|
本帖最後由 紫月葵 於 9-10-2010 07:29 PM 編輯
前言：可能你會發現有d字怪怪地，唔駛奇怪，其實係特登打到咁當爛gag既，不過多數係打錯字
講起第一隻合金玩具，有番d人生經驗既玩迷既莫過於金毛獅王或十五機合體果d，食飯多過食鹽既應該就係合金魂之類既
我就冇咁幸福，自細屋企就唔係點買玩具比我既，而我自己又傻下傻下唔係儲錢，所以除左lego之外，膠玩具都唔多隻既，更何況係合金玩具 記得就黎小學畢業果時，有日同媽媽行街，經過一間買高達野既玩具店，當然就lur阿媽話入去睇下啦，一見到呢盒野就唔知點解同媽媽講話中意左呢盒野好耐，當然係吹水啦，果時先岩岩玩完傻仔召喚王，進入左高階d既gundam war世界…又唔知點解媽媽肯買喎…… 可能係我堅定既眼神拋疾左媽媽掛…就係咁，呢款由bandai出既超合金 GD-60 ZZ Gundam就成為我人生第一款合金玩具
先睇下個盒，個盒好靚，擺到明係話可以變形，就算聾既都睇得出呢點
 
說明書，面係彩色，有玩具既圖，而底係黑白變形說明書，不過老實講，個說明書講得都唔係太清楚
 
配件，有兩把大光劍及3隻手，其中一對係渣劍用既，另外果隻右手係渣槍用
3架飛機 (已經唔記得叫乜名，因為我唔係玩藍國力既人)：
  
2號同3號機(都話唔鬼記得d名諾！)合體，其實1同2號都得，不過都係就咁插入去，合完都係睇唔出，所以冇影到
3號機個背包有兩個細盒可以打開，呈現macross式飛彈發射盒
3架一齊合體變做架大飛機
  
合體變形！ ZZ Gundam！
頭部，因為size同變形所限，角部份為軟膠，擺左咁年，最後自己斷晒…(影得唔好，其實個面相都唔係話太靚，唔係太收貨)
呢隻野比起而家好多所謂合金玩具都有誠意，除左關節之外，唔少外層部份都係合金制，以呢個size黎講，都已經算"罪"手嫁啦
不過背包雖為全膠制，但可能對腳設計既問題，要企直佢都幾難，更莫講話擺pose，還好我d玩具同我一樣，都唔係中意擺pose既人，所以我接受到
武器之一 ~ 槍
把槍其實係由1號機個機頭變成，但變完形之後又冇位將埋，我冇睇過ZZ動畫，唔知係咪都係由得佢自己周圍飛嫁呢？    
武器之二 ~ 雙劍
劍柄係背包果兩支白色大炮 又，之前講過，渣呢兩款武器時係要換手，但其實冇隻手係渣得實d武器，未至於會跌，但會掉掉fing囉 
平衡力既問題，拆左個背包後好好多
最後黎張我最中意既低炒
後記：
比分？呢隻野我唔係好想比分，唔係因為佢唔好，反而係因為同而家好多玩具比，我覺得佢算超班添，就算係而家個價錢都唔算貴，十分抵玩 滿意？當然滿意，係10分滿意添呀！ 如果你對高達有愛，中意玩變形，唔係太在意擺pose，又受夠而家d玩具既氣，我建議你一定要買黎玩，雖然而家黎講唔係太常見就是啦… | 
發表於 9-10-2010 18:04:34
樓主
