[罷食大檸樂!!]大家樂：扣飯鐘錢是行規

elvischoi

「堡」=>??
「家」=>家香雞/吉野家?
「麥」=>M記
「美」=>"美"心

有冇大大知"堡"係咩??
MKLO 發表於 31-10-2010 10:12 AM

burger king？？ mos burger？？:78:

K動戰士渣古

佢點講實際上又咪係減新入職既人既人工,反正罷食就罷食,講咁多做咩...

chlycab

其實我自己一直都唔會幫襯連鎖式食肆
因為第一d野極之唔好食
第二就上面既原因，壓搾員工

滕井八雲

罷食--->無人幫襯--->收入減少--->分店執笠--->炒晒分店所有人--->無收入
呢個係一個循環, 做呢個無聊罷食行動之前, 請考慮長遠少少~

影武者

香港現在打工的受著很多擠壓...最後只有一句 : 「咁你做唔做呀?」........為了二餐，最终也只有逆來順受:42:

手榴蛋包飯

>沒有人拒簽同意書而離職
被屈機嘛, 員工何來權利保留工作而不用簽同意書?

K動戰士渣古

罷食--->無人幫襯--->收入減少--->分店執笠--->炒晒分店所有人--->無收入
呢個係一個循環, 做呢個無聊罷食 ...
滕井八雲 發表於 31-10-2010 07:32 PM

反正出外食既人又唔會少左,E間無左,總有第2間開,點會係無聊??

superterry

珊瑚堡?

滕井八雲

反正出外食既人又唔會少左,E間無左,總有第2間開,點會係無聊??
K動戰士渣古 發表於 1-11-2010 11:27 AM

如果你真係有諗長遠少少, 諗深入少少, 你就唔會咁樣反駁我~
你話有第2間開, 開乜野? 大家樂? 定係第2種食肆?
如果又係開番大家樂, 個薪金制度仍然一樣, 又開始罷食? 好, 循環又開始~
開第2種食肆, 如果個薪金制度又係咁樣呢? 開始罷食, 循環又再開始~
就咁樣, 開, 執, 開, 執....不斷咁循環~
請問最後既受害者係邊個?
咪又係做食肆果班打工仔~
咁請問係唔係好無聊呢?
搵少d好過無得搵呀~小朋友~

K動戰士渣古

回復 11# 滕井八雲

小朋友?
    如果又係開番大家樂??
都無人食~又點會又開返大家樂~!??
你個假設最初果點已經唔成立

都係果句
如果你真係有諗長遠少少, 諗深入少少, 你就唔會咁樣反駁我~
諗好D個假設先啦...唉...

CD-ROM

罷食 => 食肆冇生意 => 結業 => 大量失業者
有另一飲食集團睇中該舖 => 業主以比之前更貴的租金租給該飲食集團
租貴了但要有利潤 => 以"大家樂"相同手法請人(比之前"大家樂"請得更少人)

該批失業者要等最少三個月才有可能有被聘請的機會
要爭奪比之前更少、與之前相同(可能更少)的薪金的職位空缺

請問該批失業者於失業期間，邊個能幫他們？
就算立即伸請政府幫助，都超過半年才有機會伸請得到！

如果你是該批失業者的其中一個，你可以點？
請問罪魁禍首係邊個？
他 / 他們會否付責任幫助該批失業者？

CD-ROM

(再post一次)
原文：
http://www.toysdaily.com/discuz/thread-139797-1-2.html
http://www.toysdaily.com/discuz/thread-139693-1-2.html

其實經營飲食業者都係受害者, 唔好以為大集團就一定賺大錢
就以KFC為例, 如果有留意者都會發現有幾間KFC已經失蹤, 原因係大幅加租, 根本無法經營
再加上最低工資, 如果唔想辦法節流, 只會無法生存, 若集團退出市場, 只會見到失業者激增

其實最低工資唔係唔好, 但係冇解決過整個社會最嚴重的問題, 就係所有錢都流向大地主身上
呢個先係令貧富懸殊加劇的主要兇手

租金過重, 就連外國名牌都吃不消, 沙田新城市廣場亦有名店因貴租而離場
小市民想自力更新, 開舖因租貴而不成, 街邊攤販又要被人拉
但政府又話唔可以干預市場, 唉~~~

所以唔好話呢啲飲食集團不仁, 只係地主惡霸不義在先
但最後原兇都係政府呢班狗官, 不知所謂, 攪到民不聊生~!
唉~~~~

大家冷靜想一想, 就會發現真正問題唔係呢個工資及工時上, 而係經營成本不合理地偏向租金上
但經營者又冇辦法同呢班大地主惡霸鬥, 唯有向更弱勢的一方下手
如果大家真係想幫呢班弱勢社群, 唔係用罷食呢個方法
試想, 如罷食令一眾飲食集團將其中幾間分店結業, 只會見到大量失業人士出現
至於有咩辦法幫佢哋, 都係未知數
但大家要明白最大敵人係呢班地主惡霸, 及一班不知所謂的狗官
唉~~~


大家可以唔認同，大家都為小市民而氣憤，但應該要客觀啲！

再想一想：
請問該批失業者於失業期間，邊個能幫他們？
如果你是該批失業者的其中一個，你可以點？
請問罪魁禍首係邊個？   他 / 他們會否付責任幫助該批失業者？

巴武藏

我係支持罷食o既，我覺得大家樂除左利益要計算外亦會考慮企業形象，商譽...件事越鬧大，對勞方越有利，而且唔扣o個的食飯鍾錢，係唔係就會影響佢地經營，另佢地要結業？我好懷疑，錢係要賺，但咁做實在太難睇...我唔認同要逆來順受，見到唔公義係應該要出聲...