獅王與大帝, 想起成長在屋村(純文字小故事)

evan

最記得細個，因為家人好窮，所以無錢買玩具，７０年代中是問有邊個唔鐘意黃金俠，沒錢買甘
唯有攞個 ...
逆轉王 發表於 26-1-2011 09:54 PM

講起DIY ,現代的小朋友一定唔會...................以為我都試過用雪條棍 or 衫夾自已整飛機......

太子touch

雖然我係一個80後~但係見到咁多大大都等到自己心目中既神物出現~
唔知我既心水又係咪要等返20年先等到呢:79:

diamond001

原來大家小時候都有呢d好鬼有貨但係又鬼死咁粗暴既朋友架？真係0岩！

我細個玩合金，一定係學期尾考完試 ...
常威 發表於 26-1-2011 02:45 PM

唔~ 我記得當年有人帶咗隻超級地隱俠DX返學校, 個個嘩嘩聲~

多其

好認同各大大﹗我不是牛下人，不過都經過牛下，記得有一間好多模型的鋪，又的確係好多平野架喎﹗而樓主既有錢朋友…我算係半個，因為屋企人多，所以玩具唔算少，記得係有一盒百獸王的，最後當然唔見晒…而好多玩具都係最後葬身在紅白藍之中……

Called_Wind

小弟都係70後出世既, 細個果陣屋企唔算好有米, 家住樂富, 但因為媽子非常錫小弟, 所以都成日有新玩具玩, 由細細個開始就玩百變雄獅(MACHINE ROBO), 都有十幾廿隻, 又有好多模型, 高達同好多機械人(超級機械人, 黃金俠, 超時空要塞, 機甲創世記........ETC), 合金嘛, 有買過一隻唔可以分體既超力電磁俠, 神勇飛鷹俠五合一既戰機, 仲有高迪安~~~~ 有個家境好DD既表弟, 屋企又係乜合金都有, 六神合体, 百獸王, 宇宙大帝, 金毛獅王......ETC, 但因為實在無可能要媽子買咁多咁貴既合金, 所以反而買咗好多扭蛋版既超級機械人, 六神合体, 宇宙大帝....等等

後來搬咗入它屯門, 受電視卡通影響開始玩美玩, 變形金鋼, 銀鷹俠, 捉鬼敢死隊, 之後又玩返日玩, 聖鬥士, 魔神英雄傳, 魔動王, 四驅車...........總之就係電視做乜我就玩乜, 但反而合金就玩小咗好多~~~~ 仲大鑊係開始咗玩SD高達模型, 雖然唔係好貴, 但真係買到一屋都係............

好多回憶~ 應該仲有好多未講:(

但唔知點解, 小弟總覺得細個果陣既玩具可能無而家既玩具設計咁好, 但用料同品質都好似好過現代既玩具好多, 而且更有誠意~~~~:x

bbf1125

呢個帖真係勾起返好多回憶同埋原來咁多大大都係住牛頭角 :$ 我雖然住牛頭角下村2座, 但因父母工作在深水土步, 所以機本上我係深水土步既時間仲多過係牛頭角所以只係記得下村2座樓下有間玩具店而上村機本上都冇去過 :( 果時最常去既係三和, 兆利隆, 福利同埋白田果間平平, 同好多多大大一樣每次都只係得過睇仔, 我就要過年先會有得買玩具, 但唔好諗住買大BOXSET, 每次都只可以買STD 果D, 所以帶到返學校基本上都唔夠其他人威 :unhappy: 因當時有好多同學屋企都幾有錢大部份都可以係暑假去放行跟住返黎又不停咁講而我就連澳門都未去過最多都係返鄉下 :49:

wpc

我住牛上邨十一座架！好高興有咁多同鄉:77:
以前花園大厦光大同光明兩間文具舖都有好多超合金同模型，我成日同朋友仔行。觀塘又多模型舖，有D仲有得開盒睇，而家冇哂嘞:63:
仲有百利達更加睇住佢由細舖搬大舖

evan

各位牛頭角的街坊,唔知你地仲記唔記得百利達........
以前放晒d 星矢係門口,每當日落時經過佢間鋪...........
嘩...............閃到呢.......................

minpetitko

大家好,我都係80後既
見到大家既回覆真係好感觸
因為我地都係差唔多既環境下長大
感受都差唔多
我住石硤尾,雖然細個屋企好窮(果個年代,搵食仲難過而家,但個社會和諧得多),但當年有幸(扭計扭左幾個星期,又話以後都會乖丫,聽話丫,咁囉~哈~)
得到心愛既宇宙大帝
而家諗返起真係童年中最大既滿足
細個果時無錢買玩具,就算得唔到,但係可以入去文具鋪入面摸下個盒,拎係手睇耐D,睇真D,都好開心架啦~

minpetitko

回復 36# bbf1125


    嘩,咁都記得,我細個都成日去架,仲有間都係石硤尾街市,叫宇宙玩具,都好多野睇,平平我成日去買四驅車哩~

Garycharm

原來大家小時候都有呢d好鬼有貨但係又鬼死咁粗暴既朋友架？真係0岩！

我細個玩合金，一定係學期尾考完試 ...
常威 發表於 26-1-2011 02:45 PM

我弟一次見金毛獅王，就係呢類「場合」。
當時有個同學拎住佢行o黎行去，成班同學就跟住佢行o黎行去。
我完全身不由己咁加入......

果個場面我一世記得。

Garycharm

回復  bbf1125


    嘩,咁都記得,我細個都成日去架,仲有間都係石硤尾街市,叫宇宙玩具,都好多野睇,平平 ...
minpetitko 發表於 30-1-2011 04:19 AM

石硤尾人？
咁你記唔記得大埔道，近太子方向有一間玩具店？
好似叫「多多」~~~

聖鬥士星矢

=.=小弟真係細個時一隻超合金都未有過一隻.記得4年級儲左好耐錢才買左隻台灣版紫龍.
講起考完試可以帶玩具返去玩這個環節.真是最慘.年年我一隻都無帶回學校.只是玩同學那些.玩一會就要還.