手工唔錯
4）魔雲天∼巨大兼可愛
5）撒旦十字，可分可合有型
6）百噸王又係唔打得都睇得，上色幾好
7）陽光人∼其實用料差，不過夠大隻，而且陽光正正方方的造型都嘗試做關節叫做有誠意
8）水牛人ex~超重手唔知以為舉啞鈴
9）惡魔將軍∼重手夾有型
10）鱷魚人有恐龍腳送當年幾拾元覺得幾抵手工既野都唔重要
11）羅賓dx版一個字“型”有頭換，盔甲可除可穿
12）電鑽人∼隻野其實做得幾smooth,而且身體可一分為二，如漫畫般可給拉麵男分屍

keve0223

至於心中既差勁之作有：1）初出既主角筋肉人，面相極度樣衰簡直係趕客2）泰利∼頭同身接駁勁差，好似頭斷左用膠水接駁番咁3）初代拉麵男樣衰排骨，兩條鬚影得公仔更古怪


跟住再出啲如積斯利比亞，肥佬，史迪武，希特拉一世等企唔穩既爛貨唔係貪齊角色同超平真係不屑一顧！基本浪曼堂叫做有誠意出筋肉人玩具既公司，玩具叫有部分幾好玩又多款式，但手工太參差，好既令人愛不釋手，差既真係唔知要好定唔要好，對超級粉絲來說當然支持，但一些人氣一般既產品有時真係要貴精不貴多，浪曼堂收檔可能是此原因之一吧！相反ccp可能做得好點，但如果計玩玩具來說，我始終都鍾情浪記，現在公司倒閉，反而令我感到我手頭的玩具變成無價寶，因為我想短期內都唔會有一間公司咁瘋狂出筋肉人figure出得咁齊咁瘋狂，就算有，我都未必捨得再去買，因為之前香港啲跳樓貨真係平先令我落搭跟著有些在香港雅虎同十隻八隻從日本代購買番，金錢都花了不少，，ccp同five star每個下下過千……

kevin_mask

回復 3001# keve0223


    浪記後期比例.......算把啦:42:

kevin_mask

回復 3002# keve0223

個人心水浪記FIGURE 十大
1) 羅實DX, 真係出得好好, 無可挑剔, 如果按比例高小小就PERFECT
2) 筋肉人裝甲DX, 面相最好版本, 裝甲都做得精細
3) 舊版菱鏡人, 外形真係同漫畫好接近, 其他ANGEL大大已提及
4) 長毛象人, 好有心思, 牙同鼻都可動,  比例好好, 其他KEVE兄已提及
5) 拉面男EX, 浪記顛峰之作, 可動性高, 外形一流
6) 大水牛EX, 同上
7) 十字撤旦, 浪記最用心開發產品之一, 可惜當時日本一出即變蟹貨, 冇人欣賞, 可能從此嚇怕左浪記, 打後每隻FIGURE都計算都好精準
8) 原作版神殿人, 浪記後期重點開發第一隻MADE IN JAPAN受注限定項目, 個人認為此系列中最好一隻
9) 摩托車人, 漫畫中型態完全忠實呈現
10) 舊版惡魔將軍, 造形雖同漫畫有頗大分別, 但更有氣勢, 質感用料上盛

個人對浪記觀感: 浪記筋肉人前後已經出左超過十年, 不同款式/版本有過百隻, 本人雖在2004才開始入坑, 基本上大部份都要高追或正價入貨, 但總算經歷過當中既高峰期同低潮期, 同時浪記亦帶俾我好多開心興奮既回憶, 當時差不多每日都會上官網睇下有咩UPDATE, 每當算佈有新FIGURE發售就會非常期待, 當然, 因FIGURE質素參差,
有時期望越高, 失望機會亦越高, 但總會有喜出望外既時候, 總括來說, 浪記呢間小公司
已經完成左佢地既使命, 什至乎已超越左佢地能力範圍, 簡單D講, 即係要出既角色已經出哂, 再出落去都冇意思, 只會虧損, 從商業角度黎講只有關門一條路(不能說倒閉), 冇理由期望佢地會出埋其他二世角色或N咁多隻EX VER. 銷量既野只可以由市場控制,
D大咖角色就算出得再好都唔會多左人買, 何況浪記只係間蚊型公司, 不能投放大量資金去開發同宣傳, 故此我都十分欣賞呢間公司既生意態度, 有始有終, 幾困難都盡量將所有角色補完,算係完成大部分FANS心願 (包括我)

kevin_mask

呢盒就係我第一盒筋肉人玩具啦！當年都要10元，真係差不多28定30年前了，當時小弟只是小學生
keve0223 發表於 14-11-2013 06:45 PM

    KEVE 兄, 呢盒我有, 可以讓俾你, 如有興趣請PM我, 一直希望留給有心人或當交個朋友

keve0223

kevinmask兄專家見解果然精闢！跟著想說出了幾隻便停產既g-muscles 系列，簡直慘不忍睹，本來公仔大細易於收藏是好事，不過造型差，得隻將軍似樣啲，而且原定要出都無影無蹤！如果出到好像bandai咸蛋超人ultra-act咁既質素，我想我可能又要破財！

另外希望漫畫37期以後能出中文版，始終一世比比較好睇，之前看過有線播二世卡通唔知係咪先入為主感覺已經沒有甚麼興趣去追！看了kevin兄登的筋肉人漫畫新封面，感覺好像畫風有點改變，不過玩ccp的朋友必定喜歡，真的和ccp好似，不過我還是比較懷舊……

keve0223

KEVE 兄, 呢盒我有, 可以讓俾你, 如有興趣請PM我, 一直希望留給有心人或當交個朋友
kevin_mask 發表於 13-2-2014 05:21 PM

先謝謝你的好意，但這確是一份罕有既童年回憶，兄弟如考慮清楚如果真的願割愛再聯絡，畢竟此模型真是極罕有，如果包裝完整，價錢必定不錯，如果放上yahoo說不定能賣得好價錢，anyway多謝你的心意，考慮清楚再告訴我！我

keve0223

回復 3006# kevin_mask

可能我積分唔夠所以pm唔到你！

keve0223

其實日本仔都好奇怪，撒旦十字咁好都歡迎度麻麻，反而加拿大人同特別人組合手工麻麻卻值得個錢！其實我最想買星球人同彈弓人，曾想日本代購，不過定價實在太高，暫未有衝動去買，如果kevinmask兄有多或有朋友想賣麻煩幫我留意一下，我想香港雅虎有的機會好微，如果買到都基本買齊我所喜歡的角色，完全滿足我的願望！

kevin_mask

回復 3010# keve0223


    因為加拿大人set係受注限定版, 日本初出果時冇咩人想入，最後變左絕版，個個爭住要，一度炒過干，後尾有大批老鼠貨流入香港，盒角剪左，冇証紙，$20盒，益哂香港人。        星球人同彈弓人就真係幫你唔到，我都係得一隻:38: 日本yahoo如果冇盒都唔會好貴掛

真中淳平

其實日本仔都好奇怪，撒旦十字咁好都歡迎度麻麻，反而加拿大人同特別人組合手工麻麻卻值得個錢！其實我最想 ...
keve0223 發表於 13-2-2014 10:43 PM

星球人 = 星球邪神???
上年八月我係大阪見過, 六萬幾YEN
長毛象人九萬幾YEN {:1_229:}

真中淳平

原來我對上一次留言已經係2007年既事了~

我最愛的角色: NO.1 戰爭上校, NO.2 惡魔將軍, NO.3 海王星惡霸 {:1_199:}

angelheart

我起歡的角色都比較弱如布祿瓊Jr,莊尼武及忍者，呢三個角色戰鬥塲面不多，未曾輕鬆勝出，什至都經歷慘烈一戰而慘敗，但都每每令小弟留下深刻印象,布祿瓊Jr父親慘被分屍，對埃及人卡冕又被殺父仇人救出，對六騎士忍者一戰又僥倖勝出，雙打賽伙拍狼俠被中途殺出的完壁超人打敗，被皇位戰又與筋肉阿拉坦及以往強敵忍者等人組隊，後因捨身救友墜崖，終其重要戰績一般，可謂在正義超人中最弱一人，我估加埋狼俠同荘尼武一門三件弱到幫唔到手咁滯。

angelheart

莊尼武kelvin mask大大已提及，忍者出現與布祿瓊Jr於對戰中可謂實力強横，壓倒性資態技壓Jr,最終不幸戰敗，到皇位戰可見他高超的忍術，與十字妖闘至最後，被雙妖開膛慘敗，但死得好精彩，在2世再出現効忠阿拉坦，成功近衞隊長，出場時本人驚喜萬分，外型老了但不失其忍者風格，專捉逃犯，為救愛徙而再次被殺，慘被割面，又慘死多一次，但精神不滅，助後輩戰勝敵人，非常之型。