|
本帖最後由 kkkiii0079 於 2-2-2011 05:06 PM 編輯
重戰機真係七八十後的集體回憶，我自己認識重戰機係機戰入面。機戰入面重戰機唔算得上好用，不過佢既戰鬥音樂好優雅，好RELAX，所以一直都幾鍾意佢。
最近見到R魂話會出佢，不過標價係6000YEN，真係大件事…一直都有師兄講，呢隻野要4舊過外，個時都心大心細，不過最後都係出左手，再來一點報告。
先來一個小總結，這一隻野，標6000YEN，是合理的。(唔理限定既野，最貴既好似係高文，不過高文同佢差得太遠)
基本上個盒既大小冠絕R魂系列，一拿上手完全係有份量既，同埋個設計都幾精美。
入面既配備十分豐富，小槍，長槍，兩把光劍，手掌等……
之前有大大講過，呢隻野十分膠，我覺得好可能係燈光問題，這一隻野，真係唔算得上膠，而且上色用心，橙色、暗黃色落色很準，成隻野0出界。
之後大家可以再看一看背包和槍，槍管上了銀色，之後線的插嘴用了金色，大槍上面的線上了紅色，水口位唔同，有既亦唔算明顯。如果講近期既R魂上色，除了F91之外，未有一隻既上色有咁既水準。大家留意下，佢隻眼都係有上到色架……..=.=這一點，R魂前所未見既DETAIL啦，不過用色就差少少…..
之後就係可動度，之前見隻野大大舊，以為佢好睇唔好玩，點知……
可動度完全無問題，儘管大大隻，由於成隻野採取多關節的配合，手臂、膝蓋部分，跪下，摺手，完全沒有問題。而且手臂、腳部的伸展範圍極大，真係好誇張下。大家留意近距離個幾張，完全顯示左MK2設計上既特點。
之後當然就是去圖啦。
由於成隻野都幾大隻，本來擔心之前既魂STAGE搞佢唔定，點知最後都OK，順利上架影相。
換手個陣本來好擔心，因為上一次FAFNER既經驗，搞到我都真係好怕，上次換手換左成十分鐘，點知重戰機隻手好易入，又易脫，但插左入去就好穩陣，點搞都唔會再掉下來了。
先來一個短炮，機戰個陣既FEEL番哂來~~~
之後再來雙劍。
 
重頭大戲當然係粒子大炮了。固定佢都真係用左唔少既時間，不過都係值得既，因為佢「型」。
個「抽」野整起上來真係好正，好有FEEL。
雙槍。
之後就係變身。其實R魂這一次既官圖做得好差，令大家以為個變形好簡單，原來入面有乾坤，而且做得非常之精細，直頭係「巧」﹗ 成個腰位都可以移動，OMG，我看左說明書很久都唔知咩……因為我估佢唔到，和之前「蜃氣樓」個變形比較，真係……
完成變形花了我半個小時……不過由於成隻野既關節都係幾實淨，變既時候都真係要小心之餘再出少少力。
因間再整埋變型既相上來。
戰機都係非常之型，不過就係「角度限定」......真係~同埋個變型系統真係幾有意思~
一方面這一隻R魂還原了一代人既夢，另一方面，佢確實係R魂系列既一隻進步之作，事實上，最近R魂的出品既QC都真係好左好多，大家如果唔係戴有色眼鏡去看，其實R魂真係一件幾好玩又幾睇得既玩具。
這一隻重戰機真的是一個驚喜，期待下一個月的MK1~~
有大大提到一個很重要的兩點，就是：
原著中的L-GAIM只有單盾
它的腳跟要直
飛機形態槍應該在右手
所以，聽了這些意見後，我作出了改動，再把新的圖放上來，為免第一版的圖太多，我把更新圖放在最後吧。
大家如果有興趣再睇多D相，可以來去我YAHOO的BLOG：hk.myblog.yahoo.com/kkkiii0079 | 
[複製鏈接]
發表於 26-1-2011 22:25:12
發表於 26-1-2011 23:02:01
樓主
