筋肉人友情血盟軍專區(分享日本kin 29 shop 大阪筋肉人特設會場)

Devil_Fudou

可惜超像可動斷了....
唉......希望BANDAI會出筋肉人啦!!
如果那間浪漫堂重新出過都好....
劉波 發表於 7-7-2012 12:10 PM

    筋肉人已經過晒氣...... 如果唔係超像可動都唔會斷啦..... Bandai更加冇可能會買黎出.....:die:

Devil_Fudou

經典角色我認為始終會有廠出，
只是會唔會超像可動或浪漫堂唔放版權其他廠唔出得就希望唔好啦…广
劉波 發表於 8-7-2012 03:29 AM

    Medicos已經係對筋肉人最有愛既廠，連佢都唔再出.... 我唔覺得有其他廠會買黎出...

Devil_Fudou

新出呢個完璧筋肉星人幾型~~~

stormli

回復 2884# kevin_mask

正, 好想去下, 唔知日本仲有冇咩其他地方仲有呢類筋肉人專賣店經營,

BTW, 呢個thread 好似冇咩同好再一齊傾下去......

angelheart

海洋堂會出轉輪筋肉人

另外我覺得講番第一代好睇D，可能有親切感

Devil_Fudou

海洋堂會出轉輪筋肉人

另外我覺得講番第一代好睇D，可能有親切感
angelheart 發表於 7-1-2013 02:46 AM

你有追？我都有追呀，但我d日文程度只係明得大半，希望會出中文版啦，但相信機會頗微.... 唉.....

另外，有冇睇早幾話？黑洞同五角星玩乜？點解可以玩到變身？XD

stormli

太少人睇, 出完1期37期已經冇左影, 睇嚟太少銷量, 連台灣都好似冇出

angelheart

各位大大，都隔咗一段時候冇係度出現，最近見到元祖筋肉人漫畫回歸，好感慨又好興奮。小弟覺得佢哋畫功冇變，甚至仔細咗，比起聖闘士小孩化，足球小將四肢異變，魁男塾亂嚟嘅續集，佢算合格有餘，但故仔，絶招同新人物創意都差唔多,無法突破元祖，只好再請一班元老再次出山，佢地真係打到至死方休。例如忍者之死令我感到好可惜，一個小弟超愛嘅角色就打到老，最後死係另一隻忍者手上，仲死到冇埋face,死得好慘烈。今次又整死魔雲天，法魯王等惡魔超人，真係用到盡。

angelheart

其實今次對筋肉人取咗係被新連載嘅刺激外，仲有係有位好朋友同學兼死黨幫我係日本買咗好多Tee，但浪漫堂筋肉人玩具就唔多，其實小弟儲浪記筋肉人真係由佢創立到摺埋（唔識日文，靠估）,由千幾2千円到8-9千円甚至過萬食炒價，由六算到十幾算（連運費）。由香港買，日本bid，托人日本買等，由一世至二世，由中國制到日本制，由ver1 到ver 乜，由漫畫色到動畫色到透明再到特別色，漫漫長路十幾年，呢個情義結真係因為佢係小弟家𥚃第一本日文單行本漫畫，由第十期追前續後嘅心愛漫畫。其實今日有感已發嘅話題係想講佢啲產物。

angelheart

呢個區雖則人流不算旺，見到kelvin mask 大大有時在此抒發及分享筋肉人的故事，產品及旅情，有時又獨自苦苦支撐好幾版，得到零星回應，仍然不捨不棄筋肉人，很難得，先向你致敬，其他大大對筋肉人嘅支持都係值得小弟欣賞你地嘅耐力。但有時我又會諗，點解一個咁出名（起碼係日本，美國，台灣，香港等地）嘅英雄，每次出親玩具都好似冇辦法出得長。bandai 出嘅約7-8吋（冇記錯嘅話日版當年因qc出現咗問題，只出咗少量日版，美版順利推出，仲有多個日本冇嘅新角色（小弟曾在ebay見過checkmate連吸塑包裝出售），12吋？著衫（北美設計），takaratomy 嘅microman系列，出得人物最多嘅浪漫堂(算係最濫，質數參差但又最能滿足喜歡多冷門人物嘅人仕），懷古堂(只出咗幾隻，同浪記差唔多質數），five stars系列（啲地區限定，顏色，同丅ee crossover嘅中膠，多到唔係比普通人儲咁款，好多都好貴，甚至未見過），ccp 差不多全限定不可動嘅擺設同貴到爆系列 ，小弟認為史上最好最用心制造的超像可動（主角都未出就冇影）及海洋堂（現只有一隻，暫冇下一步消㤫，希望唔會冇疾而終）嘅玩具（未包括盒蛋，復刻膠公仔，box set，Q版或正常版攞設等。都係冇法長久（ccp好似係由100倒數出嘅，five star該算係只有廠家先可能有齊嘅玩具，就一款顏色已經可以多到你唔信自己可以儲齊）。曾經有一下想大搞筋肉人為主題嘅商店，但呢度都唔多人已經少，街客無法估計有幾多，好難一廂情願，結果打擊我對発揚佢火事塲（因冇巿場）嘅心態，所以算了，但佢啲tee ok的，好過ape通街都有。多謝大家聽小弟抒發，希望多D人上嚟分享。謝

28號dx1

.....delete......

28號dx1

天使心兄,
未必係d fans死心晒, 只係老筋吾太能夠吸納到新一代fans接棒, 得番我地d 30幾40歲既老鬼fans, 咁上下年紀都有家累, 多數係默默支持果隻......(同摔角呢種表演運動係香港吾流行有關...)
時至今日, 在我眾多收藏中, 因地方有限, 放在唯一展示櫃的4層當中, 老筋就佔了3層.
熱愛之情仍未退減, 只是, 想買, 同能負擔既, 都已經買左了, 太貴既就"喜歡她不必要得到.."算了......

28號dx1

.....delete......

angelheart

28兄，希望玩具商有朝一日會重伸再出可動figure,等我地D老鬼同D年輕人可以重溫或重伸認識佢。