|
本帖最後由 insomniac 於 19-8-2010 09:40 PM 編輯
見好少人post/講呢隻眼仔精伶既豬嘴 MS (機本上唔覺得 TD 有人post過咁制), 一定要為呢隻F-91 既機體爭返啖氣!
由於F-91 係小弟自懂事以來第一套 "新" 推出既高達, 所以特別鍾情. 加上 Crossbone Vanguard (死亡先鋒) 既機體比一般敵方既MS有型同有個性, 所以都而家都十分喜歡. 由於呢隻 Den'an Gei 係90年代推出既 F-91 模型時連出都無出過, 所以初初公報話Robot魂會出時對佢都無咩印象, 有D驚訝. 反已對 Den’an Zon 比較有興趣, 因為除 F-91 同Vigna Gina 外, 只係擁有過個隻 F-91 既機體. 其他既當時忸唔到阿爸阿媽買! 因為係大百貨公司D F-91 模型都唔平, 仲近百添!
不過隻 F-91 出得咁正, 都係忍唔住入左呢隻打頭鎮既敵方機體.
file:///C:/DOCUME%7E1/Kevin/LOCALS%7E1/Temp/moz-screenshot-1.png
file:///C:/DOCUME%7E1/Kevin/LOCALS%7E1/Temp/moz-screenshot.png 配件有3對手型, 激光劍, 激光盾, 和機關槍一支.
背包本身其實都幾重, 所以直企既話會有少少墮後. 想直企得靚既話擺pose就要花點心機喇!
心口上死亡先鋒既標記係用上啞色油印上的, 造得好靚! 仲驚呢D咁複雜既圖案會要你用貼紙或者水貼添. 加速器用上了令黑色與啞紅色, 對比著灰色半消光既機身, 令到隻figure增加了一點層次感.
眼睛用上了金屬藍色, 望上去個效果應該會比劑用透明藍件特出. 但係如過好似SHF 咁兩樣都用既話, 我諗個效果應該會更sharp.
加上了少許金屬support 既膠關節真係唔講得少. 擺完咁多pose 影完一大餐都完全無鬆, 仲係好實淨. 呢點Robot魂真係好過當年受歡應既 HCM-Pro 好多, 對愛轉pose 既玩家真係一個福份.
不過今次手碗既關節就退步了. 記得上次 F-91 係用上了雙重 ball-joint 的 (好似 SHF 個隻), 但係今次就用回只有對集入手部個邊先有ball-joint, 另外個邊係同手臂fix 死既. 對擺某些pose 會有些少負面影響, 玩慣SHF 可能會覺得怪怪地.
裙甲下同腿內能夠插入 Stage Act 個壟都無左, 個人覺得呢個方式比硤住條腰好用
加速器與腳上既件都是可動的.
今次個激光盾比起F-91 容易裝上得多. 可以同激光盾未發動時既配件換裝. 個盾不但有360度既轉動性, 向外內也有上知30度既可動. 好好玩!
個盾雖然造得好薄, 但係實在唔夠清, 仲有D花添. Robot魂就係衰在呢點, D盾永遠都唔夠靚, 甚知比90年代出既模型差! 當笨大 Hobby 部發展到今時今日D激光盾出到出神入化又有幻彩效果既時候, 見到笨大 Collector 部出D咁既盾實在有D無奈.
手槍用上了和加速器一樣既令身黑油, 係有金粉效果既
感覺上可能會覺得配件唔多, 但係個盾既可動性真係增加了唔少既可玩性. 連到擺出來既pose有更多變化.
左手上裝上了一把小型機槍.
把極光劍隻色好鮮, 又夠清.
死亡先鋒出擊! 要打敗呢架阻頭阻勢既F-91.
無論你有買F-91與否, 呢隻 Den’an Gei 都值得一入. 造型靚得黎比起一般MS 有特色之如, 上色, 可動, 同 設計全部都做得唔差. 整體都做得好好. 特別係作為一隻係90年代 F-91 Gunpla 條線都無出現過既機體, 高達迷千其唔好錯過呢隻 Robot魂呀!
小弟就好滿意呢隻R魂, 同 F-91 擺黎一齊真係好正. 期待月尾推出既兄弟, Den’an Zon. 也希望會快D公報多D死亡先鋒既其他機體!
多謝收看 :64: |
發表於 19-8-2010 21:33:55
