|
|
|
(麻帆良市時報記者 / / 桜高輕音部記者平沢 唯報導)
2011 年雖然已經過左一個禮拜, 不過有心唔怕遲,
小妹o係呢度代表全市祝大家新年快樂, 事事順景!
今日麻帆良市接收今年第一架新車, 不過今次並唔係巴士, 而係消防車一架,
而今次o既主角正係o係 1980 年代日本各消防局服役o既日野 TC343 型 35 米級雲梯車,
TC 343 o既特色, 係使用 6 x 2 雙前軸轉向o既設計,
日本好多消防局亦選擇以呢款車作基礎, 配上雲梯同各種消防裝備,
作為佢地o係局內o既消防車成員, o係救火抗災工作中擔當吃重角色
麻帆良市接收o既呢架日野消防雲梯車, 係以小山市消防署o既塗裝出場,
Super Bus 話呢架 Tomica Limited Vintage Neo o既日野消防雲梯車,
立即令人聯想起上世紀 80 年代由 Tomica 推出, 29 號o既日野雲梯車車仔,
不過話明係車仔, 佢同呢架 TLV 比無論o係精細度同可活動性方面,
完全o係不能相比o既, 至於呢架車到底點勁法?
我地不如一齊去睇下啦!
一打開盒, 已經比D部件嚇親, 根果就唔似係 Tomica...
裝好倒後鏡同其他裝備, 正式落地!
雲梯轉台部份附有側梯連接, 係日本雲梯車o既特色之一
車身兩側o既滅火喉像真度極高
仲有滅火器
平底積
打梯
平底積要靠螺旋收縮支柱, 不過新落地果陣比較實, 要用工具輔助, 小心!
雲梯附有站台, 收於第四節梯尾
站台o既作用之一, 作為消防員控制水砲o既位置
水砲亦可更換
仲附有人仔兩個
小劇場~~~ XDDD
新車今日甫一登場, 即時被編去 On-run,
兩名消防員, 火伏 守 (銀衣者) 同新門辰吾 (橙衣者) 亦急不及待進行訓練
突然初音出現, 見到呢架消防車o係度...
(初音)咦? 呢架就係今日新到o既新車o拿?
好少可見 Super Bus 入消防車啵, 佢唔係冇玩消防車好耐啦咩...?
火伏同新門見到初音, 順時嚇左一陣
(火伏) 嘩! 呢個係乜水呀? 綠色頭o既孖辮大魔女呀!!!
(新門) 唔係呀, 佢就係麻帆良市出哂名o既初音呀!!!
新仔, 係時候出你o既拿手好戲啦, 解決佢!
(火伏) 了解!
火伏 守將雲梯轉向初音, 初音不明所以...
(火伏) 看梯!!
雲梯應聲而下, 初音被當頭一擊!
初音被打暈左~~
(新門) 新仔 Good job! 不愧為梯神, 比你守雲梯車果然係正確!
(火伏) 老總過獎~
(新門) 死丫頭, 以後我地做緊訓練你就唔好過o黎阻頭阻勢, 否則唔只咁輕手!!
後話 -- 呢架 TLV 雖然精細, 但係個人亦因此對佢o既包裝甚為不滿,
因為正因為用呢種包裝設計, 令佢o係運送過程當中容易令模型構成損壞,
事實上呢架車亦因為咁而換過, 好彩賣家亦明白呢點,
o係寄出呢架車之前同呢架車做左一D加護工作, 令新車平安到埗,
希望可以o係呢度向佢講聲多謝, 同時亦希望 tomy 可以改善一下包裝o既設計,
不過撇除包裝o既設計, 呢架日野消防雲梯車實為鍾意消防車o既人必入之選,
特別係o係精細度同可活動性之高, 更係值得一入
Thanks for reading |
|
發表於 9-1-2011 17:22:13
樓主
